أرجو الدخول ولو رد بسيط

[أسماء]

السلام عليكم

أنا بثالث ثانوي ولا اعرف ولا شئ بالإنجليز وش أسوي؟؟؟؟؟؟

لابعد وازيد الطين بلة

بدخل قسم (إنجليزي بعد التخرج)

من فلاحتي :D :D
وحدة واثقة من نفسها

علشان أصير مدرسة ولا مو بحب بالإنجليزي

ولكم خالص الشكر والتقدير

[حامل المسك]

wesh les bal __ENGLISH edkhele eqtesad manzele ahsan


:D :D :D :D

[3bdullah]

::
اولاص
ارحب بــ oussam
.


في هذا المنتدى .. واتمنى ان تجدي الفائدة والمزيد من المعرفة...
فمما كتبتي .. اعتقد وقد اكون مخطئاً انك الان تودين ان ترفعي من مهاراتك اللغوية..وتعلي بها الى مستوى افضل واكثر اعتماداً مما هو عليه الان وهذا لا اعتقد انه في غاية الصعوبة. رغم انني ارى ان ذلك يحتاج الى مزيد من الاستنزاف وبذل الكل في سبيل الوصول الى الغاية المرجوة.

لكن! باعتقادي مادام الاصرار هو المرشد الوحيد نحو القمة ،فالقمة قريبة وقريبة جداً..ولن نشعر بانفسنا الا وقد بلغنى ذروتهاا..

بما انك الان في الصف الثالث ثانوي كما تفضلتي..ولم يتبقى الكثير من الوقت حتى تصلي الى المرحلة الحرجة ((الجامعية وتحديد الهوية ونيل الشهادة ))..فأملك الوحيد وهو خيار الاقوياء فقط ومن تعلو لديهم الهمة لتلاقي ذرى السحاب...فتحتاجين الى..
التفرغ الكامل والمستمر لاستدراك مافات ( او ماتم التهاون به ) من محتوى ...

الاهتمام بالتواجد الذهني والعاطفي والكلي اثناء الدرس ..ولا يمكن ان نغفل الحرص على حفظ المفردات الجديدة فمحتوى الصف الثالث ثانوي فيه من المفردات والتراكيب الاعداد الكبيرة والمفيدة ايضاً. ويجب ايضا الرجوع الى ((لنقل ماتم تلخيصه )) من الصفوف السابقة من دفاتر وماتحويه من قواعد ومفردات..فهي ايضاً غاية في الاهمية...

واذا كنت ممن يتاح لهم فرصة الالتحاق بمعاهد لتعليم اللغة فهذا ايضا امر رائع جدا جداً..فيمكنك مع المثابرة وبذل الغالي والنفيس لاجل الوصول الى ماتتمنين..الموازنة والتكامل بين المدرسة والتعليم الاضافي في المعاهد التخصصة....


..اتمنى انني اوجدت لك ولو جزءً بسيطاً مما كنت بتوق لأن تجديه..فربما تجدي من يقدم لك الاكثر والافضل مما كتبت هنا.....


تحية بعد زخاااات المطر
3bdullah

[أسماء]

أشكركم على هالردود الزينة بس أنا بقرية قصدي ( محافظة ) بس مثل قلتة شبيهة بالقرية

ولا عندنا معاهد والمدرسات الي يجوننا موهمهم التدريس ولا توصيل المعلومة

أهم شئ عندهم

1)_ الإعجاب وهذا شئ رئيسي للوصول للنجاح يعني احبها والحقها كني سلقة علشان انجح وارسل لها من الورد والرسايل بس انا مو حراكاتي هاذي انا اكبر منها

2)_ يبون ينقلون بس بالترم الواحد يجينا خمس مدرسات وكل وحدة **** من الثانية

وشلون بستفيد من الإنجليزي صحيح هاذي هوايتي بس انا مااعرف بها شئ

وشلون هوايتي هاذا من زين العقل


الله يوفقني دنيا واخرة ويعطيني نسبة زينة

الأخ حامل المسك الأقتصاد مليت منة بالبيت علشان الحقه بالكلية بعد

[بردقانه]

اختي العزيزه. الله يكون بعونك .

مادة الانجليزي كانت عقدتي الوحيده ايام الثانوي . ولاكن ولله الحمد تجاوزت

هذه العقده بالعزيمه والمذاكره وأهم شي في الماده هي المعلمه فإن احببت

الطالبه المعلمه فسوف تكون مادتها محببه والعكس.

تمنياتي لك بالتوفيق والنجاح في الدارين.

تقبلي تحياتي وفائق احترامي.بردقانه

[حامل المسك]

ليش ما عزمتينا طيب


:D
:D :D
:D :D :D
:D :D
:D

[بردقانه]

حامل المسك والله اني ما فهمت وش تقصد الا بعدييييييين.

اخس والله ما يطوفك شي حتى العزيمه معلق عليها عيني عليك بارده...

لكن ابشر بالخير .. تحياتي واشواقي. بردقانووووووه

[مسافره بلا زاد]

الله يرجك قل آمين يا حامل المسك انا توني صاحية من النوم ولا لي خلق لشيء بس مت من الضحك من هرجك الله يرج بليسك :D



وبعدين تعالوا تراي داخله عرض بس وش قصة العزيمة <==لا تشرهون ملقوووفه :D



بالنسبة لاختي اسمعني يا بعدي ...ان كنتي ناوية تدخلين قسم انجليزي في كلية التربية فانا احذرك منه وتراي قلته علشان ابري ذمتي ...انا داخلته وهذي اول سنه لي واقسم بالله متحسره ليل نهار ...مو على اني ضعيفة في مادة اللغة الانجليزية لا ولله الحمد انا ماشاء الله علي ماشية فيها ايام الثانوي ...لكن صدمتي من مواد الكلية خلاني اكره شيء اسمه انجليزي كل دراستنا انجليزي وكلية التربية تعطيك اختصاصات ادبية يعني تدرسين الشعر النثر المسرحية بنوعيها التراجيدي والكوميدي الفيناريكس اي الصوتيات يعني زي مايدرس الدين تجويد انتي تدرسين مخارج حروف الانجليزي وبعد ترجمة ومهارات دراسة <==مادة ما لامها داعي ...واللي عندنا عشر مواد ثمان تخصص وثنتين عربي ...وانا والله من يوم ما دخلته وماني قادرة افتح كتاب تخيلي صايره مهمله بشكل غير طبيعي مع انه والله مو من طبعي ماشاء الله علي لانه ما ادري وش اذاكر والا كيف اذاكر ...وهذي مو مأساتي لوحدي بل مأساة الجميع ...لكن انا قلتها رحم الله امرء عرف قدر نفسه ...راح اجرب هالترم لو حسيت اني ماراح امشي حولت لجامعة سعود والا الامام لانه الكلية على طول تطب في الكلام كانك خبيره بالانجليزي والله ما يتكلمون عربي ابد ولو مساعدة ..والجامعه تعطيك سنه تمهيدية تهيئك لتقبل اللغة لكن الكلية بسبب رفض جهات عليا مافي هالكلام ؟؟؟ ...وانا اتكلم عن الرياض لانه معروفه بصعوبة مناهجها اما عن المحافظات فاتوقع اسهل ..اهم شيء استخيري استخيري ثم استخيري وادعي الله ..



سبحان الله الجميع لامني على قسمي مع انه كان بامكاني ماشاء الله علي ادخل اي قسم علمي ابيه (لانه تخصصي علمي) لكن سبحان الله نصيبي قادني لقسم ادبي اللي هو هالقسم ..



يلا معليش طولت عليتس ...بس والله يا خيتي افضفض لتس ...لانه لو قلت لاهلي بيقولون تستاهلين واحد قال لك ادخلي هالقسم لو انك داخله رياضيات والا فيزياء والا حاسب احسن ؟؟؟



:3: :3:




تحياتي لك ....