[كروومه]

لو شفتني من كثرت الشوق وش قلت

..................يمكن من الدهـــــــــــشه تكذب كلامي

جالس ومع طـــــيفك سرحت وتجولت
..................وناديـــــــت بـ اسمك بين كل الاســامي

واصبحت اهوجس بك ومن لهفتي خلت
..................زولــــــــــــــــك تمـــشى بين كل الانامي

جـيتك بفــــــــــــــــرحه كنني يالغلا نلت
..................كــاس البطوله بعد عـــــــــشرين عامي

ضميتك لصدري ومن هـــــــــيبتك ملت
..................ميلت خضــــــــــــوعٍ للهوا والغــــــرامي

وقبّـــلتك بـ عينكـ وانا اقول ما طــــلت
..................عـــادك على طولك وجــــــسمك تمامي

وحـــاولت احــايل بك ولكن ما حلت
..................حبـــــك ملخــــبط يا حبيبي نـــــظاااامي

وصــــحيت من نومي بـ فرحه ولازلت
..................اشوف طيفك واحــــــضنه من هيامي