رحّــال
28-04-09, 10:26 pm
يوم من أيام شاب ( سعودي ):
الساعه السابعة والنصف صباحاً تدق الساعه اقصد ساعة الجوال المزعجة تفز من النوم تسكرها ثم تقعد تلفت يمين ويسار كأنك اول مره تشوف غرفتك تجلس تمغط لك شوي ... ياخي قم خلصنا ... ثم تقوم تروح لدورة المياة تتروش ترويشة الصباح وتطلع تجي للغرفة وتفتح الدولاب وتشوفك ثياب جديدة وتلبسها بعد ماتلبسها تفل السجادة وتصلي صلاة الفجر ...توك تصلي يا... بعد ماتصلي تنزل تحت تلقى أمك مزهبه الفطور
بالصالة .. قبل ماتقعد تحوس لك شوي تدور الريموت !!! بعد ما تلقاه تجلس وتفرك بالقنوات لين تصفي على مسلسل الزير سالم .. ياانك قديم ياشيخ .. تجلس تطالع وتفطر وبما أنك من امس ما تقهويت لازم الشاهي يصير بكاس .. تعدي الساعة ثمان وأنت مناقر أنت وأمك .. يالله صباح خير .. المواضيع ما تنفتح إلا الصبح .. أخيراً تلمحلك أمك وتقول ترى الساعة ثمان ونص .. ياخي افهمه قم اقلب وجهك .. تقوم تروح للمغسلة تغسل وتفرش سنونك وبعد ما تخلص تمر على البرادة وتشرب لك كاس موية تطلع للشارع وتنحر السيارة .. ياالله كل يوم على الحالة .. تشغل السيارة وتخليها لين تحتمي خمس دقايق احياناً سبع ... بعد ما تحتمي تحطها بدي وتمشي .. يعلمهم انها تماتيك ..وأول ما تمشي تشغل الرادو وتقصره بسرعه عقب تزويدة البارح !!! بعد ما تطلع من الحارة وتمسك الطريق العام تزود الرادو شوي وتتفاجا بأغنية جديدة لأصيل أبو بكر وتزود الرادو أكثر .. أصبحنا وأصبح الملك لله ... بعد ما تاصل أول إشارة تقصر عليه علشان ما ينقدون عليك راعين السيارات الثانية .. يعني مهو لله .. بعد ماتفتح الاشارة تزوده .. قهر راحت نص الاغنية ماطربنا معها .. تعدي من ثاني إشارة وتتفاجأ بالسيارات تهدي وتولع الفلشر وتعمش اكثر تشوف سيارات المرور .. اثاريه تفتيش .. ويش يبون على الصبح .. تتذكر حزام الأمان وتربطه .. تمر من عندالعسكري بعد ما تكون طفيت الرادو .. وتسلم عليه .. هههه يا ذروق .. ثم يقولك تفضل تعدي من عنده وتفك الحزام .. وتقعد تطالع ثيابك لايكون الحزام وسخها لأن الحزام مهمل ما يستخدم إلا بحالات التفتيش .. المهم تمشي لحد ماتوصل للشغلك وتجلس تحوم على الإدارة لك ساعه تدور موقف .. توقف سيارتك تدخل الإدارة تشوف زميلك سلمان تسلم عليه وتسأله عن أحواله ... ياهووه الساعة تسع عجلنا وراك توقيع .. المهم تستأذن من زميلك وتروح لغرفة المدير علشان التوقيع تدخل تسلم وكالعادة أبو ناصر لازم يكرر الإسطوانة ... منهو أبو ناصر ؟؟؟.. لا تدقق تمويه علشان مايعرفون مديرنا .. يقعد
ابو ناصر ساعة يهذر ليش تأخر أحرجتنا جاي تسحب رجليك الساعة تسع وش بقى من اليوم ومن الكلام ...المهم تحاول تسكته تقول انشالله باحاول ابكر ... تحاول !! حلوه والا ما عندك نيه .. المهم تطلع من عند ابو خالد وتروح للمكتبك .. توك تقول أبو ناصر!! .. وتسلم على الزملاء , تجلس على الكرسي وتمقل بالطاولة هو جاء العامل مسحها وإلا ماجاء .. أنا قايله يجي كل يوم مسحها أجل ياخذ راتب بس كذا .. علم نفسك يا .. .. لا زين الطاولة نظيفة .. تمسك معاملة من المعاملات المتكدسه عندك ومع كم سالفة مع الزملاء وكم بيالة شاهي ماتدري الا الساعة احدعش يعني أحد عشر تقوم من المكتب علشان تمغط رجليك تطلع وتحوم على المكاتب تسلم على هذا وتشوف هذا وتهاوش هذاوانت راجع للمكتب تلاقي شايب مضيع معه معاملة وبلش بروحه يستنجد فيك وتفزعله تاخذ معاملته وتقوله انتظر هنا أنا اخلصها لك ياعم .. مهب لله مير من الفضاوة .. بعد ماتخلص المعاملة تجي تعطيها ذا الشايب يقعد ساعة يدعيلك وانت تقول شدعوه ماسوينا شي .. يسألك الشايب من انت تقوله واحد من الناس .. تخاف تعطيه اسمك يبدأ يحول عليك معارفه الشايب ثم تبلش فيهم ..ترجع للمكتب وتقعد لين يأذن تروح تصلي وترجع بعد الصلاة خلاص يوقف الشغل يبدأ قراءة الجرايد تمسك الجرايد تبدأ تصفح لحد ما تصير الساعة ثنتين تقومون انت وزملاك وتوقعون .. خوش شغل ..
