السلام عليكم ورحمة الله وبركاته
بالبدايه مبارك عليكم الشهر وتقبل الله صيامكم وقيامكم وجعلكم الله من المغفورين لهم في هذا الشهر الفضيل
بدخل بالموضوع ع طوول لاني بصراحه الي شفته يرفع الضغط
الاطفال وما ادراك مالاطفال ..!
الي نعرفه رمضان شهر فضيل وشهر عباده والواحد يرتاح لما يروح يصلي بالمسجد والوحده تهرب من البيت حتى ترتاح من لجة الي حولها وتصلي بخشوع وطمائنينه لاكن الي شفته بالمسجد عندنا غيير
معاناتي ابتدت يوم رحت اصلي صلاة التراويح بالمسجد وكنت اول الحاضرين للمسجد انا واختي وبعد دقايق شفت مالم يكون بالحسبان كل وحده من الحريم تدخل ومعها طفلين ثلاثه.. لحد الان الامر طبيعي .. وبعد ماكبر الامام وقال الله اكبر ابتدت الصجه واللجه والصراخ واللعب .. تخيلو اذا سجدنا يبتدي الضرب فينا من الاطفال الي يضربك بقارورة المويه والي يسحب عبايتك يحسبك امه والي تسرق نقابك وتجلس تلعب فيه والي يسحب في المناديل ويرمي ع الارض يعني قمة المعاناة تخيلو حتى حاملات المصاحف ماسلمن منهم !! الحاملات بالمسجد فيهن عجلات وكل طفل راكب بوحده وجالس يفحط فيها بالمسجد .. اسئلكم بالله فيهم من برائة الطفوله ..!
والي يقهر اكثر امهاتهم مايعرفن يقولن عيب او غلط او مايصح الي تسويه ككل شي عندهم فرررري
ياخواتي اذا كان عندك اطفال صلاتك ببيتك اجر لك لان صلاتك بالمسجد فيه إذاء للمسلمين
وسامحونا على الاسلوب الجاف نوعاً ما ولا كن والله من القهر الي فيني هههههههه