|
حصريا وعلى قناة السمنسي .. إن النساء رياحين خلقن لنا
بسم الله الرحمن الرحيم وظلم ذوي القربى اشد مضاضة *** على المرء من وقع الحسام المهند يقولون مجتمعنا ذكوري لم اكن اصدق الا عندما دخل عثمان ابو كرشة للاستراحة ما ادري عثمان هذا صاير مجموعة انسان على قولة ابو نورة الله يمسية بخير فيه كل البلاء والجلا صاير مرة سمنسي ومرة صعلوك ومرة راكبته ام العيال ومرة كالحجارة او اشد قسوة تبطح امامي وكرشتة ترج وقال : اليوم طقيت جيب 2009 من وين ياعسمان افندي النعمة ؟ قال : من الخبلة ام العيال وهي واثقة فيك وانت ماتستاهل يوم تشتري لك الجيب ؟ قال : اتوطى في بطنها لو ترفع عينها بعيني تعطيني وهي حمارة مقطع بسيط من واقع عثمان افندي وشاكلته كثيرة في مجتمعنا عموما العتب هنا ليس على الرجل فضعف المرأة هو من يصنع قسوة الرجل وظلمه وجبروته لنضرب الامثلة ونكون بالواقع معلمات وموظفات يستلمن رواتب مجزية وتسألهن عن رواتبهن لايعرفن كم مقداره لماذا ؟ الزوج الصايع ماخذ بطاقة صرافتها ولاتستلم منه ولاريال فقط هي مجرد عاملة لديه رجل قاسي بتعامله مع زوجته يتزوج باخرى فرفورة او شامية تركب على راسه وتصكه بالطاولة على كشتره اسد علي وفي الحروب نعامة البلاء ليس في الرجل وانما في دلاخة وغباء الزوجة الاولى فكيفك تسمح بطيبتها ودلاختها ان تكون ضعيفة امام زوجها وتترك الحبل على الغارب لتك الفرفورة او الشامية الاحداث كثيرة ونموذج واحد فقط من عينات المجتمع يحكي هذا المعلمات او الموظفات نموذج منهن متخلفات ربما عقليا ايضا دائما اقول الوظيفة امان للمرأة من هذا المجتمع الذكوري وعدم توظفها يجعلها ربما عالة على المجتمع يوما ماء او عالة على اهلها استغرب من موظفات لايعلمن كم رواتبهن وازواجهن يعبثون بمشاعرهن ويسومونهن سوء العذاب وبالاخير يأكلون عرق جبينها حتى ان احدهم بنى فلة من راتب زوجته ووضعها باسمه ولما انتهت طق عليها شامية وطلقها الملعون اخرى زوجها تزوج عليها وبنى لتلك بيتا من راتب زوجته المغفلة الغبية التي لاتعلم اين يذهب راتبها انني من هنا ادعو الى توعية المرأة بحقوقها الاجتماعية فهي مظلومة مقهورة جفاف عاطفي سلب حقوق اهانة متكررة وبالاخير يقول : ماينفع معهن الا العين الحمراء تف على هيك شنبات السمنسي كالعادة يدعوكم لزيارة متصفحة وتشريفة دمتم بود |
اعجبني العنوان وقلت يابنت خليك الاوله بالدخول
البنت مننا تحب تحافظ على بيتها مثل ماتحافظ على نفسها وعندها ثقة بالي حولها مو مثل الرجل همه نفسه |
[align=center][align=center]كعادتك سمنسي مواضيع رائعه وانتقاء مميز .. ولكن هذه المره لصالح حواء ..
