اسعد الله أوقاتكم بالمسرات ,,
بالبداية أشكر الأخت
عاشقة القصيم
على الموضوع الرائع ,,
والمشرفة المتميزة
طبيبة القلوب
على الأهتمام الواضح بالقسم
والأخت حور سعود
لأنها جعلتني أتشرف بالمشاركة معكم ,,
وحتى لو كنا من سكاكا الرومانسية
فإنتم أهل النخوة والجود ياهل بريدة 
,,,
1- مامدى علاقتك بالشعر ؟
علاقتي بالشعر ليست قوية فأنا متذوق قليل المتابعة
ورغم ذلك فأنا تأسرني الكلمة الرائعة
وتسحرني المفردة الجميلة ,,
2- من هو شاعرك المفضل ؟
يعجبني كل شعر جميل بغض النظر عن صاحبه
ولكن دائماً ماتعجبني أشعار
الأمير خالد الفيصل
والأمير بدر بن عبدالمحسن ,,
3- اعضاء في منتدى بريدة كم تثق في ذائقتهم الشعرية ؟
كثر هم الأعضاء وهم متميزون بإختياراتهم
وشخصياً كنت متابع للعضوه نجديه كول
لأن ذائقتها تعجبني ,,
4- بيت شعر يحضرك دائما ؟
لمت الزمان ولايم الوقت غلطان **** حوادث الايام من فعل اهلها
5- قصيده تعدها من اروع القصائـد ؟
( اصعب سؤال ) اللي جوابه للأسف مثله ( سؤال ) !!
...................... ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكرك ذيك الليال ؟ )
.................. كان الجواب بكل بساطه : ( من متى اصلا نسيت ؟ )
ادري بان جمع ( الصعوبه والبساطه ) شي محال !!
.................. لكنها صارت كذا ! واللي (( اهم )) اني دريت :
ان الحياه فبعد احبابك اذا جف الوصال
................. اتعيشها لو تقتنع انك خلااص اصبحت ( ميت !!)
يا صاحبي لو كل شي يمر بالخاطر يقال
................. ما كانت العبره تــــولجني اليامنك طريت ؟!
شفني قدرت احبس دموعي بس ( دمع القاف ) سال
...................... ويا كبرها ساكت ولكن داخل اوراقي بكيت !!
عمر الحكي ما كان دافي لاابتدى بقولة تعال
.................... لجل اتجاهل رجفة حروفي اليامني حكيت ..
الحال في بعدك قسم بالله ما اسميه حال
............... انوي على الضحكه واحس كلي خطا لاني نويت ؟!
اتصور انك من رحلت اشوفك لجسمي ظلال
.................... لا شفته امشي ببتعد واثره معي مهما مشيت !!
مدام يعني في بحرك لفرحتي مليون جال
............... وش فيه موجك ما ركد ؟ قربت اموووت وما رسيت ..
يرضيك ما عادت معي تفرق اذا جالك مجال
.................. لاني اقتنعت انك نهايه واني ببطي ما بديت !!
صرت ( اعقد حجاجي ) اذا جابوك باطراف الجدال
...................... وانا قبل لاقالوا اسمك كني : ميت ثم حييت ..
تعبت اعيش الدور وافتح للمعاذير الخيال
................... واتخيل اني جيت في بالك وبانك استحيت ..
وتردلي كلك (( وله )) وتقول : ( كن البعد طال ؟ )
............... ومن الفرح ما عاتبك واقول : ( ياخي مابغيت ! )
حتى وانا تخيل حشمتك ! لن قلبي لا يزال
................. يكرر اسمك داخل اعماقي بنبضه لا سهيت ..
قلي شسوي فيك ؟ وانت بداخلي اصدق مثال
............... للحب واحساس القصيد ان عانق الليل وسريت ..
ربي يصبرني على الفرقا مدام الحظ مال
............... وانت بيجيلك يوم تعرف ليه في بعدك شكيت ..
واذا بلاك الله وعذبك اشتياقك (( بس تعال ))
.............. واقرى القصايد في غيابك كلبوها بيـــت ... بيـــت ..
بتدرى ان ( اصعب سؤال ) اللي يجي رده ( سؤال )
................ لا قلتلي ( وش ذكرك ؟ ) ثم قلتلك ( متى نسيت ؟ )
6- اذا لم تكن شاعر .. هل لك محاولات في كتابه الشعر ؟
هي ليست محاولات وإنما عبث
فعندما قرع الحب باب قلبي قبل مايقارب العشر سنوات
أصبحت أعبر عن حبي ببعض الكتابات في ذلك الوقت
حتى أخذها الموت .. فتبعثرت حياتي وتبددت معها بداياتي
فرغم أنني أنتمي لعائلة أهل شعر سواء الرجال أو النساء
فلا أذكر أنني حاولت الكتابة بعد تلك الحادثة ,,
7- لك مساحه بلآ حدود امتعنا بقصيدة على ذوقك ؟
صعب السؤال ... ليه نفترق
صعب السؤال ... وين نلتقي
انتي الجنوب ... وأن الشمال
ومابيننا ... بحر ... ورمال
لكن نحب .. والله نحب ... وفوق الخيال
صعب السؤال ..
ياللي أجمل من كلامي عنك واقرب من سكوتي
آه ياطول المسافة بين أحساسي وصوتي
ماهو غريب .. إني اسألك
انتي أنا ... كيف اوصلك
لا مستحيل .. هذا الرحيل
من يقطع الصمت الطويل
ويدلني
قصيدتي .. وين الحروف .. جف القلم
ياضايعة .. ببرد الكفوف .. رعشة ألم
قصيدتي ... إلا الندم إلا الندم
بتسافرين ... وإنتي معي
قصيدتي ... لا تسمعي غيري قصيد
ياساكنه افـ ورق الحشا ... وحبر الوريد
ولكم أعذب التحايا ,,
وساعات اذا ولهت على اخواني وخواتي دزيتها لهم..
وترى اللي مختارني لي شغل معها 
العرض العادي
