|
السلام عليكم ورحمة الله وبركاته .
عقدنا العزم ، السفر إلى صلالة ، وهي أول سفره خارجية ، وقبل السفره بيوم طقطقنا الجوازات و وخلصنا منها . طبعاً الجوازات للي آول مره يطلع جواز ، صورتين شخصيه الخلفية بيضاء ، وصوره للهوية الوطنية ، بشرط ما تكون قديمه ، تكون متعدي ٢١ سنه :) ، تروح للجوازات ، بس رح بدري ، لإن وراك رصه يحبها قبلك. وبس :)، هذا بالنسبة للجوازات . عدد آفراد الرحلة ، سبع اشخاص . القطيه ، كل واحد ١٢٠٠ فقط لاغير ، مع العلم طريقتنا ، كل شئ على الميزانية ، كل شئ ، وعند كل محطه لازم نهجم على السوبر ماركت ، والله يعز القطيه :) . المهم نبدأ مشوار الرحلة . تم الانطلاق يوم الاثنين ، من بريدة إلى الرياض ، ومن الرياض إلى الخرج ، ومن الخرج إلى منفذ بطحاء ، حتى الآن المسافة الي قطعناها قرابة ٨٣٠ كيلو . بعد المبيت ، بمنفذ بطحاء ، تم دخول دولة الإمارات صباحاً ، ومن المنفذ حتى المخرج الذ يذهب بك إلى مدينة العين وهو قبل ابوظبي بـ٤٠ كيلو على ماآظن . المهم ، من مدينة العين ، وبعد تناول طعام الغداء :) ، تم التوجه إلى منفذ مزيد ، وهذه معلومه للمستجدين مثلنا ، عمان لها منفذين على العين ، منفذ يمر بك على مسقط قبل صلالة ، وطريق يوديك سيدا إلى صلالة ، طبعاً الفرق ٤٠٠ كيلو ، مهي هوينه ابد ، خصوصاً في حالتنا ، ودك توصل بسرعه مال من طول الطريق . طبعاً ، من دخلنا الإمارات قطعنا ، ٤٥٠ كيلو على ما آظن . المهم ، مالكم بكثر الهرج >> لا ياشيخ وكلهذا وشسمه :) . دخلنا عمان ، ومن ثم من عند عبري يمين ، إياني وإياك تطول ، ترا بيفرق عليك ٢٥٠ كيلو . طبعاً مسافة الطريق ، من المنفذ إلى صلالة ١٠٤٦ تقريباً . وصلنا صلالة بعد طلعة الروح ، تخيل لما يقابلك الخيال لدرجة ما تقدر تشوف الي قدامك ، بكل تأكيد بتنسى كل تعب الطريق . دخلنا صلالة ، وبعد جهد وجهيد ، تحصلنا على شقه وثفه ، غرفتين ودورتين مياه ومطبخ وسطح سعنون . اخذناها ٢٨ ريال فقط لاغير ، هههههه ، بس ترا ريالهم عن عشره من ريالاتنا . ادري ، تقولون متى يخلص ، ويورينا الصوره ههه ، بس ترا جاكم الفرج :) . برنامج اليوم الأول : عين جرزيز ، جبال آتين ، مركز البلدية الترفيهي . تنويه ، بصراحه ما جا في بالي أني بنزل تقرير عن الرحلة ، لذى آغلب الصور فيها الشباب ، لذى اعتذر عن قلة الصور ، لكن بإذن الله تكون معبره وكافيه . وصولنا لعين جرزيز .. طبعاً العين جافه ولا فيها مويه ، لكن شكلها وتجويفها حلو ، والناس زحمه . http://mltga-com.com/hul/%20078.JPG منطقة جبال آتين .. منطقه حلوه بس خذ احتياطك وحط عشر فرشات تحتك :) ، علشان ما ترطش ثيابك . http://mltga-com.com/hul/%20091.JPG http://mltga-com.com/hul/slh%20099.JPG http://mltga-com.com/hul/106.JPG زيارة مركز البلدية الترفيهي .. فيه عروض ، فيه مسرحيات ، فيه مسابقات ، رقصات شعبية :) ، وملاهي وآلعاب ، محلات ، شركات الاتصالات ، فيه الي تبي . البرنامج الثاني .. شاطئ المغسيل والنافورات المائية . طبعاً اليوم الثاني توجهنا إلى شاطئ المغسيل ، يبعد ٤٠ كيلو عن صلالة . http://mltga-com.com/qwr/slh%20087.JPG