|
المهرجانات في بريدة ... بين المخصرات وبين بناطيل طيحني
الزائر للكثير من المهرجانات الترفيهة او التسويقية يشعر يقينا بأن هذه المهرجانات اصبحت مُهرِجات واصبح يشعر ايضا بأن خلفها تخطيط ذكي لاستخراج المرأة من بيتها ليقين من يخطط لذلك بان الحريم تحب السعسقة ورباطها منطلق في احد المهرجانات كنت امشي بجانب احد الاعلاميين في المنتدى وهو يملك شدوق تقاطر ودك تعضه مالكم بالطوالة وبينما انا وهو نسير الهوينا ونسولف بامور المنتدى وهو يحمل كاميرته اذ بفريق من البنات وكعادتهن قليلات الحياء والعبايات لك عليهن من حيث الحشمة مخصرات مبرزات مفاتن اجسامهن الشينة حتى ان احداهن ياحبة عيني وهي مادريت ان احد الصفوط منضغط وطالع من جنب العباية ونحن نسير يتضاحكن ويرمين الكلام واحداهن تقهقه وتقول : فلانة شوفي فلان وكأننا لانسمع وتقصد بفلان ذلك الاعلامي الذي بجانبي اشوا اني مو معروف << اقول احلف ياتوم كروز بالمقابل احد الفاصخين للحياء وقليل المروؤة والرجولة وهو للانوثة اقرب وللسفالة انسب لابس سروال طيحني << خسارة اسميه بنطلون شعره مسرح والقزع لاعب براسه اللي كنه جرووووووو والقمل يسرح ويمرح براسه ووجه قسم مايفطر عند الصايم من شينه يالله لك الحمد ويمشي ونص اللبس الداخلي طالع على باله مسوي فيها زحمة في الاثارة والدلع << يلعن ام العربجة بالمقابل الاخر مرة اخرى نساء عليهن الشرهة والذكور بجانبهن يمشون المكاييج واضحة من جوانب العيون ولا اعرف ماهي القيمة من المكياج لامراة خارجة لمهرجان تسوق والعبايات لازالت تثير الرجال هناك من يكتب بان الرجال يحبون القزقزة اي والله يحبون القزقزة لانهم يثارون من قبل الفاتنات وياليتهن يكشفن فوالله ثم والله لتاب العاصون ولاسلم الكافرون من شينهن الى متى حال المهرجانات او الفعاليات التسويقية او الترفيهية في بريدة او غيرها تتحول للأسواء والنساء ترتادها من اجل الافساد لا التسوق ؟ الى متى الرجال تنهار غيرتهم وينزلقون يوما بعد يوم في مدارك الوهن والضعف امام المرأة وتسلطها اعجبتني امي حينما قالت لي يوما : رجال الامس مابهم خير لشدتهم واحتقارهم للمرأة وتسلطهم عليها ورجال اليوم مابهم خير لضعفهم وخضوعهم وذلّهم امام المرأة وتبقى المرأة هي محور الشرّ السمنسي يتشرف بمداخلاتكم تحيتي |
السمنسي
حتى انا اعجبتني امك وحكمتها ... سلملي عليها وبوس راسها ... يكفي انه ربتك على الرجوله وانكار المنكر .. |
اقتباس:
السلام يوصل باذن الله وتبويسة الراس ابشر ابمطخه مطخ حياك وبياك مولاك ياصاحبي |
[align=center]اليوم حملة ضد المهرجان وزائريه ....!!!![/align][align=center]
أحسن شيء أمكـ ومقولتها .. رددوها فهي تجيب على الكثير من تسآؤلاتكم محور الشرّ ......!!! هذا الشاهد من الموضوع :) تحيتي ،،[/align] |
[align=center]نسيت اقولك ياعاشق
الحن تجيك فديكا بريدة تهايط وتقول تبون تحبسوننا في البيوت بعد ؟ مابقى الا هي والله الله يعينك ويعيننا عليها[/align] |
ياخي ياحبكم للمبالغه انا اليوم شقرت ع المهرجان واخذت انطباع بسيط شفت ان الوضع عادي
العوائل ومحبوسين بشبك عند الفعالياات ولا فيه شباب اصلا ممنوع دخول الشباب عاد مادري بس يبين لي كذا لاني ماقربت لهم اساسا اخاف اهااش <0 ذابحة الادب ! يعني المغازل وغيره بيقل بشكل كبير ! مادري كيف حكمت ان المهرجان رايح فيها والحبل على الغارب وكل من هب ودب دخل وسوا الي يبي !! مزيدا من الانصاف عزيزي .. وانظر للامور من منظور واقعي من غير مبالغة وتضخيم لبعض الامور الشاذة العابرة ~~ تحياتي لك |
اقتباس:
انت شايف انكار منكر ...؟!!!!:) |
اقتباس:
كل عام وفي كل مهرجان ... بعد انقضاء المهرجان تكثر الاتهامات والحملات .. وفي السنه التاليه لا نرى جديد ... الحمد لله الذي جعلني متشددا لا احبذ هذه التجمعات .. |
اقتباس:
اهلا وسهلا بك بعد غياب هل تعلمين لماذا تلك الحملات على هذه المهرجانات ؟ لانها وبكل بساطة اصبحت مرتع للفاسدين والفاسدات للمنحلين والمنحلات من يذهب هناك سيعلم لماذا هذه الحملات امي حكيمة وتدرك الحال اما محور الشر فانا لم احضر شي من جيبي علشان تزعلين اليست هي فتة هذه الامة ؟ والفتنة اشد من القتل والفتنة هي الشر اليس كذلك ؟ تحياتي |
اقتباس:
والمرهـ الثانيه لاتوصف لنا ابو ابو شدوق :) <<الحين نقول انك حاطن الموضوع دعايه له ..............[/align] |
اقتباس:
انت رايتي في المهرجان ما يحزنك ويسؤوك .. فهل لديك الشجاعه للكتابه عنه و تحمل عقليات المعارضين ... مو انتي دخلتي للخيمه تتنفسين ... وش سويتي اخذتي نفس ورجعتي مثل ما رحتي ..!! |
اقتباس:
ولاهنا عزايم ولاشي بقراء الموضوع واجي طايره... |
اقتباس:
انكار المنكر درجات اليس الانكار يكون بالحرف والقلم ؟ يعني لازم امسك عصا والاحقهم وامحطهم ؟ يكفي من انكار المنكر حتى ولو كان بالقلب ربي لك الحمد على بعض الافهام |
حلووو انهم صاروو في مهرجاناتكم
توفروون حق العنوه لسوريا ومصر والمغرب وكذا!!! الله يعين بنات بريده على مابلاهم حياتهم بين نار التشدد ونارالأنفتاح شكرا لك |
اقتباس:
وكل يسعى ويعمل وماعلى الرسول الا البلاغ فالحملات تبلغ وتحذر وتندد وهل نملك غير هذا ؟ مغلوبون على امرنا مغلوبون |
| الساعة الآن 02:48 pm. |
Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة