لاتسأليني عـن علومـي وحالـي
وإليا لمحتي دمعة العين ! صـدّي
ياشوق ماللضيق والحـزن والـي
تزهّلوا صدري علـى غيـر ودّي
والعبـره اللـي طرفتنـي لحالـي
حاولـت اعديهـا وعيّـت تعـدّي
صدييت والدنيا ماهي راس مالـي
ونثرت دمع العين والوضع جـدّي
ياليتنـي فـي صدّتـي وانعزالـي
مالي خيـال يجيبنـي ثـم يـودّي
وياليت حظي اللي غدى وارتكالـي
ماضيع اتعابـي وجهـدي وكـدّي
اخذت مقسومي من الوقـت تالـي
كنّه مفصل لي مـن الهـم قـدّي