كلام واقعي ولا غبار عليه حقا المرأه هي من تصنع قسوة الرجل بدليل تغير طباع كثير من الازواج مع الزوجه الثانيه .. فبعد ان كان متوحش كاسر شرس مع ام العيال اصبح حمل وديع مع الفرفوره على قولتك ... أيها الكهل الحكيم ... تقبل تحياتي ..[/align][/align] |
المشكلة ياحلو إن الامور مهوب على الي هي تبي .. أول شي المراءه تبي تحافظ على بيته .. وعلى عياله .. وتبي تحافظ على رجله التيس .. والمشكلة الثانيه انه ماتقدر تنسحب من الرجّال .. لان الوضعع زي ما أنت تشوف .. العنوسه زايدة .. ولو فكرة تقول أبتركه من يبي يتزوجهـا ؟ وحتى لو ماتزوجه أحد .. من يبي يرححمه من نظرة المجتمع السيئه للمراءة المطلقه ؟ ياخي متناقضات ما انزل الله بها من سلطان .. وإذا أنعدمت المروءه إنعدمت الرجولة .. بارك الله فيك يابوسمنسي .. |
الى الحين حي عثمان عسى كرشتو تنفقع:e8: انقهر لمااسمع مثل هالكلام متى يعرفون ان المرأه كأن ضعيف لاحول له ولاقوه مانقولك خله عاد تجركـ بسلسله بس خلك بين وبين كل شي بالدني شد وجذب خير االامور اوسطها رحمت شغاله جايه للسعوديه تكرف ليل نهار عشان عياله وابو الشباب وترسل راتبه كل شهر لهم وفي االاخير تزوج عليه قليل الخاتمه :confused: تقوم الفجر وتنظف وتنذل وفي االاخير ينحرق قلبه الله يكون بعون بنات حواء :( ياالله حياتها محكومه بيد رجل بيده يسعدها اذا هو رجال بجد وبيده يقهرها ويضيق حياتها لله دركن ياامهات . حبيبي كم رقم جيب عثمان خل احدو اخليه يدخل بماصوره هاللي مايستحي :e9: |
تف على هيك شنبات......
بصراحه هذي لحالها موضوع.... |
قناتك هذي يالشايب يبي ينهبلن عليها الحريم ,,
بيقابلنها 24 ساعه ,, بس عسى فيها شريط التشات ,, تراهن يحبن التشكي على بعض ,, قناة السمنسي ضربت قنوات المجد ,, على قولة ابوي الله يحفظة ,, اي شي يدخل فيه حريم ناجح 100% ,, انصحك تشتري ايمان بنورة من الجزيرة ترى يمدحونها ,, ( ياربية أي موضوع فيه عثمان ابو كرشة أشمئز منه ) بس ابي اعرف يالشايب ,, منهو اللي راكبن الثاني .. عثمان راكبن الجيب ولا الجيب اللي راكبه خخخ ,, اقتباس:
|
سمنسي المشكله تهون عند اللي يأخذ فلوس زوجته ويتزوج عليها بفلوسها !!
|
الله يهني سعيد بسعيده!
مير عطن رقم سعيد اخليه يعطيك دوره بالجيب قبل ما تخرب علينا سعيده! الا صدق السمنسي غير! وش هنا؟ |
مرحبــاا..
عــن جد شــي يضيــق الصــدر ,, والله وانقلــبت الدعــوه صارت الحرمــه هي اللي تصرف على الرجــل... وبعديــن لو عطتــه من راتبهــا {{ تكرَم منهــا }}.. بكــل بســاطـه تقدر تقول (( لا )).. بس مثل ماقلت لــك احترام لــه .. بس مافــي أحـد يقَـدر .. يعنيــي تشتغــل وتتعب تجي تاخذ الفلووس ليــه ... صــح تعطيــه مساعده لو أحتاااج اما أنــه ياخذه كذا على طول .. وهــي ماتدري كــم ولاتدري وش يســوي فيهم {{ لا }}.. كـل شي وياقف عنـد حــدود ,, ولابــعد ياليتـــه يقول كلام حــلو . المشكـله ملقبها {{ الخبـــله }},, والله الانسان الطيب صــار خبـــل .. بس ياللــه مااقــول الا اللــه يهديهـــــــم () وياقلـــــــــبي لاتحـــزن () تقبلنــــــي :: {} الأسيــــ بنت ــــاد {} |
قال معاوية رضي الله عنه في النساء ( يغلبن الكرام ، ويغلبهن اللئام )
