لا يروح تفكيركم بعيد .. كتجربة شخصية .. أحد أصدقائي ممن يعاني من الإدمان النكوتيني .. حيث ينفض في اليوم ما يعادل بكتين دخان .. ولو تشوف خشته تقل مخبات بنشري .. سنونه متفرقعة تقل حبوب كيرم .. وتعد لثته من الرخويات أي حاجة يلمسها تسورب دمامين .. والسبب ما يدخل فمه إلا وجبة واحدة مع سيجارة بس..!! الماء عدوه اللدود ريحته مخيسه تقل جالس جنب فطيسه .. لما أجلس جنبه أحس بكتمة وإن الأكسجين منعدم تماما .. خرجت من الاستراحة واشتريت له منشفة ومعجون أسنان وشامبو وقلت أدخل الحمام وتسبّح يوم طلع عطيته معجون الأسنان وقلت أمسك .. يالله فرش أسنانك وربطته عند المغسلة يومين بلياليهن .. .. محشش راح عند دكتور أسنان قال له الدكتور : يحتاج لك تقويم .. قال المحشش :هجري وإلا ميلادي... على طاري التقويم وبمناسبة السنة الجديدة .. عندي تقويم حق العام الماضي 1433هـ من يشتريه .. استعمال حشمة .. المهم نصيحة لله .. التفريش .. التفريش .. التفريش .. اسهل طريقة وألذ عادة أترككم برعاية الله ..