المر اااااااااااااااا يــــــا

[علي المفضي]

مدكفك للغلا وانسف الدنيا وراك= امش اوسّدك وتلحّف ( نجومٍ ) خلتها
هلّ مثل الصبح وانثر على المسرى بهاك=انتهى وقت التعب والهموم ازعلتها
ابلغ بنشوتك يا (نشوة النشوة)مداك=خذ من الفرحة كثر فرحةٍ خايلتها
انطلق00عبّر00تكلّم 00توافق مع سناك=ليلنا ساحر و(امانيك) بيدك طلتها
قل شعورك وارم قلبك على(جمرة شفاك)= قل سوالف 00ما بعد في حياتك قلتها
انتصر للحب واسهر على شرفة مساك=كن معي مثلي معك فرحتي بك نلتها
كنّ حسّي شافك الروح للشعر وشداك= واسبلت فيك القصايد وفيك اشعلتها
ان كتبتك غرقت اوراق عمري في شذاك=وان حكيتك كلّ الاسماع بك دلّلتها
وان لقيتك( غبت بك) 00عنك00ما كنّي معاك= وان فقدتك(غبت عنّي) معك واطولتها
من عرفتك ما قدرت آصل اول مبتداك= المشاعر منك حارت وفيك اذهلتها
كيف(اقولك) والحلا كلّه اصغر من حلاك= كيف اوصّف وانت كل الوصوف اخجلتها
انت (فتنة جيل)جنّتك في صالي (جناك)= فتنتك بالناس ما اوحيت00ما مثلتها
كيف (ماتسكر )شفايفك من ذايب لماك=وكيف( ما تشهق) مراياك 00لا قابلتها
وكيف (ما يفتن) بلينك00وقدّك 00ما كساك= وكيف ما تبكي وسايدك لا بدّلتها
وكيف يقوى دونك (امسك) وهو جرّب هواك= وكيف تقوى( صدّعينك ) عيون اشغلتها
تقبل00اوتقفي 00(تقل ) تمشي الدنيا وراك=( وتحكي بك) لاختها0- ( كلّ نجمه) خلتها