[القلم الصريح]

السلام عليكم ورحمة الله وبركاته
مدري من يوم وصلت وشفت المجلس بديت اقول ( بسم الله الرحمن الرحيم ) الله يازمان ذيك العجة والرسة واللجة .
المهم لا زلت أتذكر ذيك الأيام الجميلة والمعرفات التي مستحيل أنساها سبحان الله مال لرجليهم على الأرض أثر لكن بقايا ذكراهم وسط الصدر .

اليوم جايب لكم موضوع وهو خبرية تثبت أن الضعيف سنخ وتثبت أن الطوبة ماتضرب الا راس الاصلع وتثبت ان اللي مالوهوش ظهر ينضرب على بطنه يالله اترككم مع تقاسيم على باب الحجار سيناريو وتغير رسم خطة على أرض الملعب عفوا اقصد على المتصفح سي قلم صريح ...

يبدو أن هذا اللص توه خاش اكادمية الحنشلة اليومية فقد ضاقت به الوسيعة وماحصل الا هالمسكين عامل النظافة يسرقه !! الا أقول نفارين بس اللي يترنحون من كثر ضرب الصقفات مدري الصفقات المالية بالملايين يمينك وشمالك وانت طايح في هالعامل ومكنسته وعربيته اللي كل اللي عنده مايازن فص ثوم ناخره السوس لا وفوق هذا بعد ان فشل في سلبه مسوي عنترحيث وجه له طعنة سكين ولاذ بالهرب !! ايييييه قالوها من زمان ( الضعيف سنخ ) الاجاويد زيكم ياقراء روابينا نقلوا المجني عليه الى المستشفى والشرطة هالحين تدور على ادلخ لص عالمي .
الواقعة حصلت بعد ان جلس العامل على الرصيف يسوي راحة لرحلة المتاعب تحت شمس الكويت الحارقة ولكنه رغم فقره وبؤسه كحيلان فقد قاوم اللص مع انه مامعه الا الدجة في مخباته ولم يستسلم وهذا يرسم سيناريو ان الشجاعة وقوة البأس لا تخضع لمناصب قوم هاي هاي وأرصدة قوم صالات التميز وحمولة وجاهية ( هذي شجرتنا ) بقدر ماهي منحة من الله يضعها في قلوب خلقه كيف يشاء .. تحية اجلال للعامل الشجاع ومايشوف شر.