نداء الي أدارة الكليات...

[عاشقة نجد]

من الملاحظ في الاونه الاخيره قدم المباني الدراسيه وخصوصا والحديث هنا

عن كلية التربيه في بريده أنها قاربت علي الانهيار ومع ذالك ما زال المسؤلون

يصرون على الترميم الا تهمكم حيات الطالبات أين المسؤولون عن ذالك.

[ابوتركي]

الأخت عاشقة نجد

بعد التحية والأحترام

ملاحظة يجب ان تكون محل أهتمام

وهذا الموضوع يجب ان يكون تحت نظر المسؤلين

واشكر لك هذا التفاعل وإلى الأمام أختي الكريمة

ابو تركي

[العنود]

لا وتصدقين يا العاشقه أن الدرج بدا يتكسر تحت رجلين البنات

ما بقى الا السقف يطيح فوق روسهم أنا أقول لو يتركونها من

المباني الاثريه كان احسن.

[البارق]

هـــــــــــلا اختي العنود

مثل العادة 00 انتضري حتى تنكسر او تموت وحدة من البنات
حتى ينتبهون للمبنى ويكتشفون انه متهالك وغير صالح للدراسة 0

وتقبلي خالص تقديــــــــــري000

## اعجز الناس من عجز عن اكتساب الإخوان 0

[SAREY]

أختي عاشقة نجد
حمى الله جميع اخواتنا منتسبات الكليه من كل مكروه .
طالما ان الوضع بهذه الدرجه من الخطوره لماذا لا يقمن الطالبات بالمبادره وذلك بعمل تقرير تفصيلي مدعم بالصور ويرفع للمسئولين ويتم متابعته سواء من الطالبات او من اولياء امورهن وبذلك يتم معالجة ألأمر ومحاسبة ألمقصر في نفس ألوقت. تحياتي لك وللجميع...،،،،

[نجدية]

أختي عاشقة نجد :
أحييك وأشكرك على هذا الموضوع الذي يستحق فعلا وقفة خاصة ....
* هل يصدق أن المبنى المخصص اصلا لمجمع مدارس ويستوعب اذا بالغنا 1500 طالبة !!!!!!!!!! فهل تصدقون أنه يحتوي الآن على 5000 خمسة آلاف طالبة ...
اذا فهو فعلا على وشك الانهيار ..........
* هل تصدقون أن كل فرقة ( أي مستوى بلغة الجامعات ) تضم حوالي 300 طالبة ويحضرن المحاضرات في قاعات ضيقة لاتكفي أحيانا فتجدهن يجلسن في الممرات بجانب القاعة (قصدي الفصل)
* انعدام الوسائل التعليمية الجيدة فالوسيلة هي السبورة والطباشير ...
* لايمكن التنقل داخل الكلية في أوقات الذروة ( فهي أشبه برمي الجمرات)
* سمعنا ان هناك ارض مخصصة لبناء مبنى متكامل للكليات ..... ولكن نفاجأ بين فترة وأخرى بانشاء مدارس بملايين الريالات .... لذا نتأمل من المسؤلين أن يجعلوا مبنى الكلية في الأولوية ..... فالمدراس يمشي حالها مع الماني المسأجرة ......... أما الكلية ففي كل عام يزيد العدد أضعافا مضاعفة وأتوقع أن المبنى الحالي لن يمكن العمل به خلال السنوات القادمة ........
فمتى ؟؟؟؟؟؟؟؟

[عاشقة نجد]

شكرا للجميع على التجاوب وأتمنى من طالبات الكليه أنفسهن التجاوب مع

الموضوع وأبداء جميع السلبيات في المبنى حتى ينظر نظره جديه للموضوع.

[عاشقة نجد]

با النسبه لبعض الاستفسارات من بعض الاعضاء أحب أن أخبركم أن الموضوع

تم رفعه لاْدارة الكليه ولكن ليس لهم لا حول ولاقوة...يعني الموضوع يبي ناس

أكبر من كذا بكثير .....الموضوع يبي مليارات لانشاء كليه من جديد لان الكليه

عمرها الزمني والافتراضي أنتهى من زمان.......

