يا فضيحة يا طريحة !!
الحين بتبدا الدراسة وبنشوف العروض المنحلة اخلاقيا ، وجميع انواع المساحيق اللي حتخرج من عُلبها ويظهر الوجه الثاني للمراة في العمل، والملابس المخزنه في الدولاب حتشوف النور، وينزاح عنها الغبار، والمستخبي حيبان !!
والمحصلة خسارة فلوس زياده بلا داعي ، وميزانية اخرى غير التي مطالبة بها، لإرضاء نفسها الشريرة الساقطة ، لابد من صبغة الشعر ومكياج جديد ، ليس تمشي مع الموضة ولكن لتظهر للأخريات انها بلوك جديد وهي افضل منهن وشوفوني يا حلاتي !
طيب استحمي يختي ، خلي الموية تعرفك اكثر ، بدل العطر اللي ينصب عليك صبا !!
حتنط لي وحده تقول بين النساء اقول تروشي بالعطر ، ولكن تحط عطر عند الرجال ليه ؟!!
هي جات على العطر بس ، عطر وأظافر ووجه ثاني كمان !!
كلو كوم والبنطلون الضيق كوم اخر الا بينفجر عليهمن وش وجهة نظرك يا انسانة في ذلك هل تبي كاميرات الجوالات تلتقط لك اللحظة ؟!!
اللبس الفضفاض صار تريقة ، ودقه قديمه ، وان وضع الروب [ لآب كوت ]على اللباس صار فضيحة هو الاخر لأنها تذهب به الى الخياط عشان يفصله على جسمها تفصيل ،يعني من الاخر تلبسوها لباس موحد بتجسمه على جسمها بتخلونها بكيفها بتخرب البلد، وش تبي ظهري بالضبط عشان نعرف فين نتفرج عليك ، امام او خلف ؟!!
بعض الاماكن تحدد اللباس في العمل [يونيفورم ] عبارة عن بنطلون اسود وجاكيت فوق الارداف ، الحته اللي طالعه من الخلف هذه مالها نفس تتغطى ؟!
اش ذنب الباقيات يشوفو اشياء غريبه امامهم متخاصمة ايهم يسبق ؟!!
الحياء صنعة تتقنها التقيات ، العفيفات ، اللاتي تعرفن كيف تصون نفسها قبل ما احد يأتي يقول لها ، تحشمي !
اما المنفلتات ، تشتري التفسخ بمالها ولا كرامة ، وتدعي انه هو هذا الزي المطلوب ، اذهلني منظر في الجامعة عندما ذهبت للإدارة لمراجعة بعض الاوراق ، احدى الموظفات لابسه تنورة فوق الركبة وعليها اخرى شفافه ، وتمشي في حرم الجامعة ولا حياة لمن ينادي !
وأخرى دكتورة في الاختبار لابسه بلوزه تقول لها ارحميني من كثر ما الازارير تبي تطير منها لأنها ما تتقفل !! اغراء ملوش داعي بين النساء اللي مثلك !!
وغيره من المواجع بين النساء حدث ولا حرج من امثال المترجلات اكمني نافرة عن طبيعتي السوية ، وغير البنات اللاتي يلبسن لباس لا يمت للحشمة بصلة ، كلو كوم والتميع ومساخة هرجهن كوم اخر والتنحنح والتغنج اللي ملوش امه داعي بين النساء !!
يتفنن في الخلاعة والعري ، كما لو كانت صيدة ثمينة ، لابد لكل واحده منها نصيبها !
صرن لا يفرقن بين لباس البيت ولباس غرفة النوم ولباس الشارع كله محصل بعض !!
المهم ان هذه اللحمة تظهر كيفما كان سواء بلباس ماسك او بغيره !! وكأنهن اقسمن قسم جماعي ايهن اسرع واسبق لكي تمشي عارية ، هذا اللي باقى ، لان البلدان الغربية صارت النساء عادي تمشي عارية ولا كرامة لهن ، نحن عندنا اجتزنا المرحلة الاولى والثانية باقى المرحلة الاخيرة وهي الاهم ، كيف تتعرين في الشارع وتخرجين دون لباس ؟!!
رغم انه في حالات ظهرت ولكن النفرة الجماعية هي المنتظره منكن !!
الخروج دون هدوم ، الطمي يا فتكات ، الزحف آتن آت !!
يعني ان توحد الزي او لا ، اللي تبي التستر تعرف طريقه و اللي تبي العري تعرف طريقه ، ولكن اللي يحز في النفس التبجح لتلك التي ان قلت لها تحشمي قالت غض بصرك !!
وأنت ليه ما تغطي نفسك ؟! سؤال عجز العلماء ! ربما لو تركيبة محليل سلمت من الانفجار الا مخ وحده تبي التعري ولا رادع لها ولا حتى ضميرها يقول مرة خلني انبهها لعلها ترجع !!
لو عملوا في بلادنا عروض للخلاعة ، يوما هل في ظنكم سوف يظهرن على حقيقتهن او ينقح عرق الحشمة فيهن !!
نتمنى توحيد الزي في كل مراحل العمل سواء مدارس او جامعات او غيره ، للعاملات او للمعلمات قبل الطالبات ويكون زي فضفاض يمنع فيه من ظهور تقاسيم الجسم ، ويكون ازاريره من الخلف او الجنب ، ويمنع وضع المكياج المبهرج ، ويكتفين بالكحل ، هل حيتحقق هذا يوما ؟!!
كتبته بمناسبة العودة للمدارس