[قلب الأسد]

هذي قصيـــــــده للشاعر موسى ا لعناز , اعجبتني ,,,,

كان قولي هـزّ قلبـك سامحينـي
من يهزّ الـورد مشتـاق لشـذاه
ياحـلاة اللـوم منّـك عاتبيـنـي
وحلاة الـورد حتّـى فـي قسـاه
كل ماضامـك زمانـك حاسبينـي
قلبـي الجانـي وكلّـه مـن وراه
لايردّك طيـب ظنّـك واحرقينـي
احرقينـي يابعـد كـل الحـيـاه
بحترق لك كلّ لحظـه ساعدينـي
مثل مخطي بعد مـا بيّـن خطـاه
وأتأمّل .. وأترجّـا .. تعذرينـي
مرّه بالنظـره .. ومـرّه بالشفـاه
كلّ ماجيت اعتذرلك .. قاطعينـي
واصرخي صرخة زعلّ في منتهاه
لو أجي كلّي عـذر .. لاتقبلينـي
برّدي قلبك .. تـرى كلّـي فـداه
وإن بكيتي غصب عنّك .. عانقيني
واشهقي شهقة شـره مليـااان آآآه
عانقيني واتركـي لهفـة حنينـي
تمسح ادموعك على كـل إتجـاه
بعد هـذا يبـدا دوري واتركينـي
اروّي الورد اللي ذابل من هـواه