هناك قصائد نقف امامها ولانملك الا التصفيق لروعتها , وهذه احدى القصائد الروعة التي صفقت لها طويلا و احببت ان تشاركوني التصفيق
(القصــــــــيدة)
تجيني طيف ياعمري على جنحان شوقي لك
اخاف ارمش من عيوني وابعثر جيت وصالك
حبيبي لا تجيني قول وين انت وانا اجيلك
ابيك تقول وين انت وعلى عيوني انا اسعى لك
وربي فوق روس الشوك لخلي القلب يمشي لك
واخلي ظلالي يسبقني قبل يحضني بنزالك
ثواني بس ابتهندم من عيونك وباهديلك
في عينك ضحكة حتى تكحل عين عذالك
يقولو الناس في غيابي تشب القلب ويضوي لك
حنيني من وهج شوقه يميل القلب لآمالك
قضى دمعي من عيوني ابي من عينك ابكيلك
ابنثر من ورى عيوني دموع عيون ترحالك
تعبت اهرب من الاشياء البسيطة من تفاصيلك
تعبت اسأل زوايا البيت عن اول واخر احوالك
وحتى الشوق من صبح الدرايش قام يهديلك
عصافير الرضا ترفرف على بيبان مدخالك
هنا ترمي صباح الخير قبل لا تروح وادعي لك
وهنا تضوي مساء الخير في عيني من هذالك
انا من الليل يقطفني شعوري لك واغني لك
انا من الصبح يليلني الحزن من لون موالك
حرام الليل ماهو ليل اذا ماكنت في ليلك
وحرام الصبح ماهو صبح اذا ماكنت في ظلالك
تروح وقلت احط روحي على كفي واناديلك
نزعت العمر من شفت الغلا بالروح نادالك
بربك بربك قول وش سوى الفراق بوجه منديلك
تسيل الوان طيفي فيه الا من البكا سالك
حبيبي لا يبكيك الفراق ولا يهد حيلك
اخاف الدمع من عينك يجفف صورتي في بالك
تعال احتاج اسولف لك عن الايام واشكي لك
وافض غيم الحزن وانثر حنين الشوق بقبالك
تعال وحط في قلبي هموم الفرقا واشيلك
لان القلب ماهو قلب اذا في نبضه ماشالك
وقف دمعي من عيوني ابي من عينك ابكيلك
اخاف ابكي من عيوني وابعثر جيت وصالك
الشاعر : سالم سيار