[poet font="Simplified Arabic,4,sienna,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=burlywood,strength=5)"]
معقوله تجي منك وترميني لأي أنسان=يلملمني ولا يلقى فعيونه غير دمعاتي
أنا ماأصدق أنك أنت تنهيني من الوجدان=وترميني وأنا أشوف القبر نادا مسافاتي
كسرني هالشتا يا وليدي وأنت بداخلي غفيان=تحملت السنين وقلت على الله تلملم شتاتي
سحاب البرد وإلا هو وأنت بداخلي دفيان=تحملت الأسى والضيم عشانك يا بعد ذاتي
أنا أمك يا هيه أمك حملتك والعذاب الوان=ولدتك والألم سكين يركز داخل لهاتي
وانا اثنا الولاده منك بكا صوتك طعنت احزان=لأني شفتك بصوتك تنادي كل طموحاتي
ومهدتك في عين وعين يشرف حزنها القرآن=وهزيتك وكان النور يتهزهز من ادعاتي
أضمك في يديني لا تجي وتقول أنا بردان=تركت البرد لضلوعي رح أسأل رعشة أشفاتي
تذكر يوم مدرستك صدى وكفوف من الحرمان=وكانت رنته من فلس خنقته لك بشيلتي
كبرت وصرت في عيوني شجاع واشهد الفرسان=وحلفت اني على عرسك لأرقص كل شيباتي
أسولف للبشر عنك وأقول ولا به أي نقصان=ربا عز الشهامة شب طموحه في المعاناتي
وله شان الصقر لا لااخذمنه الصقر له شان=يجي مثل الوضو الى طب حنينه فوق راحاتي
يقولون الولد هو خان اقول وليدي لا ما خان=وهم يدرون ما ابطا منامي غير وناتي
افا وشلون تتركني يكحلني عما النسيان=وأنت أدرى في يوم الحشر جنه تحت خطواتي
لك الله ما نطق صوتي لك الا بدعوة الغفران=ولكن خوفي من حزني ومن دعوة عبراتي
تدين اليوم يا وليدي وباكر للأسف تندان=ويرمونك مثل أمك وتذكر حلم شيباتي
[/poet]
العرض العادي