http://mltga-com.com/qwr/slh%20023.JPG الآمواج الموحشة ، التي يتميز بها بحر العرب في فترة الخريف . http://mltga-com.com/qwr/slh%20032.JPG النافورات الطبيعية ، تحدث بفعل الآمواج ، بعد أن آحدثت فتحات في وسط الجبل . http://mltga-com.com/qwr/slh%20041.JPG طبعاً ، بما آننا من بريده ، وبما آنهم قالو أن البحر لا يمكن السباحه فيه ، لرتفاع الامواج وكثرتها ، سبحنا وعينا خير ، بس فعلاً السباحة خطيره ، واثار الجروح لازالت في جسدي ، بفعل الآمواج القوية والآحجار الحادة . بس ، فعلاً ، اسباحه ولا آحلا ، الي يعرف يسبح زين ، لا يروح لصلالة وتفوته السباحة با الامواج ، شئ ثاني . بصراحة تعبت ، باقي كم صوره وهمق كثير :) . آنا مقتنع اقتناع تام ، أن موضوعي لا يرتقي إلى المواضيع الآخره ، والسبب قلة الصور لإن آغلب الصور الشباب ماكلين عليكم الجو . بس حبيت ، يكون موضوعي مرجع بسيط من ضمن المراجع ، إذا نوى الواحد يروح لصلالة . لذى ما راح اخلي صغيره ولا كبيره إلا كتبت عنها . لنا عودة ، لتكملة البقية ، بس مو الحين :) . عودنا والعود آحمد ... البرنامج الثاني : عين وجبال صنحلوت , ومنطقة جبال دربات . توجهنا , إلى منطقة جبال حمرير , لكن بما أن جبال حمرير هي واجهة مدينة صلالة , ومن خلالها يفد إليها الزوار , وآعمال الطريق قائمة , لم نستطع مواصلة الطريق, فتم التوجه إلى عين وكهوف صنحلوت > ماني متأكد من الأسم :) . وصولنا للعين , بس للآسف العين , لا يوجد فيها ماء , لكن يوجد فيها مستنقع , وبعد تراه مشبي :) , تفضول الصور ... http://mltga-com.com/bhu/cclo%20028.JPG http://mltga-com.com/bhu/cclo%20014.JPG الطريق إلى قمة جبل صنحلوت أو في رواية صحلنوت .. http://mltga-com.com/bhu/cclo%20037.JPG لحظة الوصول إلى آعالي الجبال ... فيه ضريح آحد الآولياء كما يقولون بس ترانا , ما دخلناه , مع أن فيه آحد الشباب اقترح نسير عليه , بس ماطعتنا قلوبنا , عسى الله يثبتنا ... http://mltga-com.com/bhu/cclo%20061.JPG الشباب وقت إحتسا :) القهوة ولا يهون الشاهي .. http://mltga-com.com/bhu/cclo%20066.JPG يسمع بالآخراج ... http://mltga-com.com/bhu/cclo%20068.JPG حان وقت الرحيل .. http://mltga-com.com/bhu/%20105.JPG التوجه إلى منطقة جبال دربات ... تبعد عن صلالة قرابة 50 كيلو . نعاني آشد المعانات من البقر السائبه آجلكم الله .. http://mltga-com.com/bhu/cclo%20149.JPG http://mltga-com.com/bhu/cclo%20150.JPG http://mltga-com.com/bhu/cclo%20184.JPG والشباب يقومون , بعمل طعام الإفطار .. http://mltga-com.com/bhu/cclo%20117.JPG ^^ رمز الاصالة , بكل تأكيد .. قامت آحد البقر السائبة , بمداهمة الموقع ... http://mltga-com.com/bhu/cldbe%20164.JPG طبعاً جلسنا في منطقة الجبل , حتى اظلمت العين , وصوت الكاتم يسمعه القاصي والداني , وفجأه وبدون مقدمات , تحول الجبل إلى منطقة ميتة لا يوجد بها آثر للحياة , آلتفت يمين يسار ما حولك آحد , الناس تنزل الجبل مع المغرب وفعلاً لاحظنا هذا في آغلب المناطق , فقط بجوارنا ناس من ksa , المراد فجأه شفناهم