|
انواع الشباب عند الاشااااره
انواع الشباب عند الإشارة: .¤. النوع الأول .¤. وهو الذي يستغل وقته ويرتب سيارته ويفتح دروج سيارته ويعفط في الفواتير ويرميها في الشارع، وفجأة ماتدري إلآ هو ناقز في المرتبه اللي ورا يرتبها.. ولا تستغرب اذا شفته ناط في شنطة السيارة)الرجال مرتب( وتنفتح الإشارة والأخ مشغول في التنظيف.. .¤. النوع الثاني .¤. وهو اللي تقول إن وجهه توه محتاج تنظيف ويسحب في المنديل وعلى خشمه، وإذا خلص طفى السيارة علشان ينظف أذنه بالمفتاح، وشوي يقص أظافر يده وماتدري إلا وهو مرفع رجله ويقص أظافر رجله هاذا إذا كان معاه مقص أظافر وإلا ماعنده مشكله يقصها بأسنانه) قمة النظافة (!! .¤. النوع الثالث .¤. وهو أكثر واحد يفرح إذا وقف عند الإشارة علشان يبدأ يستعرض ويرقص ويردح هو وأخوياه ويرقصون السيارة معهم!! "الله يهديهم ويصلح قلوبهم". .¤. النوع الرابع .¤. وهو تقول اللي توه مكتشف أنه أبو وماتسمع غير هواشه على بزرانه إلي مالين سيارته" ماشاء الله" وماتدري إلآ وهو ساحب العقال ومخرب التشخيصه) يستعمل أساليب التربية الحديثه( ويرجمهم بكرتون المناديل اللي مالية السيارة والفضل يعود لمحطة البنزين لو تمر جنبهم عطوك منديل هدية!! .¤. النوع الخامس .¤. وهو اللي يستغل الوقت ويجلس يشخص ويرش عطر وشوي لايحط روج ومعلق الإيرفون في أذنه ومشغل شريط )سيلين ديون( مسوي جو أجنبي!! .¤. النوع السادس .¤. وهو اللي إذا شفته ترحمه وتقول ميت من الجوع وتشك أنه جالس في مطعم مو في سيارة الرجال ماسك الهمبرجل بيد والببسي ، والبطاطس بيد والشورما في حضنه والفطاير جنبه والبيتزا في المرتبه اللي وراه ، ولاتستغرب لو شفته داب في مفطح !! .¤. النوع السابع .¤. وهو اللي تحس أنه ماعنده وقت أبد ودايم بزي ولابس نظارة وخاتم ومبحلق في الجريدة ومسوي زحمة في الشارع واللي جنبه طفشان ومشتغل مسجات بالجوال !! .¤. النوع الثامن .¤. وهو اللي سيارته زحمة مو ناس لا ماخلى ثوب ولا شماغ ولا بدله ولا جزمه حتى الشراب إلآ ومركبها )الله يكرمكم( معه عشان يكون تبديل الملابس أسرع عند الإشارة حتى البطانية جايبه وماخذها معاه تعرفون الجو متقلب !! .¤. النوع التاسع .¤. وهو اللي معه ثلاث جوالات ومبطل عيونه ع الآخر وازارير الجوال حتتكسر من كثر مايضغط في الجوال داخل ع المسن والجوال الثاني ماسكه براسه ويكلم والجوال الثالث قاعد يراسل ربعه .¤. النوع العاشر .¤. يناظر قدام وهو يسوق ولا يسرعون إذا شاف الإشارة خضرااااااااااااااء، وإذا شاف ظلال يوقف عنده، وإذا شاف الإشارة برتقاليييييييية يهدي ويوقف ولا يتلفت لايمين ولا يسار ، ولا ينشغل في جواله اعترفو انتو اي نووووع |
وإذا خلص طفى السيارة علشان ينظف أذنه بالمفتاح، وشوي يقص أظافر يده وماتدري إلا وهو مرفع رجله ويقص أظافر رجله هاذا إذا كان معاه مقص أظافر وإلا ماعنده مشكله يقصها بأسنانه) قمة النظافة (!!
ههههههههههههه اما هذي صدقتى فيها خخخخخخخخخخخخخخ وع قمه الوساخه فديتك والله تابعي خلينا نجنن الشباب ونطلع فضايحهم كخخخخخخخخخخ ههههههههههههههههههههههههههههههه |
ههههههههههههههههههههه
حلووووووووووووووه بس فيه مبالغه شوي.. هههههههه يعطيك العافيه وماقصرتي.. |
أنا أجلس أتلفت يمين و يسار ...
(( الشرافه )) هوايتي المفضله هههههههههههه . |
انا لمني وقفت
اسولف مع السياره اللي بجمبي حتى لو اني مااعرفه >>>>>حسيت اني ملقوفه |
ههههههههههههههههههههههههههههههههههههه حلووووووووووووه
|
أخخخخخخخ:4_1_72[1](غط النقاب):4_1_72[1]خخخخخخخخخ
حووولووووهـ؛ اومير طلعت فضايحهم :4_16_1[1] يسسلموا على هالموزوع :c7::D |
اقتباس:
وفيه اللي يرتب اغراضه عند الاشاره هذا بيني وبينه تشابه :p |
انا من النوع الي ينغبر بالبلاك بيري .
|
هههههههههه انوع الراابع ابوي بس عااد ماايضرب بعقاال يبلش بالبزراان شوي
هههههههههه يعطيكككككككك العافية |
منوووووووووورين يالغوااالي
|
هههههه شاب فاضين احسنهم العاشر
|
ههههههههههههههههههههه
يسلمووووووووووووو |
عجزت أطلع أبوي وإخواني منهم
يمكن النوع الأول هو أقرب شي شووكرن إلك ,, |
هههههههههههههههههههه
ابوي تقريبا الرابع واخواني العاشر يصلمو |
| الساعة الآن 11:40 am. |
Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة