المساعد الشخصي الرقمي

مشاهدة النسخة كاملة : غ ي ب و ب هـ ..


محمد العمرو
14-06-09, 01:46 pm
..



.
.




غ :


غيابك شتت احروف القصيد وضيّع احلامي
... غيابك ( ضيم ) والدمعه غدت بالعين / مقرونه
..
غيابك ( خوف ) يجبرني اسطر دمعة اقلامي
... خفايا تنكتب .. لكن .. جميع الخلق / يقرونه




..

محمد العمرو
14-06-09, 01:47 pm
..




ي :





ياما كتبت الشوق وانتي .. قريتيه
... وياما على غيبة شموسك / حبسته
..
يااللي مع اشكال الموده .. حضرتيه
... والهم دونك لو شقيتي / لبسته



..

محمد العمرو
14-06-09, 01:49 pm
..



ب :


بين الشتاء والصيف تنفظ .. غباركـ
... والغير يمطرني على كيف / مآقلت
..
يوم العتم يستر بقايا .. نهاركـ
... وانا على شقة صباحك / توجلت
..
ويوم القمر يضوي على مجد .. دآركـ
... بــِحـــتك ولكن عن حروفي / تخآذلت
..
النار في صدري .. سببها .. شرآركـ
... وان جيت ابرضى في لهيبك / تبدلت
..
اشقيتني واشقيت حتى .. قرآركـ
... تسأل وانا .. بين المسائل .. تسآئلت !!




..

محمد العمرو
14-06-09, 01:50 pm
..



و :






وفيت وقربت المسافه .. وجيتك
... حر ٍ يرفرف للموده / جناحه
..
جيتك أمازح ذكرياتك .. فديتك
... والغيم ينشد ياابتسامة / صباحه
..
يامرخصتني بين .. ليتي .. وليتك
... تِهدي مشاعر من ( يحبك ) .. / مساحه




..

محمد العمرو
14-06-09, 01:51 pm
..



ب :





بعض الحكي ودك تِشفه على الريق
... ليجاك من غرو ٍ لسانه / حصانه
..
يصون هرجه دون غيبه وتنميـــق
... والحرف يفرح لاآخرج من / لسانه



..

محمد العمرو
14-06-09, 01:52 pm
..




هـ :






هـدْ نفسكـ .. غيّر الموضوع .. واتركني بـحالي
... ولا يغرك اني اسأل عن خطا قـولي / وقـولـكـ
..
وماأضنك ياعزيزي محتوي .. صيغة سؤالي
... بااختصار اكثر ( تعلم كيف نظراتي / تطولكـ ) !


..

محمد العمرو
14-06-09, 01:53 pm
..





الليل يشره من دموعكـ .. ويرتــــاب
... والصبح ودهـ بالـتفـــاؤل / يـضـمــكـ
..
لاتغلقين الباب وانتي .. ورى البــــاب
... لاتحرجيـن الـطـيب لاجــا / يـشـمــــكـ
..
لاتـكـسـريـن الفاس والشوق .. حـطـّـاب
... لاتِحـرقي دمـكـ مـن اهـداب / هـمــكـ
..
وانتي سمار وصفحة الشمس .. جـلبـاب
... وانتي بيـاض وحـاضـر الشوق / غـمّـــكـ
..
وانتي حضور اغياب .. واغياب .. واغياب
... والـحـُـب ( حـيّـه ) والـعـقـارب / تـِـسـمــكـ
..
انتي غـيـاب وكـايــد الـهــم .. ألـقـــــــاب
... يـفـخـر وكـنـــه بااسفل الـذات / عَــمْـــــــكـ
..
صُبيّ زعل صـدرك بـلا نـوح .. وعـتــاب
... ولاّ تـعـالـي واتـركــي بـعـض / جــمــــــكـ
..
نبنيّ حضور ونعزف الحرف .. زريـــاب
... والـصـبـح دايـــــم بالـتـفــاؤل / يــضمــــكـ




..

محمد العمرو
14-06-09, 01:55 pm
..





روّحتها لكنها .. عيّت اتروح
... ذيك الهجوس اللي به الفكر / ساهي
..
كسرة بخور ٍ .. تحتها الجمر .. وتفوح
... اشم ريحتها .. ونا فيك / لاهـــي
..
إلا جروح ٍ .. تشكي الجرح .. لـِجـروح
... تحت الهدب تشرب من البسط / شاهي
..
تسبق بداية نجمة الليل .. وتنوح
... وترسم على خط السواهي / دواهـي
..
كـد قلتها باابيات شعري ..مع الـبـوح
... (( ياهي تِمزع روحـي اليوم / ياهي )) !!



