أطهر يتيم ٍ عاش في ظل عمــــــــــه
مولود في مكه وبالحق مـــــــــرسول
ماشاف أبوه وجا قبل موتة أمــــــــه
وكتفه عليها ختم ماهوب مجهـــــول
ورضع حليمه ولنحرها تضمــــــــــه
في بادية بني سعد عاش مــكـــــفول
إبن لقريش ودمهم نفس دمـــــــــــه
الهاشمي اللي على الصدق مجبـــول
وجاهم قبل مايكسي الراس عمــــــه
أشرف بشر من قلبه الحقد مغســول
ولايعبد العزا ولا اللآت هـــــــــــمه
يوم الصنم رب ٍ من العبد مـــــعمول
وآمن بمن قربه ينسيه غــــــــــــمه
الواحد اللي كمل الناس بعقـــــــــول
ومحمد إسم اللي لنا الدين تمــــــــه
وأحمد له إسم ٍ في حدى الكتب منقول
أطول قصير وينطق الخير فــــــــمه
والعدل في قلبه من الصغر محـــمول
لطيف روح وخالق الحسن لــــــــمه
في وجهه الصافي وفالعرض والطول
وهو الإمام اللي يئم الأئــــــــــــــمه
حافظ حقوق الحي وحقوق مقــــتول
والجار لو كمم من الحقد كــــــــــمه
يصفح خطاه ولو خطا الجار مـــدبول
يحفظ حقوقه والمرض يوم خــــــمه
زاره وحن القلب من شوف مــــعلول
ويروف بالمخلوق في كل يــــــــــمه
من رحمته دمعه على الخد مـــــهلول
وإختاره الرحمن فأصعب مهــــــــمه
وأصبح عن إرشاد المخاليق مســئول
الشافع اللي ماإرتخت فيه هـــــــــمه
في نصرة المعبود له سيف مــــسلول
وأطيب من أطيب طيب للي يـــــشمه
وأصفا من النسمه على روض مبلول
وأعذب من اللي بل فالبير جـــــــــمه
واللي مشى وسط البحر مالمس لـــول
المصطفى الزاهد نبي خير أمـــــــــه
آخر رسول لساير الناس مــــــرسول
وآخر نبي ودين الإسلام تـــــــــــمه
حبه قبل حب أغلا الأقراب مــــحمول
الشاعر/زنادالدلبحي