ما أعظم تلك المقولة التي بينت أصل التعامل بين الرجل والمرأة أما الحديث الذي استغربته و لأول مرة أسمعه في حياتي هو ما رواه النسائي في الكبرى عن رسول الله صلى الله عليه وسلم : ( إني أحرج بحق الضعيفين المرأة واليتيم ) ومعنى الحديث أن رسول الله صلى الله عليه وسلم يلقي الحرج بالإثم على من أساء معاملة الضعيفين المرأة واليتيم .... فاتقوا الله أيها الرجال في مولياتكم فإنهن أسيرات عندكم ...... المرأة ليست ضعيفة لدرجة الغباء لكنها تضحي من اجل ابنأها من اجل زوجها الذي تحبه رغم قسوته تضحي كي لاتكون عالة على المجتمع تضحي كي لا تحمل لقب مطلقة .... واتوقع سبب الظلم الواقع على المراة هو التربية .... اذا تربى الولد انه هو المطاع دائما وانه لو اخطاء مافيه احد يحاسبه وانه هو السيد دائما ..وانه اذا تزوج يحق له ان يفعل مايشاء فكيف سيحترم انسانه ويقدرها يوما ما .. وحتى تربية البنت .... من صغرها تتعلم زوجك ماتردين عليه زوجك ابو اولادك لا تفشليننا عند الناس .....الخ وبالنهايه الاسرة الزوج ذئب متمرد والزوجة حمل وديع ...... ليس لها حل الا الدعــــــــــــــــــــــــــــــــــــــــــــــ ــــــاء وتقبل مروري ..... |
عثمآن هذآ كيف تجلس معآهـ مالت عليهـ
واللهـ إنهـ مو رجآل وظلم يكون إسمهـ عثمآن .. المهم نرجع لأسآس الموضوع يآ أستآذي أمثآل هؤلآء النسآء يعتبر هذآ هو الحل لديهم ( يوم يعطون أزوآجهم روآتبهم ) هنآ الزوجهـ تريد أن تحآفظ على أبنآءهآ من الشتآت ، لأنهـ مآتزوجهآ إلآ عشآن فلوسهآ ولو عآندت ومآ أعطتيهـ كآن طلقهآ وضآعوآ عيآلهآ .. أصلآً الرجآل النشمي ألي يعرف الأصول ، لوصآر مآصآر مآيآخذ من فلوس حرمهـ ولآ يطلب إلآ إذآ تكرمة عليهـ لأنهآ مآهي ملزومهـ بهـ إنت تدري إن بعض الأبآء مآيزوجون بنآتهم الموظفآت عشآن يتصرفون هم الأبآء بروآتب بنآتهم .. بالنهآيهـ مأؤيد الوظيفهـ للمرأه المتزوجهـ ونصيحتي للموظفهـ يكون شرطهآ قبل الزوآج / الرآتب مآيتدخل فيهـ الزوج أبدآً شكرآً لك أستآذنآ / السمنسي |
استغرب من الرجل اللي يفتخر امام اصحابه انو اخذ فلوس حرمته ام عياله ترى هذه مو رجولة هذه ضعافه و قلة ادب لو كان وراها رجال ما قدر يأخذ منها ريال واحد
و بعدين ليه المرأة من اساسه تثق بالرجل و تعطيه بطاقة الصراف من اولها ما اسمح له ترى في البدايه بطيب و بعدين اجباري الشغله ترى الرجال طماعيييييييين و خائنيييييييييين ينسون المعروف و ما عليهم امان و الذكية من تتعظ بغيرها |
الي فهمت من موضوعك ان المره هي الي تصرف على رجله
تصدق عاد واحد جاي يخطب وخطبت له امهـ مدرسه المهم البنت وافقت وقالو لاهلى الرجل .. عاد ام الرجل دقت عليهم بتتاكد من شي والي هو البنت مدرسه على بند اورسمي .. لو انا ام البنت كان قل خلي اوليدك عندك وبنيتي عندي بجد ارجال الوقت ولا بريال الا البعض .. بس انا انصح البنات اذ ماجاك الكفو لا تتزوجين اي شي علشان ماتصيرين عانس |
صباح الخيرات...
موضوع لانهايه له بين آدم وحوواء حواء لاحول لها ولاقوه...شاده الظهر بالرجل والقهر اذا طلع الرجل ماعنده ذرة كرامه يمد ايده للحرمه... هي تبي من يساعدها مو من يزيدهااا لكن... الله يخلف عليهم.... وعسى الله لايورينا هالصنف من الرجال بحياتنا... وتقبل فائق التحايا (الشووووق)) |
| الساعة الآن 10:27 am. |
Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة