منتدى بريدة - تـعـال يااللي فـي غيـابـك تشيّخت

تـعـال يااللي فـي غيـابـك تشيّخت

على الهوى والشيخ قيس اعتمدها

اغلـيـك مهما في غيابـك توّبخت

ما انساك لين الروح يأتي وعدها

ياما من اجلك يامنى الروح نوّخت

قـيـفان مـاظـنـيت يـنـفـذ مـددهـا

عـزفـت مـالا تعـزفه فـرقـة التخـت

وابكـيت نـاس ٍ رغـم شـدة حـسدها

غيري توسد ريش من طائر الرخت

يـمسي وعيـنه ما شكى من سهـدها

وانا تـوسـدت العناء لـين مخمخت

ذلـيت نـفـسي لأجل ادوّر سعـدها

كانت لي الضيقه من اول كما الأخت

والـيـوم كـني راضـع ٍ مـن نـهـدهـا

طـوتـني الاحـزان مـن قـلة البخـت

الـيـن دقـت فـي خـفـوقـي؛؛ وتـدهـا

حزني عليك اشد من حزن أياذخت

يوم اطرحت في اليّم موسى ولدها