مدخل
أرفُض المسافه ..
والسَّور .. والباب والحارِس
آآآه
أنا الجالِس ورا ظهرِ النَّهار
ينفض غبار .. ذكراه
أرفُض يكون الإنتظار .. بُكرا
يوووووووووه
وين الناس يا (دُبا) ...؟!
نسيت انك تحب ...
نسيت إن لك حبيب ...؟!
قل لي
وش اخبارك ...
و وش لونك ...؟!
فدى رجليك مضنونك
وش الدنيا بدونك لو دريت بحال مجنونك ...؟!
انواااع العطش
ليش تغيب يا (دُبا)...؟!
انا اش سويت ...؟!
وربي حيل قاهرني ...
تبي تكفيخ ...
تبي تسطير ...؟!
انا حاضر ...!!
تبيني احضنك قوووووووووووووووة ...؟!
بجيك اطير
اشر بس بيدينك ... وناظر
يا شينك بس
ياشين الليل من دونك يا ابو تفاح
ماغير اشباح
وسواد وهم
وثواني ما قوة ترتاح ...!!
احس انه مجرد وقت
احس ان الثواني فيه يموتونك ... ويحيونك
واحس الشمس تغمز لك
واحس البدر ممنونك
واحس ان كل خلق الله يحبونك
ويهوونك
(دُبا)...
احس اني عليك امون
ابا اتغزل اذا تسمح
ابا اشرب منك رشفة كاس
عسلها ما احدٍ ذاقة
طعمها نكهة (الإحساس)
يا (حساس)
وابا اتشمس على (خدك)
وابا اتمرجح على (قدك)
واسااافر في مداك بعيد
من (خصرك) الى (خصرك)
وابا اسبح شووووط بعيونك
وعادي
لا يهمونك
يقولون اللي يقولون
ما يقضي كلام الناس
دُب وحب له (دُبا)
كفاية انت بعيوني جميع الناس
تدري ليه ...؟!
لاني صرت مجنونك
حبيبي
حبني تكفى
وأسرف حيل
ذب فيني
تولع حيل ... ولعني
تدلع حيل ... دلعني
(قزز) ... لا يهمونك
ولا تهم
اذا شابت عواطفهم
وخانتهم مواقفهم
واحاسيس الهوى بقلوبهم ماتت
ومشاعرهم بقت فيهم مجرد كبت
نعطيهم الخامس
وراح ابقى انا واياك
نتوشوش ونتهامس
ويديني تحضن يدينك
ويتخالط عرق كفي بعرق كفك ويفوح الطيب
واصابعنا تحرك ... وتتشابك وتتلامس
واشوفك وآبتسم
واشوفك يوم تتبسم
وياهو مبسم
شفايف بنت في مرسم
واقول اموووووت بك بالحيل
وتقول ( (اقسم) )
واقول ( (أقسم لك وأقسم) )
وعواطفنا تفوح من الوله والشوق
وعلى فكرة
اقول لك شي يا (دُبا)...؟!
تعال شوي
وربي ما احب غيرك
ولا ابعد عنك
واخون نفسي تسع مرات قبل ما افكر اخنونك
ولا يمكن
وعهد مني
عهد مسلم
و وعد مني
وعد رجال
ويمينٍ يسبقه واحد ويجي عقبه بعد ثاني
ما افرط فيك
لا جايز ... ولا مدري ... ولا يمكن ...!!
ولو تجفى لزيد اغليك
واحفظك بين رمش وعين
واحط العمر من دونك
واوريك الوفاء بالحب وش معناه
واصونك
وياااااااااااااه
يا حظي فيك
وجربني
اعجبك حيل
حبيبي
تعال اكشف لك اوراقي
يا ترياقي
تعال افتح لك احداقي
واسولف لك عن جنانك ... وتحنانك
وعن حالي وموالي
وعن هبالي اذا مريت في بالي
وشهد ذاب بشفاهك ... عسى شهدك يجي فالي
على لسانك
من احسانك لولهانك
تقول انك مصدقني
ابا اسمعها من لسانك بآذاني
احس ان الوله جاني
وخذ كاسي
وامل عقبه بعد ثاني
وزدني كاس يا قاسي
احبك موووووت
وانا ادري ان العمر فاني
يااااااااااه
على ادمانك
ابا احلم فيك
واسافر في بحر دمك
بـ وديانك
مع عروقك
بشهدٍ ذاب بلسانك
واكنك حيل ... واشمك
واجدف في مجاديفي
على شفاهك
واقيل في طرف فمك
واسوي اني بغيت اطيح واخمك
وعلى شط الغلا كله
بشريانك
والامنه قضى حلمي
اجيك ايديني تتنافظ
اقول
يحييييييييييييييييه
حبيبي جااااك بردانك
يبي لفحة دفاء
يبي نفحة وفاء
يبي يسكن باحضانك
ويا حظ امك
وابوك وخالك وعمك
وكل اللي معه رخصة يحضنك حيل ويضمك
ويا حظ اللي يحبونك
واذا تعرق يشمونك
(يووووووووووووه يا دُبا)
مجنني
اي والله مجنني
مخرج
أرفُض الصَّوره .. على الرَّفَ البَعيد
وجهِك المحبوس .. في ورق وحديد
أرفُض إحساس الحِبر ..
وجرح سِكِّين السطر
وأرفُض الَّليل ..والحِصار ..
حُبَّنا خلفَ الجدار