[نجدية]

اختي عاشقة نجد :
شكرا على اثارة هذا الموضوع المهم بالنسبة لطالبات الكلية وموظفاتها ..
الكلية من زمان اعتمد لها مشروع .... وتصدقين اني شايفة الموضوع وصور تصميمات المباني ايام الازمة ....
وسمعت ان اهل بريدة معترضين على مكان الكلية ؟؟؟؟؟؟؟
اما مسالة ان الكلية تكلف مليارات .........فهذا كلام غير واقعي فنحن نتكلم عن كلية وليس عن جامعة عالية المستوى ........ فاذا كانت كلية الرياض اعتمد لها مبلغ خمسون مليون ريال ( ذكر في الصحف) فما بالك بالقصيم ........
واخيرا ..
متى نرى الكلية الحلم .... متى ؟؟؟؟؟؟؟؟

[شاهد عيان]

أولا السلام عليكم.
ثانيا اشكرك اخت عاشقة نجد لطرحك هذا الموضوع المهم جدا لكل عائلات بريدة والقري المحيطة بها.
ثالثا انا طالبة فى هذة الكلية وانا ارى انها ( ابتكلم بريداوي ما اعرف كذا قصدي تسذا) اشوف ان ها الكلية تصلح حظيرة حيونات مهوب كلية ما يصير كذا الدرج مرررررررررررررة صغير ومتكسر اللى بمبنى ب وفية درج ثانى يربط مبنى أ بمنبى ب وهو خطير جدا لو تطيح منة واحدة كان ينكسر بها شي هذا لو ما انكسرت رقبتها وماتت ليش لو لو فعلا صايرة مرة طحت منها دكتورة فى قسم اللغة الانجليزية وانكسرت رجلها وجاء الاسعاف شلها و لو تطيح منة حامل كان اللهم يا كافى كان تسقط ويصير بها عاهة مستديمة هذا غي الشجر اللى بدال ما تعطى المكان منظر جمالى صاير كأنة قنبلة باي وقت تبي تنفجر يبى يطيح فوق راس البنات باي لحظة انا اقصد السقف اللى فوقة شجر بين مبنى أ ومبنى ب هومن يجيكنم الدرج اللى يخوف . اما با النسبة لمبنى ب فية سقف من المنيوم لكن مهدد انة يطيح باي لحظةليش مهدد صارت العام قدام عيونى فى الشتاء وكانت تمطر قوة طاح جزء منة والله لا يوريكم طبا السقف مجمع فوقة كش كثير وخرابيط على مر الاعوام زيادة على المطر بدء يطيح منة الماء والكش مثل الشلال على طاولة شلة بنات وتملن عبايتهن ودروسهن ماء لكن الحمدللة ان ذيك الشلة ما كانت موجودة يعنى مهوب بطاولتهم شكل عندهم محاضرة او شي والا كان البنات عيلهن السلام هذا با النسبة لمبنى ب واللى حولية اما الباقى ما ادري عنوة يعنى مبنى أ ومبنى ج لانى ما اروح هناك كثير .
هذا غير القاعات وما ادراك ما القاعات بلاوى مقعدة كراسي متكسرة سبورة بيضاء طباشير اصلا ما بوش طباشير وبالشتاء برررررررررررررررررد وبا الصيف حرررررررررررررررررررر وداريش متكسرة بعد وقاعات الامتحانات النهائية حظ احيانا تكون بقاعة دافية با الشتاء اما با الصيف حرر واحيانا تكون القطب الشمالى با الشتاء وبا الصيف شمس فوق راسك .
هذا غير المقصف ههههههه المقصف حكاية لحالوة بس تعبت خلاص شهريار جاها النوم يلة باي والا اقول مخالف ها المرة استثناء المهم المقصف بكل مكان واحد اللى بمبنى ج مرة يفيتح مرة لا واذا فتح ريحة الزيت القديم فايحة با المكان والمشكلة البطاطس ما ينجض و مرة بنفس المقصف شفت بعيونى وشلون يسون العصير وععععععععععععع حامت تسبدى بوسط زباله صغيرة حتى لو انها جديدة وعععععع بعد زبالة ذي.
والمقصف الثانى يبيع كيكاوات وخرابيط واللى تبيع ما تعطيك وجة كلهن كذا بس ذى بزود والمقصف الثالث للعصيرات بوة ثلاجات فاضيات مابهن شي واحيانا يصير بوة شي بس حــــــــــــــــــار ما ينشرب هذا غير الزحمة اللى تصير عندةتطلع الوحدة متنتفة يا حول وانا مريت بها التجربة القاسية ما ودي اقول لكم وشلون قضيت يومى ذاك خلونا ساكتين ازين اما المقصف الرابع فهو للسينداوتشات زحمة زحمة زحمة زحمة زحمة زحمة زحمـــــــــــــــــــــــــــــــــــــــــــــــ ــــــــــــــــــــــــــــــــــــــة ولا بوة درايش كثار بس 5 عملا اننا فوق 5000 بنت لا واللى يبيعن يسكرن كل الدرايش ما يفتحن الا2 بس وش ها الكلام انتم احكموا ومع ها الزحمة تقضى الوحدة شارية اذا باقى لها شي تشريه تقضي و اثر المحاضرة بادية وهى يا حول جوعانة مرررررة ما تدري وش تزين هومن اذا تأخرت 5 دقايق هواش من المدرسة + غياب ساعة كاملة وهى ما تاخرت الا 5 دقايق .
يمكن تقولون جيبو من بيوتكم ما قصرنا بدينا نجب وارتحنا راحــــــــــــــــــــــــــــــــــــــة الحمدللة والشكر بس علشان اويكم عقولنا العام وافق عيد الحب يوم دراسة راحو اى شي تجيبوة البنت معها من البيت يكبونوة با الزبالة قدام الكلية يحسبوننا نحتفل با البدع هاذي انواع التخلف ..ما يدرون ان هاذى نعمة ..
هذا شي والدكاترة شي ثانــــــــــــــــــــــــــى يجون من ديارهم يحطون حيلهم بنا ما ودي اقول شي عنهم اخاف اسقط مع العلم انى عايدة السنة ظلم والله ظلم ما صححوا الاوراق و المشكلة انهم بعد الامتحانات هجوا لدرتهم!!!!!!
هذا اللى اتذكروة الحين مع العلم انوة ضاق صدرى وحنا بعطلة قهرمن هاالسيرة......
اتمنى ان يوصل صوتى للمسئولين ويتصرفون .
بس انا اقتراح ان الكلية كلها بكبرها تغير لانها من ايام جدتى كانت تدرس بها ابتدائى قبل ما تصير كلية حتى الدكاترة والمعيدات وال......... كلش يغير اتمنى ذلك وشكرا لكم كانكم الى الحين ما اغمى عليكم من اللى قريتو يلة باي