..

محمد العمرو
14-06-09, 01:56 pm
..





شربت ( المُر ) من كاس الشعور .. المحتفي .. فيني
... وسقيت الروح من دمعة ( اجاج ) الوقت .. وانهزة اعصابي
..
انا ويني ! .. انا يعني .. ادوّر في سما بعضي .. عناويني
... بعد ماكان الهدف .. ضحكة زمان .. وبرائة طفل .. وغرفة العابي
..
ورحلت .. وشقيّت الدورب الصعبه .. وقلت الوقت .. يكفيني
... حسافه ! .. ياحسافه .. نهشني ضبع الايام .. وشال البخت .. عن بابي
..
وصبرت وقمت .. من طيحة ألم .. وسألت الله .. يعطيني
... صبر أيوب .. وراع الحوت .. عسى يمديك .. يامحمد .. ترد العلم لااصحابي
..
وعجزت اصبر .. ونا لاشفت .. بريق الدمع .. في عيني
... رجعت الدربي الأول .. أخايل .. حرف .. والمعنى .. يتم القصد .. بكتابي





..

محمد العمرو
14-06-09, 02:12 pm
..




مشيت ودربي بالخطا عاكس الريح
... حتى عتابي في طريقي / سبقته
..
أمشي واقوم ابعثرة الحظ وآطيح
... واسقي طموحي من طموح ٍ / سرقته
..
قصدي _ أصيح _ وقابل الروح تصحيح
... واللي شربته بالتفاؤل / شـرقـتــه !!



..

محمد العمرو
14-06-09, 02:14 pm
..




يبين ( صمتـ ) وينتهي كامل .. الصمتـ
... ويغيب ( شوقـ ) ودورة انفاس / واعتاب
..
اقسم بربي لو تعـنـيـــــــــت .. مالمتــ
... عِشقي وانا ياحضرة البنتـ / مـــرتـــــاب
..
يموت كافر في ضلوعـــــي .. وأسلمتـ
بـِنـكـ زعيم الجرح . والطرح . / والنــــــاب
..
وادري بأنك فـــي ( غيابي ) .. تأقلمتـ
... احباب ونبقى بين الايـام / أغــــراب !!

..










احباب ونبقى بين الايـام / أغــــراب


!

محمد العمرو
14-06-09, 02:15 pm
..





لو طرى لي مع غروب الشمس عبرآت .. ونهآيه
... كان ماشفتيني أردد لك مع الوقفه .. قـصـيـد
..
جرعة الأنفاس والمدى تغريب والقصه .. كفآيه
... إنها تِعطي تصور .. عن قريب الوقت .. لآناظر .. بعيد
..
إن قريتيني لقيتي .. في بعض صمتيّ .. حكآيه
... تحت خط البوح .. ينبض .. في خفايهآ .. وريد
..
من فهارس .. مُلهمات العشق .. وضلوعي .. روآيه
... عن صويب ٍ لو تناسى .. بالخطا جرحه .. يزيد
..
كان يبحث عن هدآيه .. وضاعت ادروب .. الهدآيه
... وان لقى سكة غرامه .. قالو ابدى .. من جديد
..
يعني الخافي ( جروحه ) .. وكان ودك .. بالبدايه
... فااعذريني لآعدمتك .. واصبري يمكن .. أعيد
..
واختصر لك لين اعبر عن قواميس .. الكفايه
... واعترف لك انك انتي .. ضحكة العام .. الجديد
..
وان طرى لي مع غروب الشمس .. عبرآت .. ونهآيه
... فااتركيني .. يوم جاني .. بالندم .. ساعي .. بريد




..

محمد العمرو
14-06-09, 02:16 pm
..





إنتهينا واعتقد آخر .. كلآآآم
... ذا قدرنا ( يافديتك ) / وانتهى
..
سلّمت عينك وردينا السلام
... وكل حي ٍ شاف دربه / والتهى




..

محمد العمرو
14-06-09, 02:17 pm
..



تباطيتكـ عسى مآشر وش اللي صار .. قولي لي
... وسألت الكون عن طيفكـ .. وجاوب .. نجمتكـ / رآحت
..
تباطيتكـ ..لأنكـ بس .. قسم بالله .. تعني لي
... مثل طفل ٍ شكى لاامه .. وهي من دمعته / صآحت
..
انا وديّ قبل أشرهـ .. تشوفي بس .. منديلي
... وهو غرقان من عين ٍ .. حوت دمعات / وارتآحت
..
فديتكـ .. والظلام أبدى جنوحه في قناديلي
... وسألتكـ صبح .. وخيوطكـ .. على نور الأمل / شآحت
..
سألتكـ من عنى أبيات .. عِجز شعار .. من جيلي
... يحبكونه .. مثل حبكة .. زهور ٍ بالشذى / فآحت
..
لأن البيت لآسقته .. أجرهـ .. مع مواويلي
... واغني به مثل عُود ٍ .. سنينه بالشقا / نآحت
..
واعيشك ( قرب ) .. وابعادكـ .. تفوز ابعمق .. تذليلي
... على فكرة قصيدة عشق .. متونه بالغلا / سآحت
..
سأمت الوقت .. ياروحي .. كرهته وانتهى .. حيلي
... كرهت الماضي الحاضر .. وريح العشق / لآفاحت
..


وتباطيتكـ !!


تباطيتكـ عسى مآشر وش اللي صار .. قولي لي
... سألت الكون عن طيفكـ .. وجاوب .. نجمتكـ / رآحت




..

محمد العمرو
14-06-09, 02:18 pm
..




أحيك الضيم بخيوط الشوارد .. والبس .. الآلام
... أشخْص في بعض مِيلة عقال النفس / ودروبه
..
أصليّ ركعتين الفجر واغيّر .. موجة الأحلام
... واعاتب ذاكرة عقليّ .. واسآومها / على التوبــه
..
أطنشششششششششش

أطنش واترك المعنى .. يفيض ابرسمة الأقلام
... واقول النفس .. يانفسي .. مع الأقدار / مغلوبه
..
واعيد الحِلم وسط الحِلم .. وانازع دورة الأيـام
... مِصيري دايم ٍ أنسى .. شتات الضيق / واسلوبه
..
أضيّق حزة الذكرى .. واسآيرها .. مع الأوهـــام
... واخلي صفحتي تحويّ بعض أبيات / مكتوبه
..
تركتك صفحة ايامي وعام ٍ .. تسبقه .. أعوام
... تركتك فيض من بعض ٍ .. يشوفك دوم / اُعجوبه
..
تركتك همس .. يحوي أمس .. تركتك راية الأعلام
... تركتك شمس معناها .. يموت النور / بـغـروبــه
..
تركتك .. صمت بشفاهي .. تركتك ثرثرة .. أجسام
... تركتك غرغرة ريح الوجود ابفقد / رعبــــوبــــــه
..
فقدتك .. مابقى صبر ٍ .. يجاري .. طيفك الحوّام
... فقدتك وانتهى ( كِليّ ) .. وبعضي روح / منكوبه
..

واخيط ..

أخيط الضيم بحبال الشوارد .. والبس .. الأيام
... واشخْص في بعض مِيلة .. زفير الضيق / ودروبه




..

محمد العمرو
15-06-09, 09:30 am
..



يالله تعالي واسكني في ضلوعي
... ثم اتحفي قلب ٍ مع النبض / يسندكـ
..
وان ضاق رمشي من خفايا دموعي
... لآتتركيني لو بدى الصمت / يبعدكـ
..
ظلآم صدري والتفاتت .. شموعي
... تلوّنت كـِـنــه على الود / تمهدكـ
..
ويالله تعالي واسكني .. في ربوعي
... يالله عسى ربي مع ارضاي / يسعدكـ




..

محمد العمرو
15-06-09, 12:09 pm
..




قِــتـلت من ذهني خيالك .. وحاولت
... اعيش وقت ٍ لو يجيبك / يغيبكـ
..
واثرك على جمّـة شعوري .. تطاولت
... في كل جرح ٍ يعترف به / طبيبكـ
..
واخفيت وجهي عن حياتك .. وفاولت
... بالطيب جِعله لو خطاني / يصيبكـ
..
ياني سأمتك وانتهيتك .. وناولت
... قلبي لغيرك واعترف به / حبيبكـ
..
يآكم لجلك ياابعد الناس .. ناولت
... أقلام فكر ٍ لو مدحتك / تعيبكـ
..
ياسيدي .. حاولت .. حاولت .. حاولت
... أطرد خيال ٍ لو يغيبك / يجيبكـ



..

محمد العمرو
15-06-09, 01:19 pm
:





ترانيم ..



في مهب ريح الشوق





ابتركها تختصرني ..



بين اقواس الهجوس ..



حتى ونا حرفي عبوس !!


هنا


ابترك احروفي ... حكيّ ..


من همهمة ذاك السكوت ..



يرسم مع الواقع ( هــدوئي ) ..


مره خواطر .. وفي أكثر المرات بتركها .. شعر



والله وربي مو مهمـ .. بس المهم




احوي تفاصيل .. السكوت !




..
:








.
.






للزوايا ( ظل ) في عين الغريب
... يحتفي به نور وجهي / للأسف

..

كيف اداريها عن اللحظه واغيب
... والقهر كامل وعمرهـ / ماخسف !!


..

محمد العمرو
15-06-09, 01:19 pm
..



شرهة غلا ومواجه الليل .. وانتي
... قمنا نحضر لك مع الجرح / منديل
..
آسف ابعلنها مه الآآه .. كنـتــــي
... نغمه / وقيثاره / وغنوّه / وقنديل
..
واللحين لا باالله عـن الحلف .. شـِنتي
... ادريّ كرهتك لكن اليوم / بالحيـــــــــل !!
..
ياما رسمتك بالزوايا .. وزنتي
... في عين شعار ٍ هدفهم / مـواويـــــــل
..
وياما على قصر الجزايل .. سكنتي
... وانتي ( مُـجـرد حرف مـُـهـمـل / وتعليل ) ..
..
بس النهايه بالنهايه .. سجنتي
... قلب ٍ يداري خافياتك / مع الويـــــل



..

محمد العمرو
15-06-09, 01:22 pm
..




ياللي سمعتي بالألم .. هذا ألم !

هاذا زعل .. !

ولامن سألتك وش حصل .. ؟


قلتي مجرد شك .. ثم ٍ حلفتي لي قسمـ ..

..


يابنت ماهي بالحلوف ..


وان ضقت ماينفع .. ندم

انا اعتمرتك بالوفا والصدق بانفاسي .. يطوف

ماهو عشم .. والله وربي ما أشوفه بالعشم ..

انك تخلي ليلتي .. هم ونكاده .. مع حلوفـ .. !!




وليش الزعل !!






..





حتى ولو كنتي غلاي .. وحياتي
... ماشوف داعي للزعل / والإهانه
..
وش الذي ممكن مع القول .. يآتي !!
... وماظن ابلقى لك مع الصفح / خانه
..
يعني اعيد اشرح تفاصيل .. ذاتي !
... يوم احتويتك .. يوم تزعل / فــلانـه
..
كم قلت لك لاضقت يعني .. وفاتي
... وكم قلت لك انتي بهالروح / دانـه
..
وقسم وربي لو تشوفي .. مماتي
... لآموت احبك واعشقك / بالإدانـــــه
..
وحتى ولو كنتي غلاي .. وحياتي
... ماشوف داعي للزعل / والإهانه


..

محمد العمرو
15-06-09, 01:40 pm
..



صمتـ بوح .. وبوح صمتـ

كلمتين وثارت ابنفس المكان

بالوله آمنت ..

وضعت في نفس الزمان

ادري انه يالغلا .. نقش الحنان

في يدين العاطفهـ

إن وقفت اليوم ..

بالفرح ماقمتـ

يعني الوان الهموم صارت ابعيني .. ثمان !

سمها ماشئتـ ..


صمت بوح ..
وبوح صمتـ ..







..




حاولت اسافر عن مدينة .. غموضكـ
... واترك إطار الصمت يحويّ .. غيابي
..
يالون طيفي لو تعديت .. روضـكـ
... فاانتي زرعتي تحت وجدكـ .. كتابي
..
وانا حضوضي في مراسم .. حضوضكـ
... أسكّر الشباك والقاك .. بـــابـــي
..
صدك اضنه من علاياا .. فروضكـ
... وصديّ اضـنـه من خـطـايــاا .. شبابي
..
وانتي مدينه والشوارع .. غموضكـ
... والشوق دربي والـمـحـبـــه .. ســرابي


..

محمد العمرو
15-06-09, 02:23 pm
..



هـاذا القلم والجرح .. نوتـ

وانا الخطا وانا السكوتـ ..

أنا مجرد زاويه ..

تحوي تفاصيل الثبوتـ ..

اشوف حد الهاويه ..

والهم عمره مايموتـ ..

الهم هو عرس الجفا

والضيم بيّاع البشوتـ ..

مابين بردي والدفـا

بعضي تحراها تـفـوتـ ..

وهاذا القلم والصبح .. نوتـ

وانا الخطـا .. وانا السكــوتـ ..


..









..



الجرح يشبه للسكوتـ
... والصمتـ ليـتـــه / يـنـحكــيّ
..
سولف وقلّب هالريموتـ
... قرب وخلّك / مرتكــيّ
..
يالابسـه زين البشـوتـ
... ماعاد بالخاطر / حكيّ
..
مافات مكتوب ٍ .. يفوتـ
... وماضن يرجع / يشتكيّ
..
يعني تعابيري تموتـ
... والصمت يقرب / للحكيّ
..
دامـ الـتـحرك والثبـوتـ
... بلون المشاعر / ليلـكــيّ



..




ياشين طبعكـ .. يالسكـــوتـ ..!!

محمد العمرو
16-06-09, 12:08 pm
..




أخسرك واكسب راحتي .. وامنيآتي
... واكسبك واخسر بالندامه / صروحي
..
يالليّ نثرتي بالمواجع .. شتآتي
... لاتنشديني عن سبايب / جروحي
..
العام كنتي .. بالقناعه .. حياتي
... لآتشغليني (.. لو سمحتي .. / وروحي )




..

محمد العمرو
17-06-09, 11:57 am
..




روحي .. وحـِـبـي .. وان عشقتي .. تعالي
... حتى تشوفي .. لابـِـكيتي .. وش الفرق
..
ياللي سكنتي في زوايا .. خيـــــالي
... الـغرب يفرق عـن تـفاصيله .. الشرق
..
ومانيب جالس لو رحلتي .. لحالي
... لي ( غيمة ٍ ) يفضح تعآبيره .. البرق
..
مالي ومآلك .. وانت مآلك .. ومآلي
... أنا ( بياضي ) يكره اظنونك .. الــزِرق


..

محمد العمرو
17-06-09, 12:17 pm
..



صباح الهم لامنه .. سرق دمعه .. من الأطفال
... صباح الكبت لا بالله .. صباح الضيق .. بضلوعي
..
صباح اقسى من الطعنه .. على تكفينة الأبطال
... صباح الدرب لاضيّق .. حدود الوصف .. لرجوعي
..
صباح اجبال كثر اهموم .. صباح اهموم كثر اجبال
... صباح النقص والناتج .. يزيد اطعون .. مجموعي
..
صباح الكبت .. واشعور التراجع .. واختلاف الحال
... صباح ٍ يطعم الضيقه .. إيلا ونيّت .. من جوعي
..
صباح ٍ يرجد ابحالي .. ويرفع ( رختر ) الزلزال
... صباح .. السبت .. لين السبت .. صباح الضيم .. بااسبوعي !



..

محمد العمرو
17-06-09, 11:17 pm
..





احاول اسلى واعتقد ماحصل .. شيّ
.. يعطيني اكبر من سوالف / سـروري
..
جيتي ورحتيّ والقهر داخلي .. حيّ
.. ورحتي وجيتيّ في خفاياا / سطوري
..
والقاك في شمسيّ واناديك .. بالفيّ
.. واجرحك واجرح بالنهايه / حضوري
..
اعطشك واروي بالضما قرحة .. الميّ
.. وارويك واروي بالمشاهد / غروري
..
يعني اشوفك ( يابنيّه ) بـــلا .. ضيّ
.. ويعني ( فديتك ) ياسـفـيـرة / شـعـــوري




..

محمد العمرو
17-06-09, 11:19 pm
..





يـاعـيـن لاضـاقـت بـك اوجـاع .. صـــدري
... هـلـيّ خـفـايـا صـافـي الـدمـع / يـــاعـيــــن
..
بــس افـــرقــــي مـلـحـك عـن الـجــرح .. وادريّ
... إن الـهــدب مـــن واقــــع الـحــــال / مـسـكـيـن




..

محمد العمرو
17-06-09, 11:20 pm
..







يستفز القلب رمشك لاسؤال ولا جواب
... الله اكبر ياعيونك ياهي اكبر .. مستفزهـ
..
مستعزه . مستفزه . والحلا منها يهاب
... وتِـخجل الأنوار منها .. يارموش ٍ .. مستعزهـ
..
ولاتهز النبض تكفى في مشاوير الغياب
... وانتظر بوح الهواوي وابشر ابقاف ٍ ..يهزهـ
..
( أنـت ) يانبض القوافي سهم .. وحروفك / إحراب
... لابدعت الشوق كِنك في مدى روحي .. توزهـ
..
وكنك ابعيني ورود ٍ زاهيه بين .. الهضاب
... او كما عيد ٍ سعيد ٍ قام طِفلك / يستبزهـ
..
ياسمو الشمس ياللي ماورى ضوّك .. شهاب
... شفت انا البرق وثمانك ترسم ابعيني .. مرزهـ
..
وتشبهين السيل لامن صب في همي وجاب
... وانقلب جويّ قصايد لين حرفي .. يستمزهـ
..
ويابخت كحل ٍ تِخطه بين موقك .. والهداب
... وليتني ميل ٍ تغمض .. وسط عينك .. تستلزهـ
..
أعشقك عشق الطنايا للكرامه .. والزهاب
... وانتهي بك .. وابتدي بك .. يابعد مليون فزهـ





..

محمد العمرو
26-06-09, 02:10 am
..



ماني من الليّ يكثرون التحاسيف
... ويقلط على صدر الوهم / والكلافه
..
انا أمد الطيب وازهى مع الكيـــف
... وآخالط ارجال الشــرف / والـعـرافـه
..
ورثت من حاتم علومه مع الضيف
... ( نايف ) ولا آحـــب الـغـثـى / والـحسـافــه
..
وماني من الليّ يحسبون المصاريف
... والـجيـب راهـــي والفـقـــر / مـانـخــافـه
..
والشمس لازلّـــت صحنها مع الصيف
... اكتـب وحــرفـي بالمـشـاعـــر / خـُـــرافـه
..
بعيوني الدنيـا قــوافي وتــعــريــف
... عن سـِــر مـوج ٍ بالمحاني / ضـفـــافــــه
..
وارســم صـوّر فيها من الآه .. والحيف
... واكتب ( أحبك ) ياسفيـــر / الـعـفـــافــــه




..

محمد العمرو
30-06-09, 01:15 pm
..







وقف نبض الغلا حزة ودآعك واختفت أطلال
... تمآدت دمعة الفرقى وغطى العين / جلبآبك
..
نبش دمعك من اخدود العياء .. نقشة التمثال
... مسح جُزئيّة الفرحه وعآد الصمت / لكتآبك
..
خُرافة مآذكر أعلاه .. حدآثه .. قوقعه .. واذلآل
... من اطراف الندم تآخذ طعون الوصف / بغيآبك
..
بنات افكار من بوحي تشق الصبح للموآل
... تعيد الصمت .. يوم الصمت .. طرق من لوعته / بآبك



..




وقفـــ ..







وقف نبض الغلا حزة ودآعك واختفت أطلال
... تمآدت .. دمعة الفرقى وغطى العين / جلبآبك








..

محمد العمرو
04-10-09, 11:44 am
..



من يدوّر ( عشق ) وانتي في عروقه
... ساكنه بالروح من عدة .. شهور
..
يشبهك غيم الوسم حزة .. بروقه
... ويشبهك ديم المطر فوق الزهور
..
تشبهين البدر في كامل .. شروووقه
... ياقمر لو غاب يرجع .. للظهور
..
كل وصف ٍ بالحلا وصفك.. يفوقه
... واكمل الاوصاف تخضع .. بالحضور




..

محمد العمرو
04-10-09, 11:48 am
..


لو بكيتي من حروف الشوق واتعبتي .. قصيدك
... ماسقيتي غير غرسك .. لو بقى بالشوق .. شوك
..
لاانفجر بالضيم قلبك .. لاانمحت ذكرى .. شهيدك
... وانتحر بالظِل .. عاذل .. كان في حسبة .. أبوك !
..
إركدي !! .. مآجيت ارجع .. نبض سآكن في وريدك
... جيت اقول اللي يبونك .. تكرهيني .. ماانفعوك
..
كنت أقرب لك من انفاسك .. ومن ضمة .. وِلِيْدك
... كنت .. أهملني .. ودآيم .. أقترب لك .. لآنسوك
..
كان حرفي .. من كثير العشق .. لاغبتي .. يزيدك
... ( روعة الإسقاط ) .. واخفى .. كل ناس ٍ .. هملوك
..
علميني عن مصير ابيات .. في صفحة .. بريدك
... ( وش عطآك الصد عنيّ .. دامني حسبة .. أخوك ) !!




..


!!

محمد العمرو
05-10-09, 12:57 pm
..






لين أمِل الشوق وارضى بالقناعه
... بااستخير الله واعاندها / واروح
..
وماأظن الصد يحتاج الشجاعه
... دامني فعلاً على الفرقى / لحوح
..
كنيّ اللي مشتري هم ٍ وباعه
... وكل شي ٍ ينتهي .. / إلا الجروح




..

محمد العمرو
05-10-09, 01:00 pm
..




سأمتكـ ..



كِثر مآلوم الآآآهـ ..

لـِــمــتــكـ ..

يالنديمه ..

لو كشفتيني أدوّر لك ..


فااعرفي إني .. ختمتكـ


سأمتكـ ..

سأمتكـ ..

لو نطق بالبوح .. صمتكـ

\


سأمتكـ


..






طآبت علومي يالشعر ماأبي .. زود
... من صارت ادروبكـ .. تقاطع / ودوّار
..
خلّك على قردك إيلا صرت .. مقرود
... واضحك .. وتآبع .. مسرحيآت .. / غوّار (:



..

محمد العمرو
05-10-09, 01:03 pm
..



















أخسرك واكسب راحتي .. وامنيآتي
... واكسبك واخسر بالندامه / صروحي
..
يالليّ نثرتي بالمواجع .. شتآتي
... لاتنشديني عن سبايب / جروحي
..
العام كنتي .. بالقناعه .. حياتي
... لآتشغليني (.. لو سمحتي .. / وروحي )



..

محمد العمرو
07-10-09, 02:51 pm
..



أصعب مشاوير الغرام .. الأليمه !!
... إنك تجي مشتاق وترووح / مجروح
..
ماهيب والله يبن الاجواد .. شيمه
... تطعن وقلبي يحتضر .. نزعة الروح
..
كم جيت ابرضي كبريائك .. حشيمه
... أشرح وصدك مع تغليك .. مشروح

..



واصعب .. !


أصعب مشاوير الغرام .. الأليمه !!
... إتك تجي مشتاق وترووح / مجروح





..

محمد العمرو
24-11-10, 11:53 am
..

YouTube - Simplicity (http://www.youtube.com/watch?v=iJU9In32KlI&feature=player_embedded#)!



..






هاذاهو احساس التجرد .. والابعاد
... مثل الذي ساهي .. يحسب .. جروحه
..
خلتني أشرح .. رحلة .. النون .. والصاد
... ( يعني الحروف اللي به صدق .. بوحه ) ..
..




أنـــا ..





انا احب الذوق .. والذوق .. لآزآد
... ماودي إلا .. أرسم اللحين .. لــوحه


..

محمد العمرو
24-11-10, 12:02 pm
..




ليت الدموع اللي غشت وجنتينك
... تقضي على غم ٍ يحارب دلالكـ
..
انا اشوف ان الزعل مستهينك
... ياللي دلالك مايجاري جمالكـ
..
عامين .. والثالث أناديك .. وينك !
... وانتي تحلين العقد .. في حبآلكـ
..
اقول وينك ! .. ينتحر فيك زينك
... أدريّ .. تحسين الهوى فيك .. هآلكـ
..
وانتي بظنك لو تردين .. عينك
... نمت بعيونك والهوى .. رآس مآلكـ
..
ياللي دموعك غاشيه .. وجنتينك
... تبسميّ .. رديّ .. مع الصبح .. فآلكـ




..

محمد العمرو
24-11-10, 12:04 pm
..





ردي على صمتك .. تعابير .. صمتك
... ولا اسعفي ليل الوله .. وامسحيني
..
أكيد انا لو لمت .. شِعري .. ولمتك
... مآلمت فركات الغلا .. في يديني
..
جيتي .. سأمتك .. يوم رحتي .. سأمتك
... ( يعني خلاصة هالمحبه ) .. ونيني
..
انا ورب البيت .. ضِقت .. وختمتك
... من أول الصفحات .. لآخر .. حنيني
..
ياللي على نبض الموادع .. وشمتك
... الدمع يشهد لك عن اهموم .. عيني .. !!




..

محمد العمرو
24-11-10, 12:08 pm
..



للحين : والذكرى تجي فيك .. وتروح
... للحين انا من لهفة الشوق / هاوي
..
للحين انا عايش على ضيقة الروح
... للحين عودي من طفآقتك / ذاوي
..
للحين انا والبوح .. واعاند .. البوح
... للحين انا في ظلمة الود / ضاوي
..
للحين انا قلبي من الصد .. مجروح
... للحين وصلك ياحبيبي / يداوي




..

محمد العمرو
24-11-10, 12:14 pm
..




المشكله إن الحكي مايجبره غير السكوت
... واكبر مصيبه للسكوت لامن درجته .. بالحكي ..!
..
يعني حكايتنا ( غدت ) مآبين .. فآت .. ولآيفوت
... واللي سقيته بالكلام .. جاني وصمته .. يشتكي ..!
..

محمد العمرو
11-04-12, 10:42 am
يمضي على صمت الصباح .. إبتسامه
... وعيون حارت بين لفته .. وتغميض
..
شخص ٍ يشيل الهم عِـز وشهامه
... واحد ٍ عيونه بالفرح دمعها .. فِـيـْض
..
والله يعز الجرح .. هذا مقامه
... ( أربع ) فصول وتالي الورد .. للقيض ..



..

محمد العمرو
11-04-12, 10:45 am
..


لو غدى للصمت ياوقتي حضور
ماغدى للهم في ذاتي / كلام
..
يستحيل آخذ من الضيقه شعور
واخلط الوان التفاؤل / بالظلام
..
للمعاني همس والناتج سطور
واحتفاء البوح لايعني / الملام
..
ادري ان الضيق في وسط القبور
واعلم ان الروح تاليها / سلام


..

محمد العمرو
25-08-12, 08:26 am
/




ابدأ وانا اللي منتهي .. بالبدايه
.... لكن على شان المروّهـ / أجامل
..
نفس الوجيه .. ونفس ذيك الحكايه
.... واشياء تنقصني وانا آقول / كآمل ..!


..

محمد العمرو
25-08-12, 08:29 am
/


أمس الجمعه 6/10/1433


::




جيت الرياض وبيّنت ذكرياتي
.... وانسابت الدمعه على خد / دمعه
..
جيت الرياض وغاردت اُمنياتي
.... وماهوب ذنبيّ لاغدى اليوم / جِمعه



.

محمد العمرو
24-09-12, 12:07 pm
..





صبآح الوطن ..



..





لك ياوطن غنْت عيون الطبيعه
... وارست ملامح فجرها في ترابك
..
وانا حدودي في غرامك وسيعه
... روحي فدآ ذرة غلا .. (في حسآبك ) ..



..

محمد العمرو
27-11-12, 04:50 am
..




للأمل قصه والطاري مسافه
... وللمعاني سكة الصمت الخجول
..
والفرح طاري وقلبي لو يخافه
... مااحتملني / صبح / وحروف / وذهول
..
كم سؤال ٍ تسبقه دمعة كلافه
... في معانيها ( أقول .. وما أقول ) .. !!



..

محمد العمرو
27-11-12, 04:50 am
..



خذ من الوان الغلا / وش يعجبك ..!
... وارسم اللوحه على كيف .. / القصيد
..
بُعد ثالث .. بيّن التجريد دآمه .. مطلبك
... إرسم النبض لآمنه تعزوى .. بالوريد
..
خلْ شمس العشق تشكي .. مغربك
... لوّن الصبح الحقيقي .. والشهيد
..
إعزف الريشه .. وروحي .. تكتبك
... طفلة ٍ تضحك مع العيد .. السعيد
..
الغلا لك .. والكور في .. ملعبك
... إرسم .. إرسم .. واترك الواقع .. بعيد


..

محمد العمرو
10-02-21, 03:08 pm
لوّنت صورة ضحتك واعتراني
... الوان فيها من شموخ المصابيح
..
اخفي سوالف غيبتك والأماني
... متعلقه مابين حبل المراجيح
..
تلعب على نبض الوله والمعاني
... مثل الورق لاطار من هبة الريح
..
وميدان صدري ممتلي بالمعاني
... بيت ن يقوم وبيت لآقمته ايطيح
..
أنظم شعر واحيان اسمع اغاني
... سعدون جابر يوم غنى مجاريح
..
واهديت سهمي للغريم ورماني
... وطيري غدى مافاد ريشه وتلويح
..
وبين الظروف الخافيات بزماني
... صورتك غابت مثل غيم المروايح

محمد العمرو
10-02-21, 03:15 pm
مقَصَدك تكفى يالخوي لاتقوله
خلك على فال الغلا واحتفظ فيه
..
أحدٍ يدوّر وش حكى به عذوله
واحدٍ اذا سقت الحكي قال مابيه
..
إطلع سما واترك هروج الطفوله
ترى الشهاب ايطيح في قاعة التيه
..
يعني انا من جد مالي بطوله
او دور يقصي بين شاقي ومشقيه
..
بعض المسائل في وسَطْها حلوله
والحر يفهم والاشارات تكفيه
..
واللي طلع بالشر يِحري نزوله
كني اشوفه يفرك الآه بيديه

محمد العمرو
10-02-21, 03:17 pm
لمحتك ظِل في ومضة زماني
وسيف البُعد من غمدك تِسلٌه
..
طعنت الشوق واخفيت الاماني
سؤال النور ( من يقدر يحله ) ..!