يحملون عفشهم , وحنا نتحرى المعزب ينتسب , وما قعدنا على الصحن , إلا ويجي لما واحد منهم يقول قبل شوي سمعنا ذيب قريب من هالمنطقه , بصراحه انا سامع هالصوت بس قلت يزولي , وطلع حدى الشباب مثلي سامع الصوت , قم بلا عشا بلا بطيخ , العمر يا شامان , ظف قشك وعزبك واركب السيارة . وعدنا لشقة سالمين غانمين , لم يمسسنا سوء :) , وتعشيت كيك جالكسي :) . بعض المعلومات .. لا يهون عليك القارمن , وربي مرتاحين راحه مو طبيعيه , لو بدونه كان للحين ضايعين بصلاله هههه .. العمله عندهم , الريال , وهو يساوي عشر ريالات عندنا , وريالهم مئة بيسة . بصراحه , صلالة متخلفة جداً من ناحية الشقق والفنادق , متخلفه إلى ابعد درجه . البنزين عندهم , اللتر بريال وسبعني هلله , وهذا الممتاز , العادي ما ادري عنه . بالنسبة , لمدمنين الانترنت مثلي , هناك مافي آمل تحصل شقق موفره خدمة الانترنت , الحل تشتري شريحة النورس بريالين :) , وعندهم باقه 1 قيقا خلال يوم واحد , ريال واحد , حلوه مره . جو صلاله معتدل , يعني , لاتاخذ احتياط ملابس شتويه . بالنسبه للبعوض , ما راح تلقى بعوض كبر اليد مثل ما تقول الناس , النامس عندهم , حيل صغير , وصدقني ما راح تحس به إلا إذا جيت لبريده ههههه . ضروري تاخذ معك فرشه بلاستيك , لإن الأرض عندهم خلقه مبلله . لا يهون عليك المكوى , مغاسله شغل عليميه , ولا آحد يودي ثوب يكوى , يجاب من المغسله مطرق مثل الملابس الداخليه ههههههه , مت ضحك على واحد من الشباب . باقي بعض الصور , والقليل من الهمق :) . بس الحين تعبت . |
[align=center]حيااك ابو طارق
ايه انت مثلنا هالسنه بصلاله وه والله ياهي وناسه اصبر ابنزل لك صوره (لتضمين الرحله :) http://up.arab-x.com/Aug10/XmA08716.jpg[/align] |
[align=center]بالفعل جبال لاتوصف جمال وخضره رائعه من عين جرزيز الى عين اثوم
الى الجاذبيه الرائعه :)> ربما هي ليست بالشهره الكافيه جلسنا بها حوالي 13 يوم مرت وكأنها يوم واحد مشهد آخر من هناك http://up.arab-x.com/Aug10/O6A09242.jpg[/align] |
وعليكم السلام والرحمة ..! الحمد لله ع سلامتكم ..!http://www.buraydh.com/forum/images/icons/icon10.gif
ايييه يآآ صلالة قبل سنتين رايحة لهآ < بشري الوالدة http://www.buraydh.com/forum/images/icons/icon11.gif../ مدينة حلوة ونظيفة واجمل مافيها عين دربات خضآآر والرذاذ يرد الروحhttp://www.buraydh.com/forum/images/icons/icon10.gif .. وكم سنة راح نلقاه ساحبة البساط من ابهآآ ..! بس ينقصها التطور العمراني ..!!http://www.buraydh.com/forum/images/icons/icon11.gif تقرير حلو بالعكس ويكفي كتابتك لمعلومات الطريق .. كثير من اللي يسافرون تصير اسئلتهم حول الطريق وكم كيلو ومدري وش بعد .. وبخصوص الصور طيب غط وجيه خوياك ونزلهن وصلى الله وبارك ..!http://www.buraydh.com/forum/images/icons/icon10.gif و بانتظار بقية التقريرhttp://www.buraydh.com/forum/images/icons/icon10.gif .. |
اقتباس:
الله يحييك ، فعلاً اكثر من سبع آيام ، مرت كأنها يوم . عندي صور ، لمنطقة جبال دربات شبيهه بالصوره الي في ردك . |
