خاب من إستشار إمرأه

[الـــفـــ@ــــد]

اقتباس:  المشاركة الأصلية كتبت بواسطة جلوي الشقير     ابو محمد المدام ياليت الله يرزقنا مارزقك انا ماقلت اني مااقتنعت بسيارتي بس انت فهمت بشكل مخالف . وراه أجل أنا مشاور مره يوم أشريها !؟ كنت اقول ماكنت مقتنع بإنها موجوده بكثره في المنطقه وش يفكنا من عاشق الخير والم وانت فتحت له الباب الله يهديك [/center]

هههههههههههههههههههههههههههههههههههههههههههههههههه ه

تبي تفتك منا وانا وعاشق

جهز عفش الكشته وخذ لك فشق والبنادق علي واكشت بنا نجرب السيارة وسلامة تسلمك
وابشر باللي يبلع موس ولا يهرج مره ثانيه بالموضوع ولا تنسى تعزم معنا سليم باك ايمن الشباب الطاير ترى مبطي عن خشيشته

[النهـــار]

الإسلام أعلى مكانة المرأة ورفع شأنها وأجزل عليها فيضاً من التشريف والتكريم
فأنزل سوراً بإسمها تتلى إلى يوم القيامة ( مريم ، النساء ) وفوق ذلك جعل لها بين آياته البينات حقوقاً زادتها شرفاً على شرف .
وكذا سنته العطره ـ صلى الله عليه وسلم ـ كانت تقف جنباً إلى جنب مع كتاب الله تعالى في اثبات خيرية ومكانة المرأة المسلمة .
ومن هنا نجد ان استشارة المرأة لا تُعد عيباً ولا نقصاً في الرجولة ولا سيما إذا كانت المرأة عاقلة فهي مكسب ثمين قد تضيئ الطريق بعقلها النير فتكون بحسن تصرفها ورجاحة عقلها خير معينة على الخير .
إذن لا غضاضة في أن يستشير الرجل زوجته ، أو ابنته ، أو أمه ، أو أخته ، أو خالته ، أو عمته ، متى ما توفرت في هؤلاء صفة العقل ، والدين ، واتزان العاطفة ، وحب الخير للغير .
وقد تكون المرأة برجاحة عقلها تساوي ألف رجل فاستشارتها مغنم ومكسب ثمين .
الإستشارة هي دليل على عقل صاحبها فلا غنى عنها مهما كان ؛ لأن الإنسان قد يعتريه النقص وقد لا ينظر نظره بعيده لمآلات الأمور .
من هنا كانت الإستشارة مطلب لكل ذي لب وعقل حصيف ، وإذا وفق الرجل لمرأة عاقلة راجحة العقل فهذه غنيمة قد ساقها الله إليه فهيناً له ما وهبه الله من جزيل النعمة ، وهنيئاً للرجل العظيم تلك المرأة العظيمة التي قد تكون هي الألماس في زمن ندرت فيه هذه المعادن النفيسة

[نـدى الـورد]

اقتباس:  المشاركة الأصلية كتبت بواسطة النهـــار     الإسلام أعلى مكانة المرأة ورفع شأنها وأجزل عليها فيضاً من التشريف والتكريم فأنزل سوراً بإسمها تتلى إلى يوم القيامة ( مريم ، النساء ) وفوق ذلك جعل لها بين آياته البينات حقوقاً زادتها شرفاً على شرف . وكذا سنته العطره ـ صلى الله عليه وسلم ـ كانت تقف جنباً إلى جنب مع كتاب الله تعالى في اثبات خيرية ومكانة المرأة المسلمة . ومن هنا نجد ان استشارة المرأة لا تُعد عيباً ولا نقصاً في الرجولة ولا سيما إذا كانت المرأة عاقلة فهي مكسب ثمين قد تضيئ الطريق بعقلها النير فتكون بحسن تصرفها ورجاحة عقلها خير معينة على الخير . إذن لا غضاضة في أن يستشير الرجل زوجته ، أو ابنته ، أو أمه ، أو أخته ، أو خالته ، أو عمته ، متى ما توفرت في هؤلاء صفة العقل ، والدين ، واتزان العاطفة ، وحب الخير للغير . وقد تكون المرأة برجاحة عقلها تساوي ألف رجل فاستشارتها مغنم ومكسب ثمين . الإستشارة هي دليل على عقل صاحبها فلا غنى عنها مهما كان ؛ لأن الإنسان قد يعتريه النقص وقد لا ينظر نظره بعيده لمآلات الأمور . من هنا كانت الإستشارة مطلب لكل ذي لب وعقل حصيف ، وإذا وفق الرجل لمرأة عاقلة راجحة العقل فهذه غنيمة قد ساقها الله إليه فهيناً له ما وهبه الله من جزيل النعمة ، وهنيئاً للرجل العظيم تلك المرأة العظيمة التي قد تكون هي الألماس في زمن ندرت فيه هذه المعادن النفيسة

