يملك جواز سفر .. لاأريده زوجا ..

[زمن الغرباء]

بسم الله الرحمن الرحيم ..

من اخبار اليوم ..

نسبة مرضى الايدز في السعودية : 400 مريض كل عام !!

لانتشار الايدز اكثر من سبب
لكن اقوى سبب هو العلاقات المحرمة ..

من الاسباب اللي نشره في مجتمعنا سفر الرجال للخارج ..

أولـ ..
كانوا اجدادنا يسافرون لطلب الرزق .. وماكانت الدنيا مثل الان
خلاعة _ عري _ خمور _ مراقص

أما الان !!



لو يروح الواحد لكثير من البلاد العربية ويسألهم عن اسباب مجيء السعوديين والخليجين لبلدهم
الجواب معروف ..؟!

افتحوا اليوتيوب فيه مايكفي من الشواهد على افعال كثييير من شبابنا هناك !!

ومازال الشاب كثير السفر لما يخطب ويرفض يستغرب ؟!
غريبة ..
حتى الان ماعرف السبب ؟!

انا ماأعمم .. فيه شباب الحمدلله حتى الان ماوقعوا في المحرمات اثناء سفرهم .. لكن انا مثلا كفتاة مخطوبة كيف أعرف؟!
الرسول عليه الصلاة والسلام يقول ((من حام حول الحمى يوشك ان يقع فيه )) وقال عليه الصلاة والسلام { فاتقوا الدنيا واتقوا النساء فإن أول فتنة بني إسرائيل كانت في النساء }
والله ان الرجل ضعييف جدا قدام الحريم اللي عباياتهن فاتنة فكيف باللي لبسهن عاري يمشن قدامه بالشوارع في البلاد اللي يسافر لها ..
ليش يلعب على نفسه ؟!

من الاشياء اللي تخلي سفر الرجال مشكوك فيه ..
* الرجال اللي يسافرون _ بعضهم _ لو يقوله احد ليه ماتاخذ أهلك رفض ؟!
انا اتوقع الدولة اللي بيروح له مكتوب عليها للرجال فقط !!
* الدول اللي يسافر لها كثيير مافيها ذاك الطبيعة الخلابة ولاذاك الجو الساحر .. بعض مناطق المملكة احسن منها بكثيير ولاعمره راح لها !
* تكرار سفره بالسنة الوحدة يسافر اكثر من مرة
* اذا كانت السعودية اللي هي اقل الدول فتن بالشكل اللي نشوفه الان فكيف راح يكون الوضع بغيرها
* نسمع ان فيه رجال اعمارهم تعدت الاربعين ومتزوجين وقعوا بالحرام وماأستطاعوا يتخلصون منه .. فكيف باللي بقمة شبابه وماتزوج !
بعض الشباب يقولون انتشر السفر الحرام بسبب صعوبة الزواج
الكلام هذا _ يمكن _ يدخل المخ لو كان هالانفتاح في البلاد اللي انت عايش فيها .. لكنك تقطع مئات الكيلوات وتروح للحرام عشان هالحجة هذا شي غير منطقي ..

همسة للشاب
لاتتضايق اذا تقدمت لخطبة بنت ورفضتك عشان السفر _ مثل ماانا سويت وماندمت الحمدلله
جاء الوقت اللي لازم البنت تفكر في صحتها حتى لو تقدمت بالعمر
الصحة ماتنشرى بفلوس
وجاء الوقت ان البنت تبي العفاف من الرجل مثل ماانه هو يبيه منها (( وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ )) سورة النور .

التوبة _ الاستغفار _ الدعاء _ الصوم كلها ابواب مفتوحة قدامك ..


الحمدلله الذي عافاني مما ابتلى به كثيرا من خلقه
اللهم عافنا وجنبنا الفتن ماظهر منها ومابطن
..

[الصيااد]

اختي زمن الغرباء اذا رفضك بسبب جواز السفر فهذا خطأ منك وغير مقبول .
فجواز السفر مهم في وقتنا هذا فمنهم من جلب العلم والمعرفة والخبرة والفائدة بسبب جواز سفر .

ومع ذلك لا الومك بما يفعله معظم الشعب السعودي ليس بالشاب بل المتزوجين الكبار ادهى وامر بالخارج شيء يندى له الجبين .

