[لِـيم’]

السلام عليكم ورحمة الله

طفولتنا ..لعبنا .. بساطتنا ..براءتنا
أيام عشناها مرت مثل السحاب ولاتزال عالقة في ذاكرتنا
[mark=#FF0000]حب وغرام[/mark] أطفال يجمعنا .. وبعده تفرقنا
صرنا نكلم بعض من ورآ الجدر .. ومن خلف حجاب
يااله الكون احفظنا واجمعنا بجنة الفردوس . آمين
*


دعونا نعود للخلف قليلاً .. ونستعيد ما بقي من ذكريات
ألعاب بسيطة نمارسها ما بين السادسة والثانية عشرة ..






(( مصطلحات وتعاريف بلهجة عاميه))
^
لا تشرهون

ثلج وماء (( عبارة عن فريقين...فريق الثلج يلحقون فريق الماء واذا لمسه يتجمد بمكانه لمين يجي حدآ خوياه ويموعه ))
الكواكب (( هذي رهيبه اذكر ما نلعبه الا بالاختبارات ..صعب شرحه ما اقدر ))
شرطي حرامي (( الشرطة يمسكون الحراميه بس))
الذيب والأم (( الأم تمسك عياله بالبيت وتعطي كل واحد منهم لون بعدين الذيب يخمن الألوان واذا قال لون احد منهم ينطلق واذا مسكه اكله .. واذا ما امسكه رجع لأمه حنانه الدافئ))
الحرامي(( مدري شلون اشرحه بس بقول ابياته .. من في البيت ,أنا الحرامي , تعمل ايه؟,افرش اسناني,عشان ايه؟,عشان آكلكم , تآكل مين؟,وحده منكم؟,هي مين؟,هي العشرة, عد العشرة ويبدآ الحرامي يعد 12345678910 ونسيت الباقي)) >--ما وررى بعد
طآم طآم طماطيم الدور على ........(( عبارة عن حلقة من مجموعة بنيآت متماسكين بعدين يقولون هالعبارة واذا قالوا اسم وحده منهن تقدم وتقول ياسلام وتسوي اي حركه ترقص او تدور او تناقز كلن ومشاغبته)) واتوقع هاللعبه خاصه بالبنات لأن به رقص وفله
مليحق الأساس من الألعاب واحلى شيء (( عبارة عن اشخاص يتلاحقون ولهم بيت ))
ا نقطع السلك الأحمر واللي بالبيت عليه (( عبارة عن مجموعة أشخاص متجمهرين ببيت وحده واذا قال اللي بيلحقهم هالعبارة يطلعون كلهم ولا بيصير عقاب له انه هو يلحقهم)) >--متعوبن عليه هالشرح
الدور (( مكونة من عائلة أم وأب وأبنائهم >-- وخزياه بس
بس يعيشون جوهم))
خطة (( جدول ينرسم بالأرض من واحد لعشرة واللي عليه الدور يحلت الحصاة على احد الأرقام طبعاً بالتسلسل ويحط رجله على كل رقم والرقم اللي به الحصاة ينطه ما يطآه واذا وطآه خسر )) >-- عاد هذي معروفة
الطاقيه((اطفال ساجدين ع الأرض وواحد منهم واقف ويدور عليهم ويقول طاق طاق طاقيه رن رن ياجرس محمد راكب ع الفرس .. وهو يمشي يحط شيء ورا حداهم واذا قالهم فتحوا كل واحد يلتفت وراه واذا شاف شيء يقوم يلحقه ))
نجمة فوق (( بنيآت جنب بعض واقفين دائرة ويقولون هالأنشودة .. نجمة فوق نجمة تحت اميل كذا اصب العسل اميل كذا اقطع بصل آه آه ياظهري انكسر مالك ياسوسو زعلانه ؟.. عروستي ضاعت .. بكم شريتها .. بألف قنيه .. ايش سميتيها .. أمر الدين .. امر الدين امر الدين اختاري وحده من الحلوين ))
فتاحية وردة (( انواع البراءة عاد ذي .. يجتمعون دائرة واقفين ويقولون فتاحية وردة همن يوسعون الدائرة واذا قالوا سكارية وردة .. يضوقون الدائرة))

واحد طش ثنين طش (( واحد مغطي عيونه ويعد واحد طش ... الخ بعدين يتغبون هذولاك ادامه يخلص عاد بعدين اذا خلص راح يدورهم واللي يمديه يلحق ويرجع للبيت قبل لا يلقاه))
شبرآ امرا خمس نجوم (( هذي عاد تبيله واحد حليل شوي يعني سادس او خامس ويكون نحيف وخفيف مابه شحم ..بسرعة ينقز .. وهي عبارة عن حبل يدخله تحت رجلينه وفوق راسه ويرتفع ويبتل لأكثر وقت ممكن ))
عين سين صآد (( هذي دائرة من بنات أو عيال او خليطي فهاره ويجي واحد ينقز على رجل الثاني واذا وطاه يطلع بعدين يغمز لحدا خوياه وهكذا .. واذا ما وطآه يعيد .. طبعاً النطه فجأه))
لعبة مكونة من فريقين ويدور بينهم الحوار التالي :
الفريق الأول: صبحكم الله بالخير ياعمال العماليه ..
الفريق الثاني :مساكم الله بالخير ياعمال العماليه
الفريق الأول : عطونا عروستكم الحلوة والزينة
الفريق الثاني :ما نعطيكم اياها الا بالف ومية
الفريق الأول: ندخل على دياركم ونكسر ابوابكم وهذي عروستنا الحلوة والزينة
ويسحب الفريق الأول حدى البنات من الفريق الثاني .. ويستمر على هالحال

يتبع