وهنا.... رأي اشبعني واقنعني بعدما أعجبني

لاهنت

ولاهان ممشاك

.

[الـــفـــ@ــــد]

اقتباس:  المشاركة الأصلية كتبت بواسطة نـدى الـورد     وهنا.... رأي اشبعني واقنعني بعدما أعجبني لاهنت ولاهان ممشاك .

اخت ندى!!

وكأنك مشككه بوزنكم لدينا وكأنك غريقة تتمسك بقشة النجاة

الم تشبعي من ذي قبل؟؟

كلهم لم يأتو بجديد

فقد سبقهم الهادي النذير صلوات الله وسلامه عليه قبل 1432 سنه

ونيف

لا ينكر احد فضل النساء ومن ينكر فهو جاحد

فهي امي واختي وزوجتي وبنتي وهي حياتي وكياني وبدونها حياتي

ظلام دامس

لكن اختلفنا هنا بالمشورة للبعض فقط

[قـتـالـه]

ماكل الحريم يحبن الرجل اللي يستشيرهن بكل شي
لو يشاورن بسيارتوه وثوبوه وشماغوه ووين بيشري ارضوه
وهو يروح يفطر مع امه اليوم او لا .. :/
عزالله طاح من عيني صلقاطي ولاردوه الا القاع :|
ابيه يفاجئني بشي ماابيه ولاحسبت له حساب
ابي احس ان الكره الارضيه توقفت وهو يقولي فاجعتوه هه
ياطعم لفرض رايه العوج
وخلاني استنفر كل طاقة الشيطان الانثوي بداخلي
مااخلي ولاطريقه مااجربها لين يجيني على الكيف
ابي اغني ياويل حالي من جفاك وصدك وفرقاك
بتعبي انا عدلت رايه مو شاورني وقال وش رايتس :|
مره ارغي على وسادتي
وره استلعن عليه واتذيهن
ومره احط روحي خبله لين يرحم قلة عقلي :|

لاتحرمونا اعنبوا بليسكم من متعتنا
ترا مصالاكم متعه لأشكالي

[نـدى الـورد]

اقتباس: وكأنك مشككه بوزنكم لدينا وكأنك غريقة تتمسك بقشة النجاة

مشككه ببعض العقول التي تجحف حق المرأة

لاي قناعه لديهم..

فما إقتباساتي... الا انها تأييد لفكري

,

[جلوي العتيبي]

المتصفح مفتوح للجميع ..لكن أتمنى ان تكون الردود في صلب الموضوع

اقتباس:  المشاركة الأصلية كتبت بواسطة قلب الأسد     جلوي ... علق المنتدى وراه ؟؟ لايصير المدام شافت هالموضوع وخربت المنتدى ههههههه ..

هاه وشو لا لا لايزال الأمن مستتب ولله الحمد

من اللي يقول إنا مانشاورهن

اقتباس:  المشاركة الأصلية كتبت بواسطة متزوجه ولكن     على فكره لا نريد ان نقول معشر النساء الا زوجي او اخوي او ابوي يثق في رائيي ويمشي على أرائي وكأن المثل قيل عني انا فقط نهين انفسنا ونؤكد للمثل صحته ونثبت غبائنا ولكن اريد ان اذكركم ان لولا إنقسام البشر وتدرج عقولهم لما قيل اللبيب بالإشارة يفهم ولم يقل الرجال بالإشارة يفهم يعني المثل برمته نسبي كأي مثل

أي مثل ؟

هو رأيي ورأي مجموعه من الزملاء <<متعوب عليها الزملاء

ويبقى لكل رأي مؤيدين ومعارضين

اقتباس:  المشاركة الأصلية كتبت بواسطة متزوجه ولكن     على فكره لا نريد ان نقول معشر النساء الا زوجي او اخوي او ابوي يثق في رائيي ويمشي على أرائي وكأن المثل قيل عني انا فقط نهين انفسنا ونؤكد للمثل صحته ونثبت غبائنا ولكن اريد ان اذكركم ان لولا إنقسام البشر وتدرج عقولهم لما قيل اللبيب بالإشارة يفهم ولم يقل الرجال بالإشارة يفهم يعني المثل برمته نسبي كأي مثل بل اصبحتم لا تنظمون خيط بأبره إلا بالرجوع للمرءاه وهذا اكبر دليل على ثقتكم بنا ودقة افكارنا وبعد نظرتنا <<< الحق يقال

ولو ملزمه

يمكن ماينظم خيط بابره وليس ماتنظمون !

اقتباس:  المشاركة الأصلية كتبت بواسطة طقاقة بدون مايك     آتوقع إنه العـــمر مآله دخل ب الاستشارة..60 وإلآ 16....>>... ّّ الانســـآن يستشير و يستشير ...الكبير والصغير ...الخبير والوضيع ......فكلن عنده شئ خقة ومعلومة من آخر طرآز يقدمهآ لك....>>... ّّ في امور ب هالوقت تحدث الكبار بلحيل م يدرون عنه ...م تسد حصلت في عهدهم ...ف على اي اساس استشيرهن ...لذ1 في اي موضوع اختر الفاهم واللي عندده تجربة أو خبرة ف الموضوع سواء كان حرمة رجل طفل جاهل والا متعلم والا ترللي....>>... ّّ

ربما يكون العمر غير مؤثر لكن الجنس مؤثر بالطبع .

اقتباس:  المشاركة الأصلية كتبت بواسطة مايا     يووووووه إلى هالدرجة محتقرين المرأة ومنتب آخذين ولا برأيه

لا والله قدركن عالي ولا عاش من يحتقر أخوات الرجال وأمهاتهم .

لكن هو رأي لا أكثر

اقتباس:  المشاركة الأصلية كتبت بواسطة حــلـم وأنتــهى     صحيح ان الحرمه تعطيك بالدقيقه الف كلمه وراي لكن ممكن من هالف يكون فيه راي صحيح انا ممكن اني اشاورها بس مشاوره واسمع لها ولا هي اي وحده ممكن اشاورها الانسانه الذكيه واللي تستاهل من يشاوره لكن مايوخذ منها كلمه او وعد لانه انسى انه بتكون قد كلمتها وحتى بعض الرجال لا يوخذ منه مشوره ولا كلمه

اها هذي المشكله يعني الف رأي أقعد أدور بينهن على رأي صحيح .

اشوف لي ذيب يقول رأي واحد وصحيح

[رايق دايم]

اقتباس:  المشاركة الأصلية كتبت بواسطة قـتـالـه     ماكل الحريم يحبن الرجل اللي يستشيرهن بكل شي لو يشاورن بسيارتوه وثوبوه وشماغوه ووين بيشري ارضوه وهو يروح يفطر مع امه اليوم او لا .. :/ عزالله طاح من عيني صلقاطي ولاردوه الا القاع :| ابيه يفاجئني بشي ماابيه ولاحسبت له حساب ابي احس ان الكره الارضيه توقفت وهو يقولي فاجعتوه هه ياطعم لفرض رايه العوج وخلاني استنفر كل طاقة الشيطان الانثوي بداخلي مااخلي ولاطريقه مااجربها لين يجيني على الكيف ابي اغني ياويل حالي من جفاك وصدك وفرقاك بتعبي انا عدلت رايه مو شاورني وقال وش رايتس :| مره ارغي على وسادتي وره استلعن عليه واتذيهن ومره احط روحي خبله لين يرحم قلة عقلي :| لاتحرمونا اعنبوا بليسكم من متعتنا ترا مصالاكم متعه لأشكالي

. ماتسوي هالشيء غير الأنثى الأصيله واللي مقتنعه بأنوثتها وعايشتها زي ما أراد الله وعارفه مكانتها زين والدور المطلوب منها في الحياة .لذلك تجد أن النساء اللي زي كذا مقبولات ومحبوبات لدى ازواجهن والمجتمع لأنها بإختصار (نقاء أنثوي خالص) خالي من إهتزاز الشخصية وعدم الثقة بالذات وحب تقليد الغير

[بـنـدر]

رأي المرأة ناقص ما دمنا نراها مخلوقاً آخر ، لا يشاركنا إنسانيتنا الكاملة !

[جلوي العتيبي]

اقتباس:  المشاركة الأصلية كتبت بواسطة بدرالوابلي     لاتوهق ؟ تراهن يودنك مهالك!

ايه عشان كذا مانشاورهن .

بس انت انتبه

اقتباس:  المشاركة الأصلية كتبت بواسطة qassimy     أغلبهن ودك تستشيرها وتأخذ العكس لأن مفهومها دوما بالمقلوب , كثيرات الكلام وفي الجلسة تعطيك 100 رأي متذبذبة ومتقلبة وعندما يوافق الـ 100 رأي ما استشرتها بها تأتي إليك سرعة البرق تقول : ماقلت لك , لكن ما تسمع الهرج !!

فكره جميله ..بس حتى الشور المقلوب يمكن مهوب مضبوط بعد

اقتباس:  المشاركة الأصلية كتبت بواسطة أورگـيـد ..❤     والله ياهي فخمه هالاستشااره بس انتم كثرووا منه

ايه هذا انتم أكل وأسواق بس

اقتباس:  المشاركة الأصلية كتبت بواسطة عاشق الخير     خخخ اثر الفهد صااادز ...

خلاص هونا

أشين موتر الجيب ولايصلح لك لإن الجيب يبي عمر محدد وهيئه خاصه .

على شرط انك ترددت صح؟

طبيعي لإن الرأي جاي من رجل هههههههه

اقتباس:  المشاركة الأصلية كتبت بواسطة زين نجد     كم رأيت من رجلٍ يتدهور في حياته وعلاقاته الاجتماعية مع تضييع ماله فتراه وكأنه مسكين ثم ما يلبث أن يتزوج إلا وتراه إنساناً آخر قد تغيرت معاملته وتعدل كلامه وبدأ ينتبه لنفسه وحتى لحسن مظهره ثم تغيب عنه حولاً ويجمعكما القدر فيقول لك : أبشرك فقد اشتريت أرضاً أو يقول اشتريت شقةً. ناهيكم عن أمور الصلاة والدخان فأنا أعرف من تعدل حاله بعد زواجه كثيراً. فالذي صنعت كل هذا ليست عاجزةًّ أن تعطي مشورةً جيدة وأنا أعرف من النساء من هي قيادية وعن عشرة رجال وليس هذا مديح أو إطراء بل والله إنها الحقيقة. تقديري لك أبو شهد،،،

صحيح

لإنه يبداء يحس بالوضع الصعب الذي سيعيشه والأراء الخطيره التي من الممكن ان تضيع مستقبله فيتحول إهماله إلى حرص.

هذا كل مافي الأمر يازين نجد

تقدير وإحترامي لك

[دِيم]

اقتباس:  المشاركة الأصلية كتبت بواسطة بـنـدر     رأي المرأة ناقص ما دمنا نراها مخلوقاً آخر ، لا يشاركنا إنسانيتنا الكاملة !

يآشيخ روح .. الله يعطيك حتى يرضيك ..
أنا ودي أنط وأفتح مخوخ الأعضاء الذكور .. اللي مسوين لي فيهآ ماياخذون فيها أراء النسوآن .. ولا يشاورونهن ..
وربي لا ألقآهن مسيرآتهم على مايبون هه .. *_*

[جلوي العتيبي]

بندر لاتوهق ديم وأخواتها

اقتباس:  المشاركة الأصلية كتبت بواسطة بـنـدر     رأي المرأة ناقص ما دمنا نراها مخلوقاً آخر ، لا يشاركنا إنسانيتنا الكاملة !

نحن لم نقلل من إنسانية المرأه أو نخرجها من محيطنا الإجتماعي فنتصورها مخلوق آخر !!

لا ..لا

هي أخت وزوجة وأم لكن التجارب والخبرات تختلف بين جنس وآخر مثلما تختلف القدرات الذهنيه والفكريه .

هذا كل مافي الأمر

[رايق دايم]

اقتباس:  المشاركة الأصلية كتبت بواسطة دِيم     يآشيخ روح .. الله يعطيك حتى يرضيك .. أنا ودي أنط وأفتح مخوخ الأعضاء الذكور .. اللي مسوين لي فيهآ ماياخذون فيها أراء النسوآن .. ولا يشاورونهن .. وربي لا ألقآهن مسيرآتهم على مايبون هه .. *_*

ديم لايطق عرق فيك ..ياحبكن لمصطلحات الفلاسفه تدوخن إذا سمعتنهن أو قريتنهن لكن تضل الحقيقة ياديم (حــــــقـــــيــــقـــــة).ياريت لو تتعاطن مع الموضوع بعقلانيه أكثر منها عواطف ومشاعر علشان تشوفن اللي أنا اشوفه

[جلوي العتيبي]

اقتباس:  المشاركة الأصلية كتبت بواسطة متزوجه ولكن     ^^^^^^^^^ هذا الكلام وإسأل مجرب ولا تسأل طبيب

واللي قبل كلهم مهوب مجربين!؟

اقتباس:  المشاركة الأصلية كتبت بواسطة عـصـي الـدمـــع     للنساء مواقف في الحياة لكن لا اذكر انها تصلح للاستشارة لعاطفتها

صدقت والمواقف طبيعيه وهي تزيد الشخص خبره ومعرفه.

اقتباس:  المشاركة الأصلية كتبت بواسطة هلاوين     ربما تصيب المرأة اكثر من الرجل وليس غريب عليها . واستشارة المرأة من فعل الرسول صلى الله عليه .

ربما وربما فقط

اقتباس:  المشاركة الأصلية كتبت بواسطة shahd2007     مافيه شي يشاورها بالامور المشتركه بينهم اشوف الوالد يشاورنا حتى اذا بغى يشتري سياره بلونه واي نوع ع اننا مانعرف الا يشاورنا كلنا يعني من باب اننا مع بعض وعياله ولنا رأي وصدقني اغلب الرجال يشاورنهن حتى بلبسهم لايهمك اللي يقول مااشاور يحسبه عيب

الله يخليه لكم ويخليكم له .

لكن تراه مخطيء

اقتباس:  المشاركة الأصلية كتبت بواسطة تركـي     اذا تبي شور المرأة آعكس اللي تبي ... اذا كنت تسافر قل والله ياهي مكلفه السفره وشف وشلون تطلع لك بالحلول .. واللحين الأستراحات والأجتماعات العائلية والمناسبات وحتى مخيمات الطرفيه بوقت الشتاء هن اللي يدبرن ويعبرن .. ترآآ يطلع منهن لاتستهينون بهن .. والله من وحده ووحده تدير عواايل بكبرها .. ماقد سمعتو مركوووب .. من السبب ؟؟ والدليل أن كثير يأخذون بشورهن شوفو لادقت وهو عند رجال تبدأ علامات الرعشة اللايف .. ولو يدق عليه أطلق شنب بدآآ يتنيذخ عند ربعه .. ترآآ الهيبه من تالي تميل لهن آنتبهو تخالفون شورهن .... بس أذا جت علوم الرجال اللي عليه الكلام عز اللــــــــــــــــــه .. آعقلها وتوكل لو تشاور وشسمه ..

تركي المركووب دايم مضيعن الجاده ويمشيء عكس التيار لإن اللي تديره مره

[قـتـالـه]

اقتباس:  المشاركة الأصلية كتبت بواسطة رايق دايم     ديم لايطق عرق فيك ..ياحبكن لمصطلحات الفلاسفه تدوخن إذا سمعتنهن أو قريتنهن

بعذرها ترا حتسي بندر يدوخ
انا كود احط حولي وسايد (يوتسن ) راسي عن الطيحه
وانا اقرا ردوده