[align=center]خيانه
قصه حقيقيه حدثت معي والله اسأل أن يستر علينا وعلى بنات المسلمين.
عدت انا والعائلة الكريمه الى بيتي في الساعه الواحده والنصف صباحاً وقبل ان اوقف
السياره لاحظت سيارة (بي ام دبليو لون ازرق غامق) واقفة بجانب باب بيتي وفيها شاب
كاشخ ولابس ثياب العيد والعيد بعد اربع شهور اييييييه وش عنده هالمليح راح تفكيري الى
بيت جيراني تتكون من ام كبيرة بالعمر وشابان(مايقعدون ابد بالبيت) وعندهم بنيه كلما
جيت لقيتها تطل من الباب وإذا شافتني دخلت وصكت الباب لأني هشتها كم مره !!!
طيب انا قاعدلك اللحين ، خليت ام عبدالعزيز والعيال يدخلون .دخلت انا وظليت واقف
خلف باب البيت ،نزل الشاب الوسيم متجه الى البيت المذكور!! ولابد منه المرور على باب
بيتي طلعت عليه وقلت هاه وين رايح يالاخو ابتلش وعرق ، يوم نزل من سيارته اغلق
باب سيارته والجاره سمعت صوت اغلاق الباب قامت الجاره المحترمه بإغلاق لمبة الباب
الكائنه في عاليه وفتحت باب البيت لحظتها تغير وجه الشاب الوسيم فقال لي الله يرضى
عليك أستر علينا الله يستر عليك . قلت لحظه شوي تعال معي وقفت عند باب بيت
المحترمه وقلت لها سكري الباب الله يهديك ولا تعودين لها مرة ثانيه فقد انذرتك ولي العذر
بعد ذلك. والشاب الوسيم يبي الخلاص لأن مفتاح سيارته معي !! قلت له تفضل معي
شوي والبكوه على طريف قلت لاتخاف انا مثل اخوك والله مايجيك مني الا الخير إن
شاء الله قال تأخرت قلت لو انك داخل عند الاخت المحترمه كان ماقلت تأخرت((((فرق خشش)))) على كلن عند دخولنا انا والشاب الوسيم البيت جاء احد اخوان الفتاة ودخل بيتهم ؟؟ التفت الى الشاب وقلت له لو انك داخل عندها تتوقع وش يصير؟؟؟
جلسنا بالمجلس ورحت اجيب له عصير ودخلت عليه لقيته يبكي !! قلت عسى ماشر
قال والله مافكرت بعواقب الامور . جلست انصحه واقوله بعض القصص.وتجاوزنا هذا كله
وبدأ الشاب بدر بالتكلم وهو يتذكر لو دخل عند الفتاة وحظور اخاها الى البيت. ولو كان
هو بمكان اخو الفتاة ماذا يفعل؟؟
(شبابنا عندهم غيره حتى على اللي مايعرفونهم لكن يجي دورالشيطان ينسيك حتى نفسك).
المهم طلع من عندي الشاب ومن يومها وهو يكلمني ونطلع مع شباب فيهم الخير الكثير.
بعد فترة من هذا الحدث قرابة اربعة أشهر تزوج الاخ الاكبر للفتاة وخرج من البيت الى
شقة خاصة به ،وبعد شهرين من زواج الاخ توفيت ام الفتاة والشابان . خرجت ذات مرة
من البيت واذا بأخو الفتاة ينزل من سيارته ويأتي إلي مسرعاً قلت عسى خير لا يكون
عرف شي عن اخته وجاي يلومني .افكر بيني وبين نفسي ادخل واروح اخليه ؟؟
تفكيري اصبح بطيئ مع سرعته قادماً إلي ويجي يمسكني ويضمني وهو يبكي؟؟
واقوله عسى ماشر...
قال امي ماتت يابوعبدالعزيز ماصار لي احد بهالدنيا.... وهو يبكي بقوه
((لا إله الا الله، انا الدمعه عند الباب وماتبي شي وماني ناقص حزن وفرقا)) حاولت
اني اتماسك وحاولت اني اهدي نفسي واهديه بكلمات الاسترجاع وان هذا طريق ماشين
كلنا فيه ووالداي انا توفوا من قبل وانا بعيد عنهم ماشفتهم قبل الوفاة((تجمعت كلكوعه في حلقي وانا اقولها
له))!! اخيراً هدا الشاب
اللي سمعته منه وانا ضامه وهويبكي وهذا محل أسغرابي يقول ياطيبك يابوعبدالعزيز ياطيبك يابوعبدالعزيز؟؟
المفترض انه لايفكر الابنفسه وامه المتوفيه..
انتهت ..
على كلن لي قصص مع هذا الشاب المتوفيه امه
((يمكن اقول اسمه بدون عائلته بعدين ويمكن ما اقول ))[/align]