[ريداويهـ]

’,.


مرحبا سرّووعه ’,.
أمس قعدت أنا وبناات خالاتي ونطلّع الألعااب القديمه وهـ بس ’,.

طبعا طلّعنا كل ابو ألعابنا ,, وذكرتي أنتي والذربات أغلبهن ’,.

بس فيه لعبة " حجر وورقه ومقصّ "
اثنين اللي يلعبونه ,, طبعا بإيدينهم ,, ولهم حركات معيّنه ’,.
يقبض ايده = تعني حجر..
يفتحه على مصرااعيها = يعني ورقه ..
يقبض كل أصابيعه ويبقّي السبابه والطويل ويكون بينهم فتحه = مقصّ ..
همّن عااد بحركه سرريعه يحطّون ايديااتهم على بعض ولكل يد حركه من هالحركات ’,.
إذا طلعت ايد أحدهم مقصّ والثااني ورقه = يعني قصّ الورقه ويفووز ..
وإذا طلعت لأيدي أحدهم حجر والثاني مقّص = يعني يكسر المقّص ويفووز ..

ولعبة " بصّ بص بصّيصه "
نسينا تسيف تلعب ,, بس أذكر انشوودته :
].. بص بص بصيصه .. لاجاء العيد عشّينا .. عشّينا مهلّبيه ..حطّيناه بالصفاري
على جيّة خوالي .. خوالي الدندشّه .. طاحت عليهم العشّه ..[
تسّانتس فهمتي وش معنى هالتسلمات فأنا فااهمه ’,.

تسمان لعبة " ياسالم نادونا "
نصير على شكل داائره ,, همّن وحده بالوسط ’,.
].. تقول هي : ياسالم نادونا ,, همّن نردّ : بيّاع التفّاح ..
ويابناتي ,, آتي ,, معطّلاتي ,, آتي ,, أبوكم راح ,, آتي ,, لقصر الأفراح ,, آتي ..
تسمانه نسيت اللي بعده ,, وأخر شيء ,, نبدأ نناقز ونقول :
صفيحه فرنجه شيكا شيكا بوّم ..[
أمنيه أعرف معنى الجمله الأخيره ’,.

ولعبة " الربعه والبسّه "
هي كل شخص يقعد بالربّعه ,, وواحد ماله ربّعه يصير البسّه ’,.
همّن نبدأ نتبادل الرّبع ,, وهو يلاحدزنا ,, عشان ياخذ الربعه الفاضيه ..
إذا أخذه ,, يصير اللي كانت له الربعه هو البسّه .. وهكذا دواليك ..


لعبة " تلفون خرباان "
اللي نقعد دائره ,, همّن الرئيسه تقول للي بجنبه أي كلاام ..
همّن نتناقله فيما بيناتنا ,, طبعا إذا وصل الأخيره وقالته صحّ ’,.
قلنا : تلفوون منتاز ,, وإذا صار خطأ ,, نقول : تلفون خرباان ’,.

لعبة " طار الطير ووقع "
نكوون جالسين دائره ,, وشخص ماا ,, يقول : طار الطّير ووقع ..
همّن نرفع ايدياتنا دليل على الطيران ..
طبعا إذا قال أي شيء يطير نرفع ايديننا ’,.
بعض المرّات يقوول : طارت ريداويه ووقعت ..
اللي يرفع ايدينه يطلع من اللعبه / لأن ريداويه ماتطير ’,.


لعبة " مرطاخ بالتراب "
اللي نحط مربّع ,, ونقسّمه لتسع مربّعاات ,, وواحد معه عود والثاني معه حصااة ’,.
هي نفس أوووم تسع اللي موجوده اللحين ,, بس الفرق اننا نلعبه بالتراب ’,.

ولعبة " هيلا هووب "
نجلس دائره ,, همن ننشد ].. هيلا هيلا هيلاهوب ,, واللي يتكلّم هو الدّووب ..[ ’,.
همّن نسكت وحنّا منفّخين افامينا ,, قسم ان حنوكنا تتعب من النفخ ’,.
==> ياحنوك العربان هالحنوك ’,.
تكّل مكلّفين ,, طبعا اللي يحتسي يطلع من اللعبه ’,.


وأنااشيدنا اللي نقوله :

].. بدر و أنيس .. ركبوا التبيس .. صاح بدر وضحك أنيس .. قال الفأر : مالي فأر لأن البس يأكلني ..
قال البسّ : مالي بسّ لأن الكلب يرهبني .. قال الكلب : مالي كلب لأن الذئب يأكلني ..
قال الذئب : مالي ذئب لأن العصا يضربني .. قال العصا : مالي عصا لأن النار تحرقني ..
قالت النار : مالي نار لأن الماء يطفيؤني .. قال الماء : مالي ماء لأن الناس يشربني ..[

] .. بسمه زعلانه .. تبغى التفّاحه .. و التفّاحه في الثلاجه .. و الثلاجه مقفوله .. و المفتاح مع النجّار ..
و النجّار يبغى فلوس .. والفلوس مع العروس .. و العروس تبغى حليب ..
و الحليب عند البقره .. والبقره تبغى حشيش .. والحشيش فوق الجبل .. والجبل يبغى مطر ..
و المطر عند ربّنا ..
صبّ صب يامطر .. على قريعة ولد أختي .. بنت أختي جابت ولد .. سمّته عبدالصمد ..[

وهـ بس ياأنا أعشقه هالأنشووده ’,.
وياما تخيّلت شكل العرووس وشكل الثلّاجه والنجّار ’,.
وتخيّلت شكل بسمه انه قاعدتن تحت النّخل وتصيح ’,.

] .. أحمد حماده جاب الشهاده .. أمّه تحبّه وابوه يطقّه ..[

وهـ بس تعبت من الشررح ,, مع اني أدري ماهو مفهوم شرحي ’,.
مير أغديكم تعرفونهن من أسمائهن ’,.


تقبّلي مروري وهذري وإزعاجي ’,.