[كروومه]

السودة ...

هذه هي الكلمة التي كانوا يطلقونها علي في المدرسة الإبتدائية كنت في الصف الأول لا أنتبه ثم أصبحت اتضايق...
أسمي منار سني الآن 25 سنة،
أبي كان دوماً مسافر وأمي كانت من ترعاني أنا وأخواتي..

المشكلة كانت تكمن في أن (نسمة ونور) كانو بيض مثل أمي..وأنا فقط سمرا مثل أبي!
أمي نفسها كنت أشعر أنها غير سعيدة بشكلي!
لطالما سمعت تعليقات جارحة (أنت ليه مش حلوة زي أخواتك؟)
كنت أبكي....سراً ...
شعري منكوش...
أسأل نفسي
(ليه أنا بالذات الوحشة؟!)
الغريب أنني كلما سألت نفسي كلما أزددت وحاشة!
ليس لي أصحاب من كثرة ما أنجرحت.....

أصبحت أحب مضايقة البنات وأخذ أشيائهن..وأقرصهن!!
كل فترة إدارة مدرستي تستدعي أمي(منار غير مؤدبة)
أمي لم تعرف إلا الضرب
مرة وهي تضربني قالت :
(هو أنتِ مفيش حاجة فيكِ عدلة طالعة لَهُ ؟)😡
هي تقصد أني مثل أبي!!

أرضاني ان اصبح المشاغبة اﻷولى في المدرسة
احسست بأن لي بعض الأهمية وأن كانت بالخطأ...
لا أحد يحبني..الإخصائية الجديدة مَس (مني) تحاول أن تتحدث معي ....
كل أخصائية تحاول علاجي يستفزني هذا أكثر أنا مش مريضة ولا مجنونة
لا أحب الكلام معهم .....
لماذا أنا موجودة أنا وحشة ومش هتجوز كما يقولون
أكره أخوتي لأنهم حلوين....

(منار)
هكذا ناداني كابتن جمعة
كابتن الباسكت العجوز ....
أعرفه شكلاً .....
(نعم يا كابتن)😕
رديت برخامة كالعادة....
- كان سني 10 سنوات -
قال لي : مالك ؟
😨مالي؟!
عمر ما حد سالني مالي
أنا كم مهمل دوماً....
رديت : (مفيش)
قال (طيب ليه عاملة كده&#128533
قلت برخامة : (أنا شكلي كده)
قال مبتسما بلا غضب :
(أنتِ زعلانة أوي ليه ؟؟؟)
نظرت إليه..
أخيراً حد عرف إني زعلانة ؟!
قلت له:
(وليه ماأزعلش محدش بيحبني)
قال بطيبة وهو يقدم لي بسكوته
(شعور صعب يامنار أنك تحسيه)
بكيت..
قال بتعاطف:
(أد كده متضايقة يا بنتي؟!)
أسرعت بالإبتعاد..وسقط مني البسكويت..
في اليوم التالي للتمرين لم أذهب..وأمي لم تهتم...
لكن بعد ذلك ذهبت..
سألت كابتن جمعة :
(ليه الناس بيكرهوا سماري
أنا أيه ذنبي؟!!!)
لم أرى كصفاء وجهه وهو يقول
{وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ}
قال لي(الناس أمتحان لبعض)
كل واحد بيضايق التاني في حاجة، عندي أصابة في ذراعي من سنين بسببها تركت لعب السلة،الناس برضه بيعلقو عليها)
قلت
(ليه أنا سودة وأخواتي بيض؟)
قال:
(ده أختلاف بين الناس ربنا قسمه، بس أنتِ لو رضيتي هتكوني رائعة )
(أرضى أزاي والناس بتتريق عليا)
قال : (الناس بتتريق على حجات كتير..بس مادام أنا عارف أني مش غلطان أجمد ولا يهمني)
قلت له : (أنا بالعكس بقيت بأكره كل حاجة يا كابتن )
قال : (وليه متحبيش الحجات؟
أنتِ كده كده عايشة عيشي صح..حتي مع التريقة....التريقة غلطتهم مش غلطتك...خليهم يقولوا ياريتنا زي ( منار )
بكيت وابتعدت..
( ياريتنا زي منار؟؟ )
ممكن حد يقول كده ؟
أنا فاشلة دراسياً..مكروهة في البيت والمدرسة!!
لكن وأنا ماشية شفت (مقلب قمامة) العمال بينظفوه..بعد كم يوم صار جنينة مشهورة!!!!
ممكن نتغير؟!!
بس بشرتي مش هتتغير
البشرة مش كل شيء
البشرة شيء من الأشياء بس..

