الشــــبـــط ..يسمى ولد المربعانيه ...ولدها الشقي. ... من شقاوته (( يصبخ هواه بالبيبان )) بارد وهواه يشق الوجه .. بس من برى ما يدخل مثل امه ((المربعانيه )) للبيوت ..على شقاوته مايدخل براده جوى البيت ماشاءالله يستحي المعروف ان المربعانيه ..وصت أوليدها الشبط... ((0rأنا طلعت ماضريت ..عليك باللي أكله دويف ووقوده ليف واللي أكله تمر ومشبه سمر ابعد عنه...؟؟)) ]هذا دليل أن التمر ((فيه سعرات حرارية عاليه وطبيعيه تدعم الجسم بالدفئ..؟؟ ))<<انتهى كلامي رحمني الله لايغركم هالدفى هاليومين الخير جايكم بإذن الله ++++++++++++++++++++ نعود الشــــبط مدته ((26يوم )) ((برجه الدلو ..)) وطوالعه ...النعائم ــ*ـشباط الاول ......البلدة ـــ شباط الثاني* النعائم ــشباط الأول .. من 15 يناير الى 27 يناير .بردها قارس وشديد ويتميز بالصقيع وهو الطالع الرابع من فصل الشتاء .. وقد تبدأ النخيل البواكر في الطلع.. البلدة ــشباط الثاني .... من 28 يناير الى 9 فبراير نوؤها محمود وقل مايخلف مطرها بإذن الله... وفيها يشتد البرد ويجمد الماء وأولها محرق وأخرها مورق وهو الطلع الخامس في فصل الشتاء وفيه تتزوج العصافير.. <<يعني به الوقت عند الصباح الباكر .. تسمع العصافير تغريدها اكثر من العادة...<< هذا من تحليل بحر ****************** عـــلامات دخــــول الشـــبط 1ـ24من ذى الحجة بداية الشبط .((يوم الاثنين القادم ان شاءالله )) مااااخفيكم ..((علامات الشبط شفتها من يوم الثلاثاء اللي راح )).. مادري انتم تاكدوا لا جبت لكم هاذي العلامات والظواهر - 2ـ يكثر هبة الرياح الشماليه الرطبه البارده نتيجة تساقط الثلوج على المناطق الشماليه . 3- تشوفون نوء(الشوله) فجرا واضحا وهومن برج العقرب آخر نجوم المربعانيه هذا يدل على الدخول بنوء النعايم من برج القوس اول نجمي الشبط يليه البلده . 4- تتميز الرياح بالقوه (قرقعة البيبان) مما يساعد على تقلب الأجواء فعادة لا تكون توقعات الأرصاد أو من يأخذ بها صحيحه ( أنصح محبي التوقعات بأن لا وانصح نفسي بعدم توقع شي - أما المظاهر لذلك يكون فيه 1- أقصى وقت لدخول الفجر 2- السحب غالبا قطع وتمرق بسرعه 3- صفاء السماء غالبا (( فتحلو المكشات وطلعات والمخيمات )) 4- شدة البرد والصقيع وازدياد الرطوبه البارده 5- تقريبا وقت المغرب يزداد كل يوم دقيقه ألا عشر ثواني 6- ظهور النمل الذباب تزاوج الطيور جريان الماء باعواد التين 7-برد الأزيرق ومدته اسبوع تقريبا ايذانا بقرب نهاية الشبط دمتم على خير وبركة .. ياااارب تحوز على رضائكم وحسن مروركم وردودكم الممتعه .