منتدى بريدة - تعالي ننهي الماضي... ويكفينا نكون اخوان

صــبآآآح\\ مســآآء الخـــير

حبــيت انقـل لكم قصــيده..

قــريتهــآآ واعجبـتني مرهـ ..

وعن جد مؤثــره انا تـأثرت لدرجة اني بغيت اصــيح ..

عــآآلعموم ان شــآآء الله تعجبـكم ..

اخليكم مع القـــصيده ..

/////
/////

وتاليها مع قلبك؟ انا ناقص وجع وجدان!!
دخيلك فضي السيره... تعبت انزف معاناتي
تعالي ننهي الماضي ... ويكفينا نكون اخوان
ابطوي صفحة العاشق... واعيد احسب حساباتي
انا المذنب وانا المخطي وانا الاااااسف وانا الغلطان
وليتك يا الزمن ترجع ... واكفر عن خطيئاتي
وانا الجاني وانا المجرم وانا الغادر وانا الخوان
وانا اكبر غبي شافك حديقه في مساحاتي
ما عاد اقوى على الظلمه ولا اقدر على الكتمان
احس انك خنقتيني !! وجت ساعة نهاياتي
يا وجه الله يا وجه الله .... يا وجه الله بشر!! انسان!!
على بالك حجر جامد ؟؟ ...... اجل وشهي كتاباتي؟
نسيتي ساعة اللقيا ؟ نسيتي لمة الاحضان!
نسيتي وشكثر كنتي ... تموتي في لقاءاتي !
نسيتي دفتر اشعاري... نسيتي اعذب القيفان !
نسيتي كل قلم يكتب ... قصايد من عذاباتي !
نسيتي من رفع قدرك ... وخلى لك مكان وشان !
وعزيتك وعليتك .... على كل الاميراتي !
تغيرتي ولاعدتي ... مثل اول زهر عطشان
وحناني للأسف كنه ... بقايا من خرافاتي
تكبرتي ..تجبرتي ... وصارت شوفتك سلطان
وانا اهبل على النيه ... ما غير ارسل جواباتي
اقول بخاطري يمكن ... تغير عندها العنوان
يا شيخ اسكت متى تفهم! صحيح اني وهم ذاتي
حسبتك مني وفيني ... واهمك لو اجي فرحان
ولكن شفتك بعيني... تصدين ابتساماتي
حسبتك تفتحي قلبك ... اذا كان الغلا زعلان
ولكن ما كذب خدي ... وهو يشهد بكاءاتي !
فراقك اصبح الغايه... ولاني عالهجر ندمان
قراري بالبعد عنك... ترى اسهل قراراتي
وداع الذل يا ذلي... وداع الموت والأكفان
عطيتك قلبي وروحي ... ولا صنتي اماناتي
وش الحيله اذا فكر... قتيلك يهجر الأوطان
طلبتك زيدي الطعنه... ابي اشعر بنوباتي
وعلى شاني اذا باقي ... بداخل حضرتك ايمان
ابيها من ورى ظهري .... وانا اتلو صلاواتي
وخنجر طعنتك يصرخ ... ضحيه من بني الإنسان
وانا اخر حكي عندي ... فمان الله يا طعناتي
يا من تقدر تعوضني ... عن الضيقه وعن الاحزان
بشرط اني انا الكوكب وهي ابعد مجراتي
يا من تقدر تخليني .... كبير اعظم ملوك الجان
لجل يصعب تحضرني ... قبل تطلب قريناتي
سجى مولخ شرو سادو ... وزنديب الجدي طوسان
طلاسم وحدها تعرف.... نسيمي من عجاجاتي
سمعتوا من قبل عنها ... سمعتوا معشر النسوان؟
بعيده للأسف عنكم ... مثل قلبي ودقاتي
نبيله..ساميه..عليا.. فضيله ..سوسن ... وأشجان
اسامي تحيي الميت ... ولكن اهلها امواتي
يجوني في صور شتا .... ومعظمها صور غربان
وانا عذري مثل ماهو .... صديقاتي ... صديقاتي
خلاص بذمتي والله ... ما عاد ارجع الى الادمان
عرفت ان الغدر انثى ..... وانا اجمع علاماتي
صفر طيبي.. صفر صدقي ... صفر حتى مع التحنان
صفر شعري .... وأقلامي ... وممحاتي ومبراتي
صفر ليلي... صفر ويلي .. صفر خافق نطر سهران
صفر دمعي ... صفر شمعي ... صفر بوحي ونبراتي
صفر شوقي.. صفر عشقي ... صفر مغرم.. صفر ولهان
صفر وجدي .. صفر شهدي .. صفر نوحي وزفراتي
بعد كل العمر هذا ... عرفت اني انا الكسلان
حسافه جتني متاخر ... مراحل اكتشافاتي
لكن ما اقول الا ... خذوني بعد قربان
حقيقه مالها معنى .... اسولف عن حكاياتي
فمان الله ... فمان الله ... فمان الله انا ذبلان
وحسافه تنوجد عذرا تشوف احرف معاناتي
قصيدي لا تواخذني ... مسيري ابعد الشيطان
يكفي اذكر اسم الله ... وجنب عن تفاهاتي

/////
/////

طولت علــيكم..

المهم اتمنـى انها تعــجبكم ..

اختكم
وحيــ بدنيتي ـــدة:for12::a5: