%%%هدايا تناسب الزوجة أبي رأيكم %%%

[بندر الحمر]

السلام عليكم ورحمة الله وبركاته

إطلعت على موضوع أم البراء

على هذا الرابط

ماالذي يناسب الأزواج كهدية ؟؟!! (http://buraydh.com/forum/showthread.php?t=72445)


ومن هذا الموضوع ولدت فكرة طرح هذا الموضوع

وأسأل كل وحدة عن أفضل هدية وصلتك

وما هو مقترحك لهدية للزوجه

بإنتظار تفاعل الجميع

[أبو أميرة]

أفضل هدية ساعة فخمة من شخص عزيز علي .


المرأة أو الزوجة مايعجبها العجب وأحسن شي تآخذها معك وتقولها خوذي هديتك بنفسك على ذوقك ...

[كرباج]

لاحول وش جاكم انتم السالفه تحدي والا نغرتوا يالرجال :c7:

بكرا ابنزل موضوع ابحط عنوان مالهدية اللتي تناسب زوجتي الرابعه ههههههههههه

الله يخليكم لبعض يالمتزوجين اما حنا رايحن فيها وطئ !!

تشااااااو

[صدى الصوت]

السلام عليكم ورحمة الله وبركاته

هلا اخوي فيمتو

انا من رأيي افضل هديه للزوجه ويالله بعد تكبر بعينه



طقم ذهب بعد من اغلى شي لأنهن حريصات انهن يعرفن هل هو غالي ولا لا انتبه ! تستغفلهن جب شي اصلي

[ثامر الناصر]

شكرا لكـ ..

انت جب صاحبة الهدية وتشوف الهدية هههههههههههه

واللي اعرف انا عن الحريم انهن يدوخن على شي اسمه ذهب .. لو خاتم

ودمتمـ

[ام المقداد]

موب كل الحريم يحبن الذهب خاصه التاليات..
وع ياكرهي له << يقاله من التاليات ..
وش رايك يافيمتو بجوال ..واذا اعجبتك الفكره بجيب لك موديلات
حلوه تختار منها..
الساعه برضه بعض الحريم ماتلبس الساعه خير شر..
ممكن عطر من عبد الصمد القرشي اسمه (مسك العروس)
روعه ريحته وعلبته تجنن ..
بس اذا كنت بتاصل الرياض هنا مافي..
الصراحه ريحته مميزه جداً وممكن تغلف علبته وتقدمه هديه بكل ثقه..
الله يوفقك.

[بندر الحمر]

السلام عليكم ورحمة الله وبركاته

الأخ الغالي أبوأميرة

أفضل هدية ساعة فخمة من شخص عزيز علي .


المرأة أو الزوجة مايعجبها العجب وأحسن شي تآخذها معك وتقولها خوذي هديتك بنفسك على ذوقك ...

هدية ومقترح رائع شكرا لك على تقديمك وتفاعلك بالموضوع


لكن لا أؤيد أن آخذها معي لتختار الهدية لأنها لاتعتبر هدية صح أو يمكن أنا غلطان

============

[بندر الحمر]

السلام عليكم ورحمة الله وبركاته

الأخ كرباج

لاحول وش جاكم انتم السالفه تحدي والا نغرتوا يالرجال

بكرا ابنزل موضوع ابحط عنوان مالهدية اللتي تناسب زوجتي الرابعه ههههههههههه

الله يخليكم لبعض يالمتزوجين اما حنا رايحن فيها وطئ !!

تشااااااو

أبدأ من حيث إنتهيت تشااااو > > > يرحمك الله >>>يحسبه عطس

الله يجيبلك الأولى وترجع للموضوع هذا وتأخذ إللي بدك إياه

سرني مشاركتك

[بندر الحمر]

السلام عليكم ورحمة الله وبركاته

أخيي صدى صوتها

السلام عليكم ورحمة الله وبركاته


هلا اخوي فيمتو

انا من رأيي افضل هديه للزوجه ويالله بعد تكبر بعينه




طقم ذهب بعد من اغلى شي لأنهن حريصات انهن يعرفن هل هو غالي ولا لا انتبه ! تستغفلهن جب شي اصلي

من وجهة نظري أن الهدية دائما ليست بالقيمه الماديه بل القيمه المعنويه هي المهمه

سرني مرورك الكريم

[بندر الحمر]

السلام عليكم ورحمة الله وبركاته

أخي سلطانكو

انت جب صاحبة الهدية وتشوف الهدية هههههههههههه

واللي اعرف انا عن الحريم انهن يدوخن على شي اسمه ذهب .. لو خاتم

ودمتمـ

الخاتم فكره رهيبه خصوصا لاصار ألماس >>>ما قلت وش إللي يدج بالرجل

شكرا لك سلطانكو

[بندر الحمر]

الأخت أم المقداد

موب كل الحريم يحبن الذهب خاصه التاليات..
وع ياكرهي له << يقاله من التاليات ..
وش رايك يافيمتو بجوال ..واذا اعجبتك الفكره بجيب لك موديلات
حلوه تختار منها..
الساعه برضه بعض الحريم ماتلبس الساعه خير شر..
ممكن عطر من عبد الصمد القرشي اسمه (مسك العروس)
روعه ريحته وعلبته تجنن ..
بس اذا كنت بتاصل الرياض هنا مافي..
الصراحه ريحته مميزه جداً وممكن تغلف علبته وتقدمه هديه بكل ثقه..
الله يوفقك

شكرا لك أم المقداد

إقترحت يا أم المقداد

جوال

طيب إذا كان جوالها آخر موديل ((إن90))

((مسك العروس)) نكتبه بالقائمه شكرا لك

[بندر الحمر]

السلام عليكم ورحمة الله وبركاته

جمعنا هدايا وهي كالآتي

ساعة فخمه

طقم ذهب

خاتم ألماس

جوال

مسك العروس >>من عبدالصمد القرشي

فهل من مزيد

[خزامى نجـد]

السلام عليكم ورحمة الله وبركاته



موضوع جداً حلو أعجبني وجذبني وعلى قولة ام المقداد ليست كل النساء سواء
فأنا مثلاً لا أحب الذهب كثيراً ولكن يعجبني أن يهديني زوجي ساعة الماس (ولا مب الماس )) بس تكون ماركة
وطبعا الجوال دايم آخر موديل ما يحتاج لمناسبة ومن فترة لأخرى عطر (( خويتم ))شكله غريب
واذا كان الزوج ((ذويق )) لا ما نع من أن يدخل عالم أزيائها ويفاجئها (ببلوزه) ولا فستان
وإذا كانت زوجته سمينه ومو قادره تنزل وزنها يفاجئها ((بسير للمشي)) أو ((سيكل للهروله ))أو حتى ((مشد ))
أما إذا كانت نحيفه فيعزمها على العشاء اسبوعياً ((أكلة بحريه ((غاليه)) مثلاً ((لبستر ))يجيب لها علبة شيكولا فرنسية كل فترة وأهم شيء في الموضوع انه من الاتكيت انه ما يحكي في الفلوس عشان ما تطلع هالهدايا مع خشمها


وسلامتكم
خزومه

[خـــــــــــــــالـــــــــد]

ابو لينا


اخذت راي اختي في الموضوع فردت حرف حرف ...

طقم الماس ( ناعم ) تقول و بتلمح له انه يعجبها الماسات معوض <<<<< معوض منهو ؟ يمكن هندي يشتغل بمحلات الحمر


او


ساعه فخمه على وزن ... روليكس او ريموند ويل .



او



لاب توب

[جناان]

مقترحااات جميلة من الجميع ..
مارأيك بتعليقة جميلة تحتوي على قلب ويكتب الحرف الاول لاسميهما
وهناااك امر مهم وهو لابد ان
يكووون تغليف الهدية بشكل جميييييل وجذااااب
واهممممممممم شيء
الكرت المرفق تكون فيه العبااارات الجميله الحلوووه ...الخ
اتمنى التوفيق للجميع

[رفآت]

موضوع رااائع أخي فيمتو ،،


لا تصدق اللي يقول مايعجبه العجب أو لازم تكون الهدية غالية ،،


سجّل عندكـ :) جوري العنابي << بخمسه ريال >> وقيمته كبيره عندها ،،:for12:


بالإضافة الى الأشياء المذكورة سابقاً ،، ومثل ما قالت جناان أهم شي الكرت والتغليف ،،


الا الذهب أحس إنه تناسب الحريم الكبار ،، لأنه قليل اللي تلبسه هالأيام ،،


أيضاً ممكن ،، ملابس بيت خاااصه <<إذا كانت من ذوق الزوج يكون لها معنى خاااص ،،


أيضاً رحلة مفاجئة الى الرياض أو الشرقية يومين <<< زادت التكلفه :mad:


أو طلعه خاااصه في أحد الأيام يكون عندها خبر عن الوقت والنوع << دون تحديد المكان ،،


أهم شي تبيّن لها أنها هديه ،، حتى تحس إنها على بالكـ ،،


وأسأل كل وحدة عن أفضل هدية وصلتك ***

بالنسبة لي أفضل هديه رحلة في نهاية الأسبوع ،،


إلى جده في مثل هذا الوقت << الجو رااائع والرحله مفاجئة


والناس دراسه :f4: <<< الدعوى حسد :b3:


=======================================

[رفآت]

<<<< يــــاكثره رجعت ثانيه هههه


تذكرت موقف لأحدى الأخوات ،، تقول : كنت دائماً أقول لزوجي ماعمركـ جبت لي هدية ،،


كانت تحب الجوري مررره << وهو عنده خبر !!!

أحد الأيام جاب معه ورده من النوع نفسه :for12:


وكانت تبي تطير من الفرح ماأمداها الا قال لها :


وأنا كنت ماشي حسيت بشي متعلق بجزمتي <<لكم الكرامه >>!!


ناظرت وألاقي هذي الورده قلت فرصه أعطيكـ إياها :for1:


فعلاً كان صادق ،،، خربها الله يهديه <<<< :d7:

[ام المقداد]

وأنا كنت ماشي حسيت بشي متعلق بجزمتي <<لكم الكرامه >>!!


ناظرت وألاقي هذي الورده قلت فرصه أعطيكـ إياها


فعلاً كان صادق ،،، خربها الله يهديه <<<<
لاعادت طلعت بطاعونه :(

[العبرى]

السلام عليكم

مثل ماقالت أم البراء

لا تصدق اللي يقول مايعجبه العجب أو لازم تكون الهدية غالية ،،

وأنا أشوف أحسن شئ

ساعة فخمة...خاتم ألماس

عطر راااااااايق أو ملابس من ذوق الزوج

وأهم شئ بالهدية الكرت والتغليف

ومن تجاربي مع الهدايا

أسوأ هدية وصلتني مع إني فرحت فيها إلا إني حسيته خساره لأني أحب أحتفظ بالهدايا إلا هذي ماقدرت

وهي i-mate>>>>>>>>>>>> قمة القهر :(

أما أحسن هدية وأحلاها فهي سيارة :rolleyes: طبعاً له ;)

بس الإختيار والوقت كان برغبتي وهي أروع هدية ومستحيل أفرط فيها :)

وتحيتي لك فيمتو,,,

[اتعبني خطااااك]

بسم الله الرحمن الرحيم

[اتعبني خطااااك]

اقول اخوي فيمتو ويش رايك باقة ورد :11_1_218vاوملابس خاصه للبيت :4[1]:تكون من ذوقك احس انه شي حلو وبسيط .......هذي وجهت نظري

[MiSs_7o0oRyAh]

http://www.geocities.com/miss_7o0oryah/OraNgeU.gif
http://o0ffline.jeeran.com/new_head.gifالسلام عليكم ورحمة الله وبركاتهhttp://o0ffline.jeeran.com/new_head.gif

افكار رائعة من الجميع
ولكن اخوي فنتوو
الهدية على حسب الموقف
يعني اذا انت دايم تبي تعطي هدية
باي مناسبة خفيفة مثلا اختار هدية بسيطة ولكن معبرة
عطر
او ملابس حلوة
او وردة

امما اذا كانت المناسبة كبيرة
مثلا نجاح
او ولادة
او شفاء من مرض << بسم الله عليها :)
او عودة من سفر

فانت لازم تختار هدية قيمة وحلوة وذووق

وانا احب اضيف للي قالو ..

عندك مثلا مجموعة من زهور الريف في العثيم

رح عندهم وقل ابي مجموعة سويت كاميليا كاملة
بصراحة روووعة وشي
وهم يغلفونها لك بعد :)

ايضا فيه محل ذهب توه فاتح بالنخيل بس مدري وش اسمه
ممكن تاخذ منه ذهب
بس مو لازم طقم كامل
عنده تعليقات وسلاسل حلووووووة
وفيها الوان مرة مرة روووعة ..

ايضا ممكن تجمع ما بين العطر والملابس الحلوة الذوق وتغلفها تغليف حلوو
مع كرت ناعم
وعبارات من القلب
تطلع هدية ولا اروع


...

هذا ما لدي واذا طلع شي في جعبتي رجعت لكم :)

سلملم

http://www.geocities.com/miss_7o0oryah/OraNgeD.gif
http://www.geocities.com/miss_7o0oryah/OraNgeT7yaT.gif

[عزف الحقيقة]

السلام عليكم00

موضوع جميل ومفيد حقيقة00


الاهتمام بالهدية وتغليفها مع كرت يحتوي على عبارات جميلة يضاعف قيمة الهدية0

ومهما مضى على الهدية تضل العبارات تذكر بان الهدية متجدده تخاطبنا وتذكرنا باستمرار0

أخر مراسيله00اخر مراسيله00

عطر وهديه مغلفه وقلب ينادي له 00قلب ينادي له0


لك الود0

[بندر الحمر]

السلام عليكم ورحمة الله وبركاته

شكرا للجميع ولي عودة مطوله مع الردود >>>راعي طويله

ويبي يعلمهن وش يبي يهدي زوجته بعدين

[بندر الحمر]

السلام عليكم ورحمة الله وبركاته

الأخت خزامى نجد

موضوع جداً حلو أعجبني وجذبني وعلى قولة ام المقداد ليست كل النساء سواء
فأنا مثلاً لا أحب الذهب كثيراً ولكن يعجبني أن يهديني زوجي ساعة الماس (ولا مب الماس )) بس تكون ماركة
وطبعا الجوال دايم آخر موديل ما يحتاج لمناسبة ومن فترة لأخرى عطر (( خويتم ))شكله غريب
واذا كان الزوج ((ذويق )) لا ما نع من أن يدخل عالم أزيائها ويفاجئها (ببلوزه) ولا فستان
وإذا كانت زوجته سمينه ومو قادره تنزل وزنها يفاجئها ((بسير للمشي)) أو ((سيكل للهروله ))أو حتى ((مشد ))
أما إذا كانت نحيفه فيعزمها على العشاء اسبوعياً ((أكلة بحريه ((غاليه)) مثلاً ((لبستر ))يجيب لها علبة شيكولا فرنسية كل فترة وأهم شيء في الموضوع انه من الاتكيت انه ما يحكي في الفلوس عشان ما تطلع هالهدايا مع خشمها


جمعنا هدايا وهي كالآتي

ساعة فخمه

ساعة ألماس

طقم ذهب

خاتم ألماس

جوال

عطر

فستان

بلوزه



مسك العروس >>من عبدالصمد القرشي

للزوجه الدبيه سير مشي + مشد

للزوجة المعصقله >>> مشروع تسمين أكلة بحريه ((غاليه)) مثلاً ((لبستر ))

شكرا لمشاركتك أخيتي خزامى نجد

[بندر الحمر]

الأخ خـــــــــــــــــــــالـــــــــ....إلخ

اخذت راي اختي في الموضوع فردت حرف حرف ...

طقم الماس ( ناعم ) تقول و بتلمح له انه يعجبها الماسات معوض <<<<< معوض منهو ؟ يمكن هندي يشتغل بمحلات الحمر


او


ساعه فخمه على وزن ... روليكس او ريموند ويل .



او



لاب توب


مقترحات رائعه وجميله تضاف إلى سلسلة الهدايا الزوجية

جمعنا هدايا وهي كالآتي

ساعة فخمه روليكس أو ريموند

طقم ألماس من معوض في محلات الحمر للألماس

ساعة ألماس

طقم ذهب

خاتم ألماس

جوال

عطر

فستان

بلوزه

كرت تغليف

مسك العروس >>من عبدالصمد القرشي

للزوجه الدبيه سير مشي + مشد

للزوجة المعصقله >>> مشروع تسمين أكلة بحريه ((غاليه)) مثلاً ((لبستر ))

لاب توب




لي عوده بعد العوده من الرياض

[بنت الشرقيه]

مساء الخير

الاخ فمتو الهديه طبعا لازم تتفق مع الميزانيه
يعني على حسب الفلوس الهديه
واكيد كل الحريم ماهم سواء بعضهم يحبون اقتناء ساعه ثمينه
او طقم الماس او طقم ذهب عادي
او بعضهم تتمنى خاتم مرصع بأحجار كريمه
يعني على حسب ميزانيه الزوج تجي الهديه
يعني تغيير ديكور المنزل يعتبر لفته جميله وهديه روعه
ممكن تذكرتين سفر لاحد البلدان رحله جميله يتجدد فيها الحب
ممكن تفتح حساب لزوجتك كبدايه لها لو ماعندها حساب وتضع مبلغ بسيط تشجيع لها لكي توفر من مصروفها الشخصي
كهديه
ممكن طقم حقائب من احدى الماركات المعروفه هديه جميله
ممكن مجموعه من العطور ومستحضرات عنايه بالبشره من احد دور التجميل المعروفه
والموثوقه هديه رائعه

يعني ارجع واقول لكل امرأه ذوق خاص لها

اتمنى اني اعطيتك اخي فمتو بعض الافكار