[الجرده]

خلوها مفاجئة ..

[المزيونه]

السلام عليكم كلكم
اخباركم :D عساكم بخير
اقول يابنات انا عندى لكم الحل لمستشفى المجانين اوبس قصدي كليتنا العزيزيه :p
الحل كالتالي :::d
وشرايكم وحدة من البنات الي بايعه عمرة ولا تبي تعيش تموت بالكليه يطيح عليه باب ولا دريشة ولا مكيف عشان يحسون شوي بمعناتنا :p
هذي هي الطريقه الوحيدة وانا علمتكم ::::
مع السلامه وكل عام وانتم بخير

[نجدية]

الله يقطع شيطانك يا شاهد عيان .............الصراحة كفيتي ووفيتي ... لكن انتي طالبة يعني كلها فترة وتهجين بعمرك ......... بس وش نقول حنا اللي مكتوب علينا المؤبد بها الكلية .........
اما عن الدرج حق مبنى ب ... تراه يسمى (طلعة الغاط) هاهاهاها..........
وبعدين وراك تسلطتي على المعيدات تبينهن يغيرن ....... وش دعوى ما ملن عينك ........هذا جزاهن يكرفن ليل نهار علشان يصيرن اعضاء هيئة تدريس .......هذا اذا توفرت لهن الفرصة ودرسن ................
أخي الجردة :
تكفى وشي المفاجأة ؟؟؟؟؟؟
شكلك عندك خبر زين ..............

[شاهد عيان]

اخت نجدية انا ما لى دخل من المعيدات ولا احد ثانى انا لى دخل با اللى اتعامل معهم مباشرة اى الدكاترة واللى مسؤلين عن سلامتنا با الكلية يغيرونها قبل كا تطيح فوق روسنا بعدين صراحة مليت من النفخ فى قربة مقطوعة ...:(

[المزيونه]

اقول يابعدى انتن مهما حاولتوا ماراح يسوون شي لذلك اسكتن وارضن بالامر الواقع لما تطيح الكليه فوق رؤسنا

[نجدية]

احب ابشر طالبات الكلية .......اوه نسيت ابغى ابشر طالبات المرحلة الابتدائية بأنه تم اعتماد مبلغ 6ملايين ريال لبدء المرحلة الأولى من مبنى كليات البنات ببريد .......
طبعا انا قلت بنات الابتدائي ليش .. لأن بنات الثانوي والمتوسط ما يمديهن يدرسن بالمبنى الجديد ...وتحياتي ....

[القلم الجاد]

:confused: :confused: :confused: :confused:

الوضع مأساة بكل معنى الكلمة ( لمن لايصدق يتحرى الواقع )

على سؤ مباني الكلية يزداد سؤ التجهيزات

حتى أننا سمعنا أن الطالبات كل يوم عندما يذهبن من قاعة الى أخرى لابد من أحضار الكرسي معها في القاعة ( لعدم توفر الكراسي )

مع هذا الوضعية من المتسبب في ذلك من المسؤؤل ؟؟؟؟؟


كل هذا والزحام الخارجي للسيارات شئ لايطاق فعلاُ ؟؟؟

بدون اي مساحة وتنظيم ...............لابد من عمل شئ


:( :( :(