بدأت.....
أذاكر.....
أصلي ...
بطلت رخامة
لكن البنات مبطلوش تريقة
(يا عيني ع الإجتهاد !!)
لم أهتم؛ ففي ذهني كلمة عم جمعة: (بكرة تقولو ياريتني زي منار)

ماما ملاحظة ولا تعلق..
طلعت التالتة..
المدرسة كرمتني...
بعد شهر قالت ماما لنور : شايفة منار ملتزمة أزاي بالصلاة

ذهبت لعم جمعة....
كان شكلي فرحان
قال : كملي
أصبحت دايماً من الأوائل
ومن المصلين والحمد لله..
مرة قبلت يد ماما..
أتحجبت في الأعدادي..
تعليقات الناس زي ما هي على سماري بس خلاص جمدت..
عم جمعة يشاور لي مشجعاً..

كررت تقبيل يد ماما..
أشعر أنها راضية رغم سوء علاقتي بها سابقا.
حاسة أني أحلويت!!!
أعطف على الأطفال..
عم جمعة مريض جداً..
ذهبت مع ماما لزيارته..
دعا لي..ودعيت له..
عم جمعة أتحسن وخرج بس بطل يروح النادي..
أنا وأمي حريصين علي زيارة زوجته والسؤال عليه...
بعد الثانوية كانت كلية الطب..
أخبرت عم جمعة...
قال لي: إنتِ أدها يا منار..
ماما فخورة جداً بي..
في أولى طب مات عم جمعة..
صليت عليه الجنازة ودعوت له من قلبي..
اللهم أعف عنه ووسع عليه وثبته بالقول الثابت..
دعيت له كتير..
أقسم بالله أني أدعو له يومياً وأخرج كل يوم صدقة له..
وأزور زوجته...
عم جمعة مخلفش..لكن وقف جنبي عشان أعيش..
كان ممكن أكون كتلة سووواد
اتعرفت على (مدحت) في رابعة طب...مدحت أشقر!!
أمهُ بريطانية مسلمة
وأبوه مصري..
مدحت مُصر عليا..
يقول: بتصلي ومحترمة...
أنت أهبل؟ تتجوزني أنا؟!!
ماما طايرة من الفرحة!
أخواتي مش مصدقين!
كنت بأضحك من قلبي..
أتخطبت عادي وأتجوزت..
ومش ناسية عم جمعة لما ناداني وأنا عمري 10 سنين..
بأدعيله..وبأتصدق عنه..وحكيت لمدحت عليه..
أنا ومدحت بنسمي أي شخص يبني ولا يهدم (عم جمعة)
بأقول لكل الزعلانين من سمارهم......كل شيء أبتلاء ...
البياض والسمار.....الحلاوة والوحاشة....المهم أكون راضي
ساعتها ربنا هيرضيني...

الله يرحمك ( ياعم جمعة) برحمته، زي ما رحمتني وأنا طفلة ضايعة وقلب أسود..
الله يرحمك ويرحم كل (عم جمعة) بيبني ولا يهدم النفوس..
نفسي كل إلي يقرأها يفكر أزاي يكون هو (عم جمعة)
مش بس أزاي يلقى (عم جمعة)

🖋 بقلم د. إيناس فوزي