نكمل مشوارنا طبعاً بعد ما ضربنا الملوح وطقته انبهتنا شوي بس لازم نمشي قبل الليل وهذا شي مهم اليمن لا تمشي الا بنهار مهما كان لأن الطرق سيئة وزحمة وتخطيم وغشامة وحنا جربنا مره السير ليلا وعساه ماعادت واحد يسوق واربعه مراقبي خط كل الشباب يسوقون بس واحد اللي ماسك الطارة خخخخ المهم مالكم بالطويلة مشينا لصنعاء وكان الطريق فيه الكثير من المناظر الجميلة والغريبة وكل شي وكل شبر واحد يشر لك معه قات" تشتي قات حلا " يعني قات طعم وهذا معه قارورة صحة يقولك ماء ماء وهو نصاب يبيك تاقف علشان يشحذ وهذولا اطفال 5-6-7-8سنوات واقفين وسط الخط يشحذون ما يمديك تهدي شوي الا ويتجمعون عليك ما تدري منين طلعوا يالله تخلص منهم وبحق هم هلكى فقراء حتى الثمالة وسرنا وسار دليلنا القارمن والإحداثيات وكانت هذه الصور المتواضعة من الطريق الى صنعاء مرورا بعمران أول شيء هذي درجة الحرارة بالطريق صور من الطبيعة بالطريق وتعتبر عادية جداً لأننا مابعد وصلنا الناطق الجميلة بس حبيت تكونون معي بالطريق من الألف الى الياء وهذا جبل تم قصه وشقه لمرور الطريق أعجبنا فصورناه وهذه الصورة من قريب وهذه صورة لقرية عجيبة على قمة جبل صغير في بطن الوادي ثم مررنا بقرية يقال لها عمران وبسراحة كرهت هالقرية لأنه صار لنا به بعض المواقف الموقف الأول وحنا بالقرية والسوق زحمة بالمرة وكنت اصور نط بحلوقنا عسكري لا تصور لاتصور ولا اشتي اكسر الكميرة نزلنا الكميرة ومشينا الموقف الثاني مرينا على محل فواكة وقفنا و نزل واحد من الشباب يجيب لنا بعض الفواكة ومادرينا الا واحد منرجال المرور يحظرم علينا ويلجلج اطلع اطلع ونفسه براس خشمه قلنا يابن الحلال خوينا نزل اصبر دقيقتين " اقول لك اطلع هيا هيا" الله يشغله المهم مشينا حبه حبه لين جا خوينا وهذي صورتين أول ما دخلنا القرية(عمران القبيحة ) قبل نوصل الزحمة >>ومنع التصوير خخخخ وهذهصور لمزارع القات وللفائدة اللي عنده مزارع قات يحرسهن بالرشاش ياويل اللي يقرب لهن ثم بعد ذلك قبل الوصول الى صنعاء ذهبنا الى دار الحجر والتي فيها قصر الإمام الشيعي يحيا وهو قصر مبني على صخرة عضيمة وهو جدير بالمتابعة انتظرونا مع صور غاية بالروع في دار الحجر وأرجوا أن يلامس الموضوع رضى الأعضاء والمشرفين وتحياتي للجميع