[زمن الغرباء]

اقتباس:  المشاركة الأصلية كتبت بواسطة الصيااد     اختي زمن الغرباء اذا رفضك بسبب جواز السفر فهذا خطأ منك وغير مقبول . فجواز السفر مهم في وقتنا هذا فمنهم من جلب العلم والمعرفة والخبرة والفائدة بسبب جواز سفر . ومع ذلك لا الومك بما يفعله معظم الشعب السعودي ليس بالشاب بل المتزوجين الكبار ادهى وامر بالخارج شيء يندى له الجبين .

جاوبت على نفسك يااستاذ الصياد

مشكوور جدا

[ألمــاس]

بس اختي فيه كشف وتحاليل قبل الزواج
فيه شباب ماسافروا ابد للخارج ومسوين كل شي يخطر في بالك
اقصد وشيبان بعد لان اغلب المتزوجين يخونون الله لايبلانا

[زمن الغرباء]

اقتباس:  المشاركة الأصلية كتبت بواسطة اخت القمر     بس اختي فيه كشف وتحاليل قبل الزواج فيه شباب ماسافروا ابد للخارج ومسوين كل شي يخطر في بالك اقصد وشيبان بعد لان اغلب المتزوجين يخونون الله لايبلانا

طيب وبعد الزواج ؟
صحيح يالغالية فيه شباب ماسافروا ويسوون محرمات
لكن اللي باستطاعتنا نسويه بدرء المفاسد
لان السفر المحرم من الاشياء الواضحة

منوورة يالغالية

[ALI 9]

اقتباس:  المشاركة الأصلية كتبت بواسطة اخت القمر     بس اختي فيه كشف وتحاليل قبل الزواج فيه شباب ماسافروا ابد للخارج ومسوين كل شي يخطر في بالك اقصد وشيبان بعد لان اغلب المتزوجين يخونون الله لايبلانا

اختي الكريمه...


مرض الايدز ممكن يظهر بعد ايام وممكن بعد شهور وممكن بعد سنيين...

مو سريع ظهوره...

[ألمــاس]

اقتباس:  المشاركة الأصلية كتبت بواسطة ملكه بعز ابوها     اختي الكريمه... مرض الايدز ممكن يظهر بعد ايام وممكن بعد شهور وممكن بعد سنيين... مو سريع ظهوره...

اهاا صح كلامك
اجل شنو الحل؟

[ALI 9]

اقتباس:  المشاركة الأصلية كتبت بواسطة اخت القمر     اهاا صح كلامك اجل شنو الحل؟

مافيه حل فيه وقع الفأز بالرأس...

[سوااح]

اقتباس:  المشاركة الأصلية كتبت بواسطة ملكه بعز ابوها     اختي الكريمه... مرض الايدز ممكن يظهر بعد ايام وممكن بعد شهور وممكن بعد سنيين... مو سريع ظهوره...

هلا اختي
من الافضل التأكد من صحة المعلومه قبل كتابتها،،،،
انا متخصص في الفيروسات واعمل في هذا المجال ويوجد حاليا عندي اجهزه متطوره تكشف الفيروس بعد الاصابه ب ايام قليله...
ولا ارئ ان نعمل رعب للبنات ونخوفهم من الزواج بهذا الشكل ..
فحوص الزواج في المنطقه تمر تحت ايدي منذ ان قرر الفحص والحمدلله مافيه حالات
اغلب الحالات الي تتكرر علينا اجانب .
وعلى صعيد النسب فأكيد السعوديه بلد كبير ومستحيل يخلو من المرض واكبر مشكله عندنا العماله لأن اغلب الحالات لأجانب ..
فيه حالات بالمنطقه لسعوديين معروفين لدي وتتكرر عيناتهم مع كل مره يدخلوا السجن او يدخلون مصحات الادمان لكن حالات جديده قليله جدا (اتكلم هنا عن القصيم) ماادري عن المناطق الثانيه..

