الشماسي
24-12-05, 04:48 am
السلام عليكم
في رحلتنا هذا الاسبوع حملت معي الكاميراء إلى المنطقة الشرقية وبالتحديد ( الجبيل الصناعية ) شاطىء الفناتير
وكما هو معروف أجمل شاطىء بالجبيل هو شاطىء الفناتير ... أنصحكم بزيارته
المهم
أستمتعنا بالجو اللطيف والمناظر الرائعة والحدائق والشجيرات اللي ماودك تصد عنه
فأحببت أن أنقل لكم بعض من الصور أتمنى أن تحوز على رضاكم
والكاميراء SONY-H1
في بداية الأمر أشار أحد الأخوة وقال :
وراه ماتلقط للنورس صوره ...
قلت والله فكرة وماسبق لي أن جربت أصور شيء يطير
وبديت أجرب والحمدلله تجربه والأخرى ونجحت
فأعجبتني الفكرة وأستمريت فخرجت بثلاث صور نالت إعجاب صديقي
فقلت نشوف رأيكم فيها يمكن صديقي ماعنده ذوق >>> بالعربي يحتاج شغف !!
وأنا بكل صراحه تعودت أشاوركم وأخذ بذوقكم >>> شحطه
وهذي الصور يا أفندمين
http://qader2.jeeran.com/qader0222.jpg
وهذي الثانيه شوي ويطلع النورس صقر !!
http://qader2.jeeran.com/qader022443.jpg
طائر النور حلق حلق ... وبجناحيه صفق صفق:c8:
http://qader2.jeeran.com/qader02266.jpg
عاد هذي مع البيعه
http://qader2.jeeran.com/006586.jpg
وهذي
http://qader2.jeeran.com/qader022245.jpg
[line]
عاد الجبيل منطقة فيها مناظر كل واحد يقول أنا أطلق من الثاني
وأنا أنشحطت مع أخوياي وبديت كل شيء أصوره
حتى توقفنا في أحد الأماكن ونظرت إلى المسجد الذي توقفنا أمامه
فوجدت أن الشمس قد أزفت على الغروب
فقلت خلني أطق له صورتين وصوره هنا وصورة بوضعية مختلفه
فطلعت بصور غروب رائعة يمكن أول تطبيق ناجح من البداية لتصوير الغروب لي كانت تلك اللقطتين
لكن يوم أطئفت الكاميراء ووضعته بالسيارة
توقفت سيارة شرطة ونظر إلي نظرة غضب
وقال هات الكاميراء وتعال
حملت الكاميراء وذهبت إليه وبدائت بالسلام وتبسمت لكن ظل وجهه شاحب
وقال وش عندك تصور هنا
قلت أبد والله أصور المسجد ليش فيها شيء !!
قال ماتدري إن تصوير الأماكن العامه (ممنوع)
ضحكت وقلت تراي أصور مسجد يالغالي
قال أيه مسجد ... مكان عام ممنوع تصوره
قلت يارجال اللي يبي يصور لهدف معين ماهوب قاعد يصور مسجد هذا أولاً
وثانياً هناك كاميرات تستطيع أنها تصور أماكن حساسه اذا كانت تستهدف شيء معين مو صورة لغروب شمس وبعدين يالغالي الكاميرات الحين صارت سهله وبأمكاني أصور أي شيء أبيه ويكفيك كاميرة الجوال وغيرة !!
قال صادق بس هذا (القرار) جايني ولازم تنتبه له وعندنا ممنوع !!
قلت أبشر تبي أمسحها علشان ترضى
قال لازم تمسحها ايو الله هذا النظام !!
وانا جالس أمسح الصورتين
أشوفه يراسل العمليات ويقول لهم (المشتبه ) وضعه طبيعي والصور شخصيه وماأشوف فيها شيء
ضحكت أنا
وقلت صرنا مشتبهين ياولد
وقلت شف عاد
أنا عضو بجمعية أصدقاء الضوء
وانت ان شاء الله تعرف وش كان قصدي من التصوير
قال هذا (النظام)
وجلس يمكن 20دقيقه يتفرج على الصور اللي انا صورتها وكلها كانت مابين صور للواجهه البحريه وصوري مع اصدقائي وحنا جالسين وكان بأمكاني عدم استعرضه لكن قلنا علشان الواحد يصير نظامي وماشي صح ويحترم (قرارات) الشرطه
وقال شف الواجهه البحريه عادي صور بيديك ورجليك بس أي منطقه عامه أو دائرة حكومية أوسوق تجاري ممنوع تصوره...
قلت ابشر !!
قال هات البطاقة ...
قلت ماخلصنا !!
قال لازم نتأكد منك!!
عطيته البطاقه وسجل الاسم ورقم البطاقة !!
وقال لاتصور اللي قلتلك !!
قلت خلاص طابت النفس أبدخل الكاميراء ولا عاد مطلعه مرة ثانيه !!
عاد لو انا أمريكي ولا بريطاني ولا أجنبي من دول الغرب !!
واللي قاعدين قدامي يصورون عيني عينك ويصورون اللي ماينتصور كان إنك تقول شيء لهم أو تمنعهم ياويلك ياسواد ليلك
بس لأني شاب (طموح) صاحب (هواية) شريفه يطبق عليه (النظام) على تصوير المساجد يؤخذ أسمك وتكون (مشتبه) بعد!!
وش كثر أعاني !!
ومع التحية
في رحلتنا هذا الاسبوع حملت معي الكاميراء إلى المنطقة الشرقية وبالتحديد ( الجبيل الصناعية ) شاطىء الفناتير
وكما هو معروف أجمل شاطىء بالجبيل هو شاطىء الفناتير ... أنصحكم بزيارته
المهم
أستمتعنا بالجو اللطيف والمناظر الرائعة والحدائق والشجيرات اللي ماودك تصد عنه
فأحببت أن أنقل لكم بعض من الصور أتمنى أن تحوز على رضاكم
والكاميراء SONY-H1
في بداية الأمر أشار أحد الأخوة وقال :
وراه ماتلقط للنورس صوره ...
قلت والله فكرة وماسبق لي أن جربت أصور شيء يطير
وبديت أجرب والحمدلله تجربه والأخرى ونجحت
فأعجبتني الفكرة وأستمريت فخرجت بثلاث صور نالت إعجاب صديقي
فقلت نشوف رأيكم فيها يمكن صديقي ماعنده ذوق >>> بالعربي يحتاج شغف !!
وأنا بكل صراحه تعودت أشاوركم وأخذ بذوقكم >>> شحطه
وهذي الصور يا أفندمين
http://qader2.jeeran.com/qader0222.jpg
وهذي الثانيه شوي ويطلع النورس صقر !!
http://qader2.jeeran.com/qader022443.jpg
طائر النور حلق حلق ... وبجناحيه صفق صفق:c8:
http://qader2.jeeran.com/qader02266.jpg
عاد هذي مع البيعه
http://qader2.jeeran.com/006586.jpg
وهذي
http://qader2.jeeran.com/qader022245.jpg
[line]
عاد الجبيل منطقة فيها مناظر كل واحد يقول أنا أطلق من الثاني
وأنا أنشحطت مع أخوياي وبديت كل شيء أصوره
حتى توقفنا في أحد الأماكن ونظرت إلى المسجد الذي توقفنا أمامه
فوجدت أن الشمس قد أزفت على الغروب
فقلت خلني أطق له صورتين وصوره هنا وصورة بوضعية مختلفه
فطلعت بصور غروب رائعة يمكن أول تطبيق ناجح من البداية لتصوير الغروب لي كانت تلك اللقطتين
لكن يوم أطئفت الكاميراء ووضعته بالسيارة
توقفت سيارة شرطة ونظر إلي نظرة غضب
وقال هات الكاميراء وتعال
حملت الكاميراء وذهبت إليه وبدائت بالسلام وتبسمت لكن ظل وجهه شاحب
وقال وش عندك تصور هنا
قلت أبد والله أصور المسجد ليش فيها شيء !!
قال ماتدري إن تصوير الأماكن العامه (ممنوع)
ضحكت وقلت تراي أصور مسجد يالغالي
قال أيه مسجد ... مكان عام ممنوع تصوره
قلت يارجال اللي يبي يصور لهدف معين ماهوب قاعد يصور مسجد هذا أولاً
وثانياً هناك كاميرات تستطيع أنها تصور أماكن حساسه اذا كانت تستهدف شيء معين مو صورة لغروب شمس وبعدين يالغالي الكاميرات الحين صارت سهله وبأمكاني أصور أي شيء أبيه ويكفيك كاميرة الجوال وغيرة !!
قال صادق بس هذا (القرار) جايني ولازم تنتبه له وعندنا ممنوع !!
قلت أبشر تبي أمسحها علشان ترضى
قال لازم تمسحها ايو الله هذا النظام !!
وانا جالس أمسح الصورتين
أشوفه يراسل العمليات ويقول لهم (المشتبه ) وضعه طبيعي والصور شخصيه وماأشوف فيها شيء
ضحكت أنا
وقلت صرنا مشتبهين ياولد
وقلت شف عاد
أنا عضو بجمعية أصدقاء الضوء
وانت ان شاء الله تعرف وش كان قصدي من التصوير
قال هذا (النظام)
وجلس يمكن 20دقيقه يتفرج على الصور اللي انا صورتها وكلها كانت مابين صور للواجهه البحريه وصوري مع اصدقائي وحنا جالسين وكان بأمكاني عدم استعرضه لكن قلنا علشان الواحد يصير نظامي وماشي صح ويحترم (قرارات) الشرطه
وقال شف الواجهه البحريه عادي صور بيديك ورجليك بس أي منطقه عامه أو دائرة حكومية أوسوق تجاري ممنوع تصوره...
قلت ابشر !!
قال هات البطاقة ...
قلت ماخلصنا !!
قال لازم نتأكد منك!!
عطيته البطاقه وسجل الاسم ورقم البطاقة !!
وقال لاتصور اللي قلتلك !!
قلت خلاص طابت النفس أبدخل الكاميراء ولا عاد مطلعه مرة ثانيه !!
عاد لو انا أمريكي ولا بريطاني ولا أجنبي من دول الغرب !!
واللي قاعدين قدامي يصورون عيني عينك ويصورون اللي ماينتصور كان إنك تقول شيء لهم أو تمنعهم ياويلك ياسواد ليلك
بس لأني شاب (طموح) صاحب (هواية) شريفه يطبق عليه (النظام) على تصوير المساجد يؤخذ أسمك وتكون (مشتبه) بعد!!
وش كثر أعاني !!
ومع التحية