قال لي وينك وين حرفك والقصيد..جيت اجاوب عن سؤاله واسبقتنى دمعتي
جيت بمسحها ولكن سال دمعي من جديد..وما قدرت اكتم دموعي يوم تاهت صرختي
وحار فكري في مصابي وضاع منطوقي السعيد..والحزن حل وتمكن في حنايا دنيتي
آه ويلى من عذابي لان به حتى الحديد ..ضاقت الدنيا بعيني واخنقتني عبرتي
من بشاكي في همومي غير خلاق العبيد..الله العالم بحالي يوم قفت فرحتي
من نشدني من عربية قلت مستانس سعيد..واظحك بوجه المصاعب واخفي همي بضحكتي
والحزن نوخ ركابه وصار محبوبي الوحيد..وين اهرب من همومي والمسافة وحدتي
جمرة داخل فوادي وبه لهايب تستقيد..لو تناست المآسي ذكرتني حيرتي
والليالي سرمديه والفجر نوره بعيد..وانعدم طفل السعاده في مشاهد قصتي
العرض العادي