تطلع من الدوام ما تشوف الأرض من التعب تركب السيارة وتمشي بسرعه .. يابو الشباب خل السيارة تحتمي ... يارجال ماحنا فاضين جوعانين ..تمشي مع زحمة السيارات وقت طلعة الموظفين هذي الفئة الكادحة وما تدري إلا الجوال يرن ترد تلقاها أمك خير وش عندكم .. لا بس جب معك خيار وأنت جاي .. هذا وقته تمر السوق على دربك تآخذ خيار وطماط وليمون وجزر وجرجير .. انت أمك تقول طماط بس .. تجي تحاسب تلقى السعر مية وعشرين .. يادافع البلا وش احنا شارين ؟؟ اثاري العيشه صعبه .. تلقط القراشيع وتطير للبيت تدخل البيت وترمي اللي شريت بالصالة وتاخذ فره بين الغرف تمقل بأخوانك .. مشتاق لهم . وتطير للغرفة علشان تغير ملابس وتلحق على الغداء بعد ما تنزل تغدى وتشبع تغسل وترجع للغرفة علشان تنام .. يارجال مايمديك لا تنام أذن العصر .. إلا أن شاء الله يمديني بس غفوه ...
يتبع ...
الساعه السابعة والنصف صباحاً تدق الساعه اقصد ساعة الجوال المزعجة تفز من النوم تسكرها ثم تقعد تلفت يمين ويسار كأنك اول مره تشوف غرفتك تجلس تمغط لك شوي ... ياخي قم خلصنا ... ثم تقوم تروح لدورة المياة تتروش ترويشة الصباح وتطلع تجي للغرفة وتفتح الدولاب وتشوفك ثياب جديدة وتلبسها بعد ماتلبسها تفل السجادة وتصلي صلاة الفجر ...توك تصلي يا... بعد ماتصلي تنزل تحت تلقى أمك مزهبه الفطور
بالصالة .. قبل ماتقعد تحوس لك شوي تدور الريموت !!! بعد ما تلقاه تجلس وتفرك بالقنوات لين تصفي على مسلسل الزير سالم .. ياانك قديم ياشيخ .. تجلس تطالع وتفطر وبما أنك من امس ما تقهويت لازم الشاهي يصير بكاس .. تعدي الساعة ثمان وأنت مناقر أنت وأمك .. يالله صباح خير .. المواضيع ما تنفتح إلا الصبح .. أخيراً تلمحلك أمك وتقول ترى الساعة ثمان ونص .. ياخي افهمه قم اقلب وجهك .. تقوم تروح للمغسلة تغسل وتفرش سنونك وبعد ما تخلص تمر على البرادة وتشرب لك كاس موية تطلع للشارع وتنحر السيارة .. ياالله كل يوم على الحالة .. تشغل السيارة وتخليها لين تحتمي خمس دقايق احياناً سبع ... بعد ما تحتمي تحطها بدي وتمشي .. يعلمهم انها تماتيك ..وأول ما تمشي تشغل الرادو وتقصره بسرعه عقب تزويدة البارح !!! بعد ما تطلع من الحارة وتمسك الطريق العام تزود الرادو شوي وتتفاجا بأغنية جديدة لأصيل أبو بكر وتزود الرادو أكثر .. أصبحنا وأصبح الملك لله ... بعد ما تاصل أول إشارة تقصر عليه علشان ما ينقدون عليك راعين السيارات الثانية .. يعني مهو لله .. بعد ماتفتح الاشارة تزوده .. قهر راحت نص الاغنية ماطربنا معها .. تعدي من ثاني إشارة وتتفاجأ بالسيارات تهدي وتولع الفلشر وتعمش اكثر تشوف سيارات المرور .. اثاريه تفتيش .. ويش يبون على الصبح .. تتذكر حزام الأمان وتربطه .. تمر من عندالعسكري بعد ما تكون طفيت الرادو .. وتسلم عليه .. هههه يا ذروق .. ثم يقولك تفضل تعدي