|
إحساس مادري وشووو جاني اليوم
السلام عليكم ....
صباحكم خييير .... بقول لكم تفكيري خخخ سؤال : هل مرور سنوات على الزواج تصبح الزوجة مملة وماتجذب زوجها .... حتى لو كانت جميلة فاتنة وتكون كأنها اخته بضرب لكم مثال - الحين لو أشتري أفخم وأحسن جوال راح أمل بعد فترة لو اشتريت قصر راح اطير من الفرحة وانهبل لكن بعد فترة بمل ويكون شي عادي هل الزوجة هكذا ؟ حتى لو كانت ملكة بالأخلاق والجمال والطبخ ووو بعد فترة يتسرب الملل ؟ وتملها نفس الزوج ؟ بتفكيرها بطباعها بشكلها بأسلوبها !! والا تفكيري غلط ؟؟؟ واذا صح ... هل انتظره يتزوج علي مثلا ؟؟ او ينظر لغيري ؟؟ أم ماهوو الحل بنظركم ؟؟ لاتقولون تتغير تكشخ ترقص تطبخ تودد حتى لو تسوووي كل ذولي رغم ذلك أعتقد يأتي الملل بعد سنوا ا ات الحين بتجي وحدة تقول: تراكم عطيتوهم أكبر من حجمهم ومدري إيش اقوولها ايوه لرضى أولا .. ومصلحتيييي ثانيا من بينفعني بالدنيا بعد الله الا هو من بيصرف علي ؟ يسافر فيني ؟ يدلعني ؟ يعفني ؟ يحبني .. الخ يعني لو خليته يقرب مني وحببته فيني أنا المستفييييدة أولا لاتنسوا ذكر الله .... واطرحوا آرائكم حول موضوعي |
شوفي بقلك شي وربي لو كانت ايش الحرمه من الجمال والسان الحللو وكل شيي الزلم لحط الثانيه براسه حطها
|
باختصار كل شي وله وقته = اضن كلامي جدا وااضح
|
اقتباس:
كلامك يحمل شي من الصحة بس مو المقصد الزواج بس ... حتى لو ماتزوج .. لكن فيه ملل مشكلة |
اقتباس:
أكيد منب طابخة له وهو متغدي بطعم مثلا ومانب لابسة له وهو مريض أو عندة مشكلة وضح اكثر لاهنت |
الفتور والملل شيء طبيعي
يعتري العلاقات ,, العمل ,, حتى العبادات احيانا ~ الله يتوب علينا ~ اعتقد انو افضل حل لـ تجنب هـ الامر هو عدم التركيز على شغله معينه اقصد ما تخلي زوجك او عملك هو محور اهتمامك وتطنشي باقي حياتك اعطي لـ كل شيء حقه رتبي اولوياتك ,, نظمي امورك راح تحبي كل شيء حولك وراح تكون حياتك افضل بـ اذن الله ,, |
اقتباس:
خيتي الرجال مو مثل الحرمه لمل يحط يده على خده ويسكت لا اكيد بيدورله حل بالزواج احسن حل كسر الروتين له او تكتشفين سبب الملل ايش هو |
اقتباس:
كلام منطقي جدااا واكيييد راح نركز بجميع الاهتمامات والهوايات وزيارة الأهل لكن اهتمامات البيت والزوج والأطفال راح تاخذ من اهتمام النساء 90 بالمية واذا لم يأخذ البيت من اهتمامها الكثير فستصبح مقصرة |
اقتباس:
تيييييب ماعلاج الملل والروتين لاستبعاد أي شي يحدث ... ؟؟ |
اقتباس:
الفتور والملل بعد مرور سنوات من الزواج موجود عند كلا الطرفين وطبيعي ... ان شيء تحصل عليه سيكون مهم أول شهر.. ويقل تدريجيا لكن هذا ينطبق على الاشياء المادية.. لكن الزواج علاجة اجتماعية ومحبة عاطفية والفتور سببه ضعف احد الطرفين بتقديم مشاعر للاخر والمشكلة في الزواج والتي تجعل الزوج يمل ويفتر قد لايكون للمراة دور فيها لكنها مع الاسف تمثل سبب كبير ومهم في نشوء الفتور الا وهم الابناء... حيث ان وجودهم ياخذ من وقت الام الشيء الكثير.. اضافة انهم كلما كبروا... قلت فترة الخصوصية واللقاء الحميمي بين الزوجين.. وهذا من شانه ان يجعل الزوج يبتعد ... وربما يبحث عن جو آخر يعوضه هذا الشيء.. اعلم ان المرأة ليس لها يد لكن المشاعر الداخلية عند الرجل.... وحاجاته تفرض عليه هذا الشيء والزوجة الفاهمة هي التي تلاحظ هذا الامر وترتب امور بيتها... ونوم اولادها في غرف خاصة.. وفي وقت يوفر لهما جلسة رومانسية ومع الاسف..... ان 90% من نساءنا لم ينتبهن لهذه المسالة واذا تزوج الزوج.... او سافر ... تبرأت من المسؤولية...!!!!! |
اقتباس:
مهممممة النقطة اللي ذكرت وفعلا المفروض كل واحدة تلاحض لكن هناك ملل خارج نقاط هالشييي حتى لو ماكان عندهم أطفال |
*على الزوجين من بداية زواجهما بان يدعوا الله بان يتمم عليهم المحبة ولا يُغير الاحوال عليهم
* على كلا الزوجين كل فترة يغيروا من طريقة لباسهما وشكليهما * ان لا يكبروا المشاكل التي تحصل بينهما لان كثرة المشاكل تكره الواحد بالاخر * وجود اطفال بينهم يلهيهم ويبعد عنهم الملل * بان لا يكثروا الجلوس بالبيت 0 الجلوس دائم بالبيت مُمل كل يومين يخرجوا ليغيروا الروتين 0 يروحون للاسواق او المنتزهات عاد الزوجة مهوب لازم اذا راحت لسوق لازم تشتري ثم زوجها تحوم كبده من الاسواق لا تروح تتمشى وتتفرج هذه النقاط اعملها الان وانا حديث الزواج حتى لا نمل من بعضنا وان شاء الله ينحني ظهري من المشيب وانا احوس وادوس بالاسواق اخاف اذا كبرت امل من التمشي والروحات والجيات http://smilles.5d5l.com/smile_albums/fun/152.png |
وفيه نقطة نسيت اضيفها
من المفترض كل ثلاث شهور ان يكون هناك اجازة زوجية يعني كل ثلاث اشهر تذهب الزوجة لبيت اهلها لمدة اسبوع او حولها وهو يذهب اما لاهله او يسافر او اي شيء الاهم يبتعدوا لمدة قليلة حتى يشتاقوا لبعض |
اقتباس:
اجل يبتعدوا عن بعض لمده قليله تلقى الناس اللي حولك يقولون وراهم متزاعلين او زوجها معطيها بوقس وهاجه لبيت اهلها هههههههههه |
اقتباس:
اولاً: انت وخشمك كبر خطك لا تحسبنا مثلك درابيل نشوف من مسافة 10 ميل ثانياً: وخل الناس تقرق لمين تمل انا وش علي يعني اذا قالوا وتكلموا بيصير كلامهم صحيح دامني انا وزوجتي متفقين وش علي من الناس والشاعر الامريكي يقول وش علي من الناس وش على الناس مني دردن درن دردن |
| الساعة الآن 11:05 pm. |
Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة