ذكر الحيا زين والبشرا تسر القلوب
واهل الوناسة اتدور للونيس ادوره
ياللي تحب الجنوب ابشر بصيف الجنوب
صيف تباشر هل العرا بذكر مطره
قامت تمسيه وتصبحه رخم النصوب
فوقه تلاقح ومافي بطونها تنثرة
تنشق في لبة الميثب كما شق ثوب
ومن ام حيشه اليا خطب لنفد عقره
يرتاح بالك اليا هبت عليك الهبوب
في خايع فوق رمثه كتوره وزهره
والوضح طرح على الريضان مثل الهبوب
والجنه البرزخيه في ظلال شجره
وين انت يا راعي البكر الصخيف اللعوب
تركبك بريامها وحوارها تنفره
ذكر الحيا زين والبشرا تسر القلوب
واهل الوناسه اتدور للونيس ادوره
الله يسعد الجنوب واهلها 🌹🌹🌹