المساعد الشخصي الرقمي

مشاهدة النسخة كاملة : الخبازه العجيبه بمناسبة شهر رمضان


فتاة العز
18-10-03, 02:08 pm
اقبل يومين الوالده جابت من السوق شي عجيب جداً صراحه خيال

شي يخلي الوحده تنجز اشغاله وتظبط امورها خصوصاً

برمضان الله يشرفه

الغرض تقول امي ان اسمه خبازه فلسطينيه

تباع بسوق الاواني المنزليه

خيال جربتها امي اليوم وابدعة بالخبز المنزلي الغداء اليوم بس خبز


هي تخبز وحنا نقرمش

تبي خبز تبي خبز محلا تبي صامولي

انواع الخبز والفن باسرع وقت من الخبازه الى البطن مباشره

والعصر ضبطنى الفطاير والبيتزاء والمعجنات

قسم بالله ما خذت شي على طول وطعم وريحه روعه

صراحه لا تفوتكم

الي ماعنده خبازه تراه ضايع

لكن سمعت بعد انها تصلح لكل شي للخبز البر

لشوي الدجاج والسمك واللحم

لا فحم ولا روايح يمكن تدهرين بالمطبخ

وتسوين الهوايل

الي عنده معلومة اضافيه يضيفها

على فكره هي فاسطينيه لكن امي تقول فيه

احسن منها كويتيه بس غويليه تقول انها تستاهل

بس الميزانيه ما تسمح

رمـــ نجد ــايل
19-10-03, 08:23 am
شكراً على هالمعلومات

العبرى
22-10-03, 09:22 pm
لو سمحتي أختي وين نلقاها؟؟

لا تقولين شارع الصناعة ولا مادري وشو....

أنا موببريدة!!!!

يعني ماركة أيش؟؟

الأسم الصحيح لها لو أطلبها من أي محل؟؟

وكيف شكله؟؟

,اكون شاكرة لك,,

أختك..
العبرى

فتاة العز
23-10-03, 03:21 pm
والله اني يالله يالله حصلت اسم المحل

بصدفه لقيت الكيس

اسمه محلات السعيد

بشارع الملك عبدالعزيز شرق الجامع الكبير

ماتعرفينه اقرب للمطبقه وبه سلك كهرب

لكن سئلة امي وشلون شرتها قالت اني قلت ابي

خبازه فلسطينيه بالذات لان السوق فيه انواع رديه ماهي بجودة

هالنوع

ولكي كل الشكر

خـــــــــــــــالـــــــــد
26-10-03, 07:56 pm
الخبازه المذكوره معروفه عند اصحاب محلات الاواني فقط قولي الخبازه الكهربائيه اللي شكلها مثل القدر

في بريده عند الصانع والخميس
في الرياض في اسواق الربوه للاواني المنزليه بس ليست عند كل محلات السوق

السعر يختلف من 45 الى 120 ريال حسب الصناعه

بنت الشمال
26-10-03, 09:47 pm
مرحبا اختى ممكن تحطين صورة الخبازة اذا تقدرين علشان نعرف شكلها ومشكورة على هالمعلومة ويعطيك انتى وامك الف عافية ومبـــــــــــــروك عليك الشهر

إشراقة فجر
27-10-03, 02:37 am
هلا

هذي الخبازة صراحة حلوة بس شكلها بدائي

من المعدن ما أدري وش يسمونه بس مثل لون القدور خخخخخ

وهي مثل شكل قلاية البيض عبارة عن ثنتين مقلوبة وحده على الثانية متطابقات

وتخبز من فوق ومن جو تحمر وسررررررريييييعة مرة يعني وانت عندها لا تحترق

تعرفون الفطاير الطويلة الي بالبنة ووو تسوين مثلها مرررررة

والبيتزاء صراحة حلوة

سعرها غالي ب95 عند السيف قصر الاواني

معليش بنت العز قمت اهذري وانا ما أدري هل هذي الي تقصدين او لا

فتاة العز
27-10-03, 05:57 pm
الاخ خالد

انا اتكلم عن نوع ما هو موجود الا عند السعيد

حسب كلام امي

وهو الفلسطينيه

فيه غيرها بس ماهو بنفس الجوده

انت جرب او اسئل الي جربوا الانواع الاخرى

انا ماسوي دعايه بس انقل الحقيقه

تحياتي

خـــــــــــــــالـــــــــد
27-10-03, 09:01 pm
اختي فتاه العز الاهل عندنا يستملون نفس الخبازه (( من الخميس )) لكن اعتقد اماراتيه منذ حوالي خمس اشهر وممتازه يعني عن تجربه


وايضا احد الزملاء احضر لاهله خبازه مشابهه ((من الصانع )) اعتقد انها كويتيه هالكلام قبل ايضا خمس شهور والزميل نقلا عن اهله يمدح فيها



عفوا اختي انا فقط حبيت اقدم معلومه مجربه وليس فقط تاييد لكلامك

شقرديه
30-10-03, 01:06 am
وهالحين وش اتفقتو عليه

هي الفلسطينيه والا الكويتيه والا آلة خبز البيتزا<<اقصد اللي على شكل مقلى يغطي مقلى ثاني

ايهم ازين

انهجو علينا نبي نتميلح ونخبز لهاللي في البيت

تحياتي

فتاة العز
30-10-03, 05:27 pm
هلا بالشقرديه

ترى اليوم رابع رمضان

واذا ماعندك تراكي ضايعه

بلا زيت بلا فرن بلا بطيخ

روحي لسوق الاواني واسئلي عن الخبازه

احسنها هي الكويتيه

بعدها وحده معروفه باسم الفلسطينيه

اعتقد ان تبي تدعيلي

تحياتي