من عنده وتفك الحزام .. وتقعد تطالع ثيابك لايكون الحزام وسخها لأن الحزام مهمل ما يستخدم إلا بحالات التفتيش .. المهم تمشي لحد ماتوصل للشغلك وتجلس تحوم على الإدارة لك ساعه تدور موقف .. توقف سيارتك تدخل الإدارة تشوف زميلك سلمان تسلم عليه وتسأله عن أحواله ... ياهووه الساعة تسع عجلنا وراك توقيع .. المهم تستأذن من زميلك وتروح لغرفة المدير علشان التوقيع تدخل تسلم وكالعادة أبو ناصر لازم يكرر الإسطوانة ... منهو أبو ناصر ؟؟؟.. لا تدقق تمويه علشان مايعرفون مديرنا .. يقعد
ابو ناصر ساعة يهذر ليش تأخر أحرجتنا جاي تسحب رجليك الساعة تسع وش بقى من اليوم ومن الكلام ...المهم تحاول تسكته تقول انشالله باحاول ابكر ... تحاول !! حلوه والا ما عندك نيه .. المهم تطلع من عند ابو خالد وتروح للمكتبك .. توك تقول أبو ناصر!! .. وتسلم على الزملاء , تجلس على الكرسي وتمقل بالطاولة هو جاء العامل مسحها وإلا ماجاء .. أنا قايله يجي كل يوم مسحها أجل ياخذ راتب بس كذا .. علم نفسك يا .. .. لا زين الطاولة نظيفة .. تمسك معاملة من المعاملات المتكدسه عندك ومع كم سالفة مع الزملاء وكم بيالة شاهي ماتدري الا الساعة احدعش يعني أحد عشر تقوم من المكتب علشان تمغط رجليك تطلع وتحوم على المكاتب تسلم على هذا وتشوف هذا وتهاوش هذاوانت راجع للمكتب تلاقي شايب مضيع معه معاملة وبلش بروحه يستنجد فيك وتفزعله تاخذ معاملته وتقوله انتظر هنا أنا اخلصها لك ياعم .. مهب لله مير من الفضاوة .. بعد ماتخلص المعاملة تجي تعطيها ذا الشايب يقعد ساعة يدعيلك وانت تقول شدعوه ماسوينا شي .. يسألك الشايب من انت تقوله واحد من الناس .. تخاف تعطيه اسمك يبدأ يحول عليك معارفه الشايب ثم تبلش فيهم ..ترجع للمكتب وتقعد لين يأذن تروح تصلي وترجع بعد الصلاة خلاص يوقف الشغل يبدأ قراءة الجرايد تمسك الجرايد تبدأ تصفح لحد ما تصير الساعة ثنتين تقومون انت وزملاك وتوقعون .. خوش شغل ..
تطلع من الدوام ما تشوف الأرض من التعب تركب السيارة وتمشي بسرعه .. يابو الشباب خل السيارة تحتمي ... يارجال ماحنا فاضين جوعانين ..تمشي مع زحمة السيارات وقت طلعة الموظفين هذي الفئة الكادحة وما تدري إلا الجوال يرن ترد تلقاها أمك خير وش عندكم .. لا بس جب معك خيار وأنت جاي .. هذا وقته تمر السوق على دربك تآخذ خيار وطماط وليمون وجزر وجرجير .. انت أمك تقول طماط بس .. تجي تحاسب تلقى السعر مية وعشرين .. يادافع البلا وش احنا شارين ؟؟ اثاري العيشه صعبه .. تلقط القراشيع وتطير للبيت تدخل البيت وترمي اللي شريت بالصالة وتاخذ فره بين الغرف تمقل بأخوانك .. مشتاق لهم . وتطير للغرفة علشان تغير ملابس وتلحق على الغداء بعد ما تنزل تغدى وتشبع تغسل وترجع للغرفة علشان تنام .. يارجال مايمديك لا تنام أذن العصر .. إلا أن شاء الله يمديني بس غفوه ...
يتبع ...