صباح الخيرات
مرحبا ابو محمد وبالجميع ولأحد يقوم تكفي عز الله مقامك ...
بسولف وأنا واقف بحكم ما شاء الله المجلس عامر بالوجيه الغامضة اقصد يعني ما شفناها ..
شبت النار مو مثل أول ! تبي كبريت وتلعن ابو خامسك ما شبت دخنه و ريحة عيال البسه مثعورة .
إييه با بو محمد فقدن الكبريت مثل ما فقدنا غيرة ... بعد هالشاخوف اللي يطير غبارها ..
هالحين النار بكلمة تنشب واللي ما يعرف الصقر يشويه ! تحسبه لصار وحدة من الحطب
مهي راضية تنشب يبعدها لا على طول بسطل ماء يروش الشبه ...
ويضحك الجذع النكدي وباقي الجذوع تفرك كبادها ..
لا والحطب صار أنواع الإرطى ابو قلب اسود والغضا الحمص والمغشوش السمر
والنادر القرض والرمث المعجعج طاير مع الخيل يا شقراء ..
ولا يهون الاثل اللي لو طلعت من المجلس ريحته راكبه معك ..
أشوف توبي وعزف وقتالة واحمد يسولفون تقل ما جازلهم كلامي ..
يالله تصبحون على خير ..