[ألمــاس]

اقتباس:  المشاركة الأصلية كتبت بواسطة سوااح     هلا اختي من الافضل التأكد من صحة المعلومه قبل كتابتها،،،، انا متخصص في الفيروسات واعمل في هذا المجال ويوجد حاليا عندي اجهزه متطوره تكشف الفيروس بعد الاصابه ب ايام قليله... ولا ارئ ان نعمل رعب للبنات ونخوفهم من الزواج بهذا الشكل .. فحوص الزواج في المنطقه تمر تحت ايدي منذ ان قرر الفحص والحمدلله مافيه حالات اغلب الحالات الي تتكرر علينا اجانب . وعلى صعيد النسب فأكيد السعوديه بلد كبير ومستحيل يخلو من المرض واكبر مشكله عندنا العماله لأن اغلب الحالات لأجانب .. فيه حالات بالمنطقه لسعوديين معروفين لدي وتتكرر عيناتهم مع كل مره يدخلوا السجن او يدخلون مصحات الادمان لكن حالات جديده قليله جدا (اتكلم هنا عن القصيم) ماادري عن المناطق الثانيه..

ايوالله رعب عاد انا اتهدد موسوسه
اقول بنفسي يعني كل اسبوع نقولهم يروحون يحللون عشان نتطمن ولاكيف

[سوااح]

اختي الموضوع ليس له علاقه بجواز السفر
ففكرة (عنده جواز ) عثا عليها الزمن ،،
فيه كثير ناس تسافر للعلم والسياحه وغيره
مايعني انه الشاب يسافر كل سنه انه خربان لازم نفرق بين السفر المباح والسفر المشبوه،،،،
وعلي قولتك الفتنه اقسم بالله ان الفتنه اللي يسونه بناتنا بطريقة لبس العبايه ومكياج العيون اشد علي قلب الرجل من فتاة مستلقيه علي الشاطى بميوه!؟!؟!؟*

[زمن الغرباء]

اقتباس:  المشاركة الأصلية كتبت بواسطة سوااح     اختي الموضوع ليس له علاقه بجواز السفر بل له علاقة وثيقة يااستاذ سوااح مو انا اللي اقول الاحصائيات هي اللي تقول ففكرة (عنده جواز ) عثا عليها الزمن ،، عندي انا لا يااستاذي فيه كثير ناس تسافر للعلم والسياحه وغيره أكيد مايعني انه الشاب يسافر كل سنه انه خربان لازم نفرق بين السفر المباح والسفر المشبوه،،، مافيه شي يخليني افرق اذا عندك طريقة تخليني افرق علمني ارجوك وعلي قولتك الفتنه اقسم بالله ان الفتنه اللي يسونه بناتنا بطريقة لبس العبايه ومكياج العيون اشد علي قلب الرجل من فتاة مستلقيه علي الشاطى بميوه!؟!؟!؟*

ذكرت انا ان البنات اللي يلبسون العبايات بطريقة مغرية انهم فاتنات
لكن اشد من المايوه ؟؟!!
غريبة

شكرا جزيلا استاذ سواح
يبدو من اسمك انك لاف الدنيا الله لايضرك بشر

[سوااح]

اقتباس:  المشاركة الأصلية كتبت بواسطة زمن الغرباء     ذكرت انا ان البنات اللي يلبسون العبايات بطريقة مغرية انهم فاتنات لكن اشد من المايوه ؟؟!! غريبة

ايه اشد من اللي لابسه ميوه بل على العكس شكل الانسان متعري مقزز،،،
وجدتي تقول ( كل مغطى يشفى عليه وكل مكشر مابه شفاة)

[عاشق ديرتي بريده]

اذا البنت ماراح تتزوج شخص معه جواز سفر

والرجل ماراح يتزوج بنت تدخل النت

اجل اقعدوا ببيوتكم مافيه عروس

من يخاف الله فلا جواز سفر او نت يغيره

[زمن الغرباء]

اقتباس:  المشاركة الأصلية كتبت بواسطة عاشق ديرتي بريده     اذا البنت ماراح تتزوج شخص معه جواز سفر والرجل ماراح يتزوج بنت تدخل النت اجل اقعدوا ببيوتكم مافيه عروس من يخاف الله فلا جواز سفر او نت يغيره

اجل نعرس على عمانا ؟

السفر من اسهل الطرق للوقوع بالحرام

شكري
..