اقتباس:
عندهم ، الكوي عندهم ، بمكوى عادي ، والله ياهي قلق ، لا وبعد من الشين، عادي يقولك استلم ثيابك بعد يومين . منطقة جبال دربات ، شي ثاني ، رحنا لمها متأخرين ، وما امدنا نتهنى فيها ، فأصرينا نرجع لها من بكري نفطر فيها . إن شاء الله الليله ، نرفع الصور ونزل بقية التقرير . |
صور رائعه
لكن بأنتظار باقي الصور |
صور رائعهـــ
ومناظر جميلهــ يعطيكـــ العافيهــــ تقبلــــت مروريــــــ |
** وعليك السلام والرحمه ’,. أهلا وسهلا بك أخي أبو طارق ’,. الحمدلله على سلامتكم ’,. تقرير حلو عن هذه المدينه الجميله رُغم نقص الخدمات فيها ’,. فسبحان الله خضرتها والضباب الدائم فيها جاذب للسياح ’,. فما أدري ليش قل الإهتمام http://www.buraydh.com/forum/images/icons/icon8.gif ’,. => شطّحت ماشاء الله ماخلّيت شيء ماذكرته بالتقرير http://www.buraydh.com/forum/images/icons/icon11.gif بالتوفيق لك أخي ’,. وبإنتظار المتبّقي من التقرير ’,. يعطيك العافيه ’,. . |
اقتباس:
اقتباس:
الله يعافيك .. |
اقتباس:
كلامك صحيح , الخدمات بالمدينه زيرو , لدرجة الدجاج المبرد ما تحصله إلا عند اكبر هايبر عنده >> صدق كلن على همه سرى :) . بإذن الله ننتهي من الموضوع خلال يوم . لو حصل بعد ما انتهي , تدمج الردود مع الموضوع الاصلي . وبعد لو يحصل , تشوفن لي حل لإني تحسفت يوم نزلت الصور حجمها صغير . لو قدرت اعدل على الموضوع نور على نور , لكن لو تبون احط روابط لصور بعد التكبير وانتم تعدلون على الموضوع آكون لكم شاكر . |
http://store2.up-00.com/Aug10/q6U44149.jpg
ياتسبديه يخوف دخلتوه وش بوسطه <<مايهناه لازم تشرف :c7: http://store2.up-00.com/Aug10/ZqG44149.jpg وش عندكم ماشاء الله تدورون فقع :4_1_107[1 احس مخترشين اكيد ضايع لكم شي وش ضايعلكم ؟ http://store2.up-00.com/Aug10/RaQ44149.jpg ولو جزوم خويك لاتقول بيذبحه ههههههه تناظركم البقره ولا على باله الصراحه طبيعه ماشاء الله وتصوير اروع الله يهديك اسردهن ورا بعض شوقتنا <<ماتصبر ابد في انتظار البقيه |
وعليكم السلام والرحمه الحمدلله على سلامتكم : ) ماشاء الله تقرير حلو ومرتب .. طبيعه خلابه ترد الروح .. بس مشكلة صلاله مافيها خدمات ولا شي : ( وعندهم هالطين اللي يدفن رجليك دفن http://www.buraydh.com/forum/images/icons/icon10.gif تروح وتزلج هناك وتنبعج وتجي http://www.buraydh.com/forum/images/icons/icon10.gif < ترى ماانبعج لنا أحد خخ بس صح عندهم هالخضار يالله من فضلك والرذاذ اللي كل النهار يذر ذر يالله نعيم الجنه : ) وهالضباب اللي ماتشوف يدك منه < تحب التبهير http://www.buraydh.com/forum/images/icons/icon10.gif يعطيك العافيه بو طارق : ) تقرير ممتع والله .. |
** عودة رائعه وممتعه وصور رائعة في هذه الطبيعة الخلّابة ’,. أسلوبك الطريف في عرض المعلومات أعطى التقرير جو آخر ’,. يعطيك العافيه ’,. .. اقتباس:
نعم أرسل الروابط وبإذن الله المشرف يضيفها للموضوع الأصلي ’,. شكرًا لك ’,. |
ياهلا بك ابوطارق |
| الساعة الآن 03:31 am. |
Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة