المساعد الشخصي الرقمي

مشاهدة النسخة كاملة : عزبة البر للرحلات الطويله والمقناص


المجمعة ديرتي
04-01-06, 09:12 pm
أدوات عزبةالبر

1/ عزبة الطبخ
2/ مــــاء + مياه صحية + حافظة ( ثلاجة *** صباره )
3/ الســــــــــلاح + فشق+ شنطة للدخل المصيود + مشرط للذبح أسهل من السكين + ناضور + رخصة السلاح * لا تنسى توزييه إذا ماله رخصة
4/ جهاز كنود أو أيكوم + إريل * وركب قاعدة إذا مار كبت + فيوز احتياطي لسلكه
5/ جهاز قارمن أو ماجلان + بطارية + فيوز احتياطي لسلكه + بوصلة + خرائط + إحداثيات
6/ فــراش + **** فرشه " بساط "
7/ شنطة تـشمل ( بعض الملابس الداخلية * شراب * شماغ * مداسيس * جزمة وانتم بكرامه * بجامه * بشت* فروه * سديريه *طربوش ****** وشف اللي يجوزلك خذه )
8/ ماطور هواء + عيار هواء + رقع تيوبلس وعدة الرقعة + بلف هواء + مفتاح عجل + سيور إحتياطيه
9/ عدة فك وربط **** واير سحب ****
10/ كشاف + بطارية + لمبة وسنارته + شمعة لمبة إحتياطيه
11/ فاس وكريك ( شيول ) ودسوس للحطب
12/ الطير وعدته من حمام أو سمان ودس وسبوق وشبكه إن كانك راعي طيور.... الله يعين المولع بالطير.
13/ حطب + فحم + كبريت + ولاع فحم وخياش للحطب والله يخلي خياش الشعير بالبر.
14/ خيمة + أطناب.... أو رواقات أو شراع أزرق + حبل أو سبته للفرش فوق الشبك.
15/ ساعة خراشة إذا كنت خايف على جوالك من المطر المفاجئ لصلاة الفجـــــــــــــــر.
16/ دورق ( جيك حمام ) أعزكم الله ........ لي ( هوز ) لسحب البانزين.
17/ كاميرة تصوير أو كاميرة فيديو + أفلام + شاحن كاميرة + شاحن جوال للضرورة.
18/ أشرطة أناشيد لأنه يعتبر من الرفقة الطيبة مع الزقرت الطيبين .
19/ أدوات طبية ( لصيق جروح * مقص صغير * شاش * قطن * مضاد سم * فيفادول + بنادول + مـــــره + مسمار لتوقيف الدم + ملقاط شوك + إبره + خيط + مشرط صغير )
( عزبة الطبخ )
قدر كاتم + صفيرته + قدر إضافي + مقلاة كبدة ( مقرصه ) + بلامات أو تباسي + ملاس + قطاعة بصل (أنصحكم باليابانية ) + ملاعق + سكاكين ( خضره *وذبح* مسن سكاكين ) + أباريق + بريق تفويح + دله بغدادية+ شريعة دلة + ملقمة قهوة + دلة حليب + بيالات + فناجيل + كاسات ورق للحليب لأنه يصعب تنظيف البيالات بعد الحليب وتستهلك ماء + صحون نواشف ( ورق أو غيرها ) + مفك صلصه + نجــر + ملقاط + مركابة + دافور أو عين غاز + كبريت + ذراية + أصياخ شوي + قصدير+ أو صحون قصدير للتوفير + طاسة موية (غضاره) + /////// مأكولات ///////// سكـــــــر + شاهي + قهوة ( مطحونة وغير مطحونة ) + هيل + مسمار + زنجبيل + فلفل أسود + تمـــــر + قشطة المراعي + حليب السعودية والا الرعيان مايقصرون + طحين بر + زبدة + زيت + مــــــلح + بهارات + صلصه + دارسين + ليمون أسود + ليمون أصفر + طماط + بصل + خيار + جزر + كراث + يوسف فندي + برتقال + تفاح + حبحر + ثوم قرع + كوسه + رز + مكرونة + خبز + شابوره + قرص عقيلي + ثـــــــلج * مياه صحية * + لحمه + كبدة + معلبات ( فول* قشطه * جبن سايل كرفت* لا تحرص على الطحينيه (الحلاوة ) إذا ضروسك لك عليهن * بيض للشكشوكه ...... أحب جميع الفواكه وبالذات البيض هههههههه ( مشروع تسمين )
وأهم شي / اكياس زبالة وانتم بالكرامة * أكياس لحم *سماط* صابون * ليفة سلك وسفنجة ** مناديل

و ااسفيين على الإطاله

بندر الحمر
05-01-06, 12:12 am
السلام عليكم ورحمة الله وبركاته

أبوسليمان يبيلنا طلعه مع الشباب

ودائما إللي ما يتتنون ينسون الولاعه

المجمعة ديرتي
05-01-06, 01:07 am
هههههههههههههههههه





لابد من النسيان الولاعه او الملح او او او ا

الشاب
12-01-06, 09:26 am
اخوي المجمعة ديرتي نافخ نفسك وكتابه تحت اسمك مشرف المنتدى الرياضي ولاكتبت كوره ولا شبكة طائره صراحة ماضنيت تمر عليك لاكن احيي ابداعك

عبدالله القيعاني
12-01-06, 01:18 pm
اخي / المجمعة ديرتي


تسلم والله يعطيك العافيه على المجهود ...... وياكثر ما ننسا ...



لك خالص تحياتي ،،

المجمعة ديرتي
12-01-06, 03:18 pm
اخوي المجمعة ديرتي نافخ نفسك وكتابه تحت اسمك مشرف المنتدى الرياضي ولاكتبت كوره ولا شبكة طائره صراحة ماضنيت تمر عليك لاكن احيي ابداعك

هلا والله ماكتبت تحت اسمي شي هم الى كاتبين



وعلى العموم مشكور على الاضافه الرائعه

المجمعة ديرتي
12-01-06, 03:18 pm
تسلم والله يعطيك العافيه على المجهود ...... وياكثر ما ننسا ...


النسيان امراً طبيعي ورحمة من الله عز وجل

الافق
12-01-06, 03:54 pm
اخي / المجمعة ديرتي


تسلم يالغالي على المجهود ...... وياكثر الأشياء اتلي ننساها في الطلعات ...


وكل عام وأنتم بخير
لك تحياتي ،،

المجمعة ديرتي
12-01-06, 10:52 pm
الافــــــق


مشكور على روعة الحضور والتفضل بالرد


دمت بخيرررر

Miss_Autumn
13-01-06, 01:42 am
مشكوووووور وماااتقصر...
هذولي اغراااض ناس يتناام بالبر..
..
و أظن انه ناااادر ما يصير نااس معهم هالأغرااض كاااامله..
..
:)
:)
:)
شكرا لك مررررررة أخرى..

المجمعة ديرتي
13-01-06, 01:59 am
هذولي اغراااض ناس يتناام بالبر..

اكيد اجل ويش رايك

بن يمين
15-01-06, 01:14 pm
وش باقي ماحطيته مابقى الا تقول بيتكم واخوانك ....

مشكووووور

المجمعة ديرتي
15-01-06, 03:47 pm
بن يمين لا وانت الصادق باقي نقطة نسيتها وشف تعليق الاخ الشاب


الشاب

اخوي المجمعة ديرتي نافخ نفسك وكتابه تحت اسمك مشرف المنتدى الرياضي ولاكتبت كوره ولا شبكة طائره صراحة ماضنيت تمر عليك


مشكور الغالي بن يمين

لـــكـــزس
17-01-06, 06:15 am
اهم شي مفك الصلصة؟؟؟؟؟؟

المجمعة ديرتي
17-01-06, 06:04 pm
اهم شي مفك الصلصة؟؟؟؟؟؟


ههههههههههههههههه



اكيد انك قد نسيته كم مره