[عبدالله ون]

وين الرفيق اللي على السد ماثوق
لا ضاق صدري فرج الهم عني
ياليت سدي مقفل مثل صندوق
يصير مبدا الهرج ما ما هوب مني
السد ما يفضي على كل خقخوق
لا جا بوسط السوق يقرع بشن
قل للعذارى لا يهابن من السوق
ما في شي يجفل القلب مني
والله لو يمشن مفاريع ودلوق
ما افز لو هن ما تغطن عني
الاغزال تشعف القلب زملوق
او مع عجايب زينها صغر سن
ابو خدود كنها القطن مطروق
والراس ذيل مغفل مستعن
وعيون نجل شوفهن سحر الموق
يضيع ما بالكف لا لجلجن
والله لو تجلب على حنه السوق
تسوى لها لكين والفين دن
ياشيب عيني وان نطحني مع السوق
يكن جلدي طابقه جلد جني
عليه قلبي ما بقى فيه معلوق
واليوم عيا خاطري يرجهن
بالك تذير ليا تعورك مخلوق
وليا فعلت الجود بالك تمن


معنى كلمه زملوق اي / طويله وممشوقه القوام

لكين / قيمه بالدراهم مئات الالوف

خقخوق / الانسان اللي ما يمسك السر