بنشدك عنـ .............؟

[عاشقة الطير]

بنشدك عن بنت تذبح الناس بغلاها، ومن غلاها تذبح النفس الشقية
،شايله شايب شجاع في حشاها، والشايب ميت في بطنها والبنت حية؟

يالله يابوي فكرو بالحلـ ترااااااااااه سهل بالمررررررره ولين قلتو الحلــ ابيه بالتفصيل وشلون وكيف يصير طيب الله لا يهينكم

[صـعب المنـــال]

انا اول واحد يجاوب

الخمس ميه يابو

التفصيل البنت هي الخمس ميه
والشيخ الملك عبدالعزيز طويل العمر >>يسمع بطويل العمر ومايدري وشي وتم تشفير المذكور هع هع

[دينا]

بنشدك عن بنت تذبح الناس بغلاها، ومن غلاها تذبح النفس الشقية

هذي انا بسم الله علي وه بص ياحلوووي ...
،شايله شايب شجاع في حشاها، والشايب ميت في بطنها والبنت حية؟



عشوووقه حبيبتي ادري اني كشت بعيد عن اللغز بص والله اني ماافهم بالالغاز
بعدين صعب النال حلها...

[روايةليل]

ياوووووووووووولد وانا افكر صارلي ساعه وشذا الشايب اللي في بطن البنت ونعم والله بالعود ياجعل مثواااااه الجنة قولوا امين
:5[1]:

[ملك الليل]

بالخيررررررررررر

تصدقون دايم أسمع اللغز ذا ......وأخيرا لقيت الحل....هعهع




والحل ذاااااااااااااااا

حلوووووووووو

[Tulane]

قهر سبقني صعب المنال


تحيتي

[جمان البحر]

مب قهر واحد الا مليون قهر ..
صعب سبقنا وانا يوم قريت السؤال استانست اني عرفته بدون تفكير ...بس يوم دحدرت تحت لقيته حاله ...

[The Free Man]

اي لغز يبدأ بـ ( ابنشدك عن ) جوابه الدله :)


تقبلي مروري الثقيل
ما احب الألغاز

[زهور العمر]

قهر سبقني صعب >>تسذب




لغز غريب وحله ماجاء على بالي بس حلوو يصلمووو

[الفتـ الذهبي ـى]

قهرررررررررررر ياصعب سبقتني <-- يولف زيهم هع

مبروووك صعوووووووب

[zo3ol]

عشووووقة
شكرا علي اللغز ...بس أنا عندي أقتراح ودي توافقين علية بما أنك صاحبة الموضوع علشان يزداد زوار الموضوع ويصير موضوع مميز لأهل الألغاز ومحبينها ويتفاعل معه بقية الأعضاء
أقتراحي هو ..أن أي عضو يحل اللغز يحط لغز محلة وأذا ما يبي يحط لغز محلة يحول اللغز لأي عضو يختارة أو أنة يقول أي واحد عندة لغز يطرحة بالساحة ثم نجاوب علية وهكذا
تحياتي لك

[عاشقة الطير]

اولا.. حل اللغز جابه اخوي صعب مبرووووك ثانيا،، انا جى في بالي انو هالموضوع يصير موضوع للالغاز مثل ما قال اخوي زعول
وعلى كذا تصير هنا يصير (موضوع اللالغاز فقط)يعني سواليف مانبي اتفقنا ان شاء الله ..
وانا راح احط اللغز الثاني .. وموب شرط انا اللي احط اللغز ممكن اي عضو جى في باله لغز يبي
يطرحه يتفضل هنا ويقوله الله لا يهينه و و و وبس واتمنى منكم التفاعل !! واتمنى انو الموضوع يعجبكم
مشكور اخوي (زعول) على الفكره الجميل
تحياتي للجميع

[عاشقة الطير]

(اللغز الثاني)

*********************************
بنشدك عن عذراعن خواته تختلف**واقفات قاعدات وهي وحده وقوف

وقفها دايم يجي عقب التــــلــــــف**يوم نطريهـــا يقــع بالقلب خـــوف

[عاشقة الطير]

طيب اللي يحل هاللغز يحط لغز بداله اتفقنا ان شاء الله على اقتراح (زعول) بس اللي يحل اللغز صح

[فيصل...........]

صلاة الميت صح

[عاشقة الطير]

اخوي فيصل (صــــــــــــــح ) مشاء الله عليك جبتها
وبالاصح (صلاة الجنازه)
طيب ماحطيت اللغز؟؟

[فيصل...........]

ابنشدك عن ورع يغير كل وقت بلون
لا يكبر ولا يصغر ودايما طايحا سنه
لايامنة دخل في الوضيفة كنة المسجون
يشوف الشمس وهماليل السحايب مايبلنة

[فيصل...........]

يلة واللي يحلة
يضع لغز
مع تحياتي لصاحبة الموضوع
لاساسي

[الفتـ الذهبي ـى]

جاري التفكيـــر ..!

[عاشقة الطير]

مشكووور اخوي على التفااعل وحياك اخوي الفتى
ابعطي فرصه للاخوان <<<<بتغشش هههههههههههههههههه

[عاشقة الطير]

ابنشدك عن ورع يغير كل وقت بلون
لا يكبر ولا يصغر ودايما طايحا سنه
لايامنة دخل في الوضيفة كنة المسجون
يشوف الشمس وهماليل السحايب مايبلنة

افاااا ماتوقعت التفاعل بيصير كذا ولاا الحل صعب طيب انا ابجيبها
وهذا جواب اللغز اللي قاله اخوي(فيـــــــــصل)
( لصقة الفحص الدوري ) هاه صح؟؟

[فيصل...........]

افاااا ماتوقعت التفاعل بيصير كذا ولاا الحل صعب طيب انا ابجيبها
وهذا جواب اللغز اللي قاله اخوي(فيـــــــــصل)
( لصقة الفحص الدوري ) هاه صح؟؟

ما شالله
صح اثرك ما انتي هينة

[zo3ol]

8
وين لغزك ياعشووووقة

[فيصل...........]

جاري البحث عن لغز عاشقة الطير

[مـلاك الصمت !]

بـ إنتظار لغزك عاشقه ..

[عاشقة الطير]

يا حلوكم :)
طيب هذا لغزي
( انشدك عن عوداً مايجيه النوم** الناس ترقد والعود سهرانى
العود ضيفانه على دايم الدوم**وماقيل يوماً ضيف العود رجالى )
يالله الله الله بالحل :)
تحياتي للجميع

[فيصل...........]

علي ما ضن
برج المراقبة لا توجية الطائرات

[Tulane]

قهر سبقني فيصل >> نصابه هع



تحيتي

[عاشقة الطير]

علي ما ضن
برج المراقبة لا توجية الطائرات

يا مشاء الله جبتها اخوي (فيصل) <<<<شكله عنده احد يستشير به هههههههه
طيب اللغز اخونا فيصل .... وينه ؟؟
بانتظارك..

[فيصل...........]

ههههههههه كنك تعرفي هذا الحساس
طيب ياشاطري
اللغز هو
3+3_2=؟
كم يساوي
هع هع صارة رياضيات

[سلطان الغرام]

مشكوره عاشقه الطير على الموضوع الحلو

اللغز هو
3+3_2=؟
كم يساوي

جاري التفكير... لي عوده ...

[Tulane]

الجواب ( _ 4 )

هع وعساه يطلع صح

[فيصل...........]

الجواب ( _ 4 )

هع وعساه يطلع صح

صح
يلة الدور عليك

[عاشقة الطير]

يا سلام عليكي يا كبريااء كان الجواب في بالي<<<<كثري منها
يالله عاد عطينا اللغز

[zo3ol]

أختي :عاشقة الطير
لكي لا نهمل الموضوع ...أي عضو يقوم بحل اللغز يعطي فترة معينة لكي يضع لغزة
لأننا نري الأن أن العضو الذي يقوم بحل اللغز يتأخر بوضع لغزة ...أو تضطرة ظروفة بأن لا يدخل المنتدي لمدة يومين أو ثلاث وبهكذا يقتل الموضوع بالموت البطئ وينزل لأخر الصفحة وربما ينزل للصفحة السابقة ...وأقترح بأن العضو الذي يقوم بحل اللغز يعطي فترة ساعتين أو ثلاث لكي يضع لغزة واذا لم يقم بوضع اللغز يقوم صاحب الموضوع بوضع لغز غيرة أو يحولة لأحد الأعضاء ...نحن نريد أن نستفيد من وضع هذة الألغاز
ولا نريد أن يهمل الموضوع هكذا ...تقبلي فائق أحترامي وتقديري
تحياتي لك
كل الشكر والتقدير للأخ : فيصل
لتفاعلة مع الموضوع

[عاشقة الطير]

مشكووور أخوي (زعوول ) والله زينة الشي وصرت صاحب الموضوع ههههههههههههههههههه
بس الله يعطيك العافيه على التفاعل انت و (فيصل) والله
وانا راح احط اللغز

يا ويش شيخا كل همه ركوع وسجود

جسمه نحيل ودمع عينه جاري

ملازماللخمس والناس في هذا شهود

يعمل طوال العمر في خدمة الباري
ـــــــــــــــــــــــــــــــ
يالله الله يعافيكم جيبووها
منتظره الجواب انا

[فيصل...........]

الحل
اتوقعه القلم

[عاشقة الطير]

فيصل اشك عندك موسوعة الغاز :)
جبتها عطنا اللغز الثاني

[الحنتريش]

عاشقة الطير
مير على فطنه عندي لتس طير وتسري مثلوث تسان تبينه هديه مامن وراها جزيه

وحل اللغز مب الجنبيه الي يحط به الخنجر؟

[فيصل...........]

وش الحرام اللي دخل فالحلا لي
من المعجزات انكان تبغا تحلة
مع درب واحد مدخلة وارتحالي
جاه لامر من اللولي مرسللة

[عاشقة الطير]

الحنتريش مشكوور
بس لين جى لغز جااوب وخل السوالف عنك:)

[جناان]

الخمر
او
اكل الميته

يعطيك العافية عاشقة الطير

[zo3ol]

أعتقد أنة (الربا )

[فيصل...........]

زعول
جناان

سراحة قريبين من الحل بس شغلوا المخ اشوي

[عاشقة الطير]

التدخين او مال الحرام :) <<<مخي انحاااس هههههه

[الحنتريش]

الحنتريش مشكوور
بس لين جى لغز جااوب وخل السوالف عنك:)

ههههههههههههههههههههههههههه
والله ياهي هاجتن تصدقين اني احسبكم الي الحين تدورون حل اللغز الاول الي طرحتي اول الموضوع
مير هذا جزاي الي ابعطيتس طير هديه وانتي تدرين ان موسم المقناص بالطريق جاي
مير انا اسف على الخطمه واشوا انه ماجاء احد مسرع يصدمن بالموضوع
واحاول معكم حل الالغاز مير وشو لغزكم الاخير

[الحنتريش]

شكله الاسهم المحرمه

[فيصل...........]

شكل اللغز صعب
المهم اقربكم منة ولا يهمكم
هو عباره عن حيوان يعيش في البحر
اللتهم نبي من لانبياء
ايش اسم هذا النبي؟
واسم الحيوان؟

يله الذكي يقول الجواب

[جناان]

ههههه
هذا مو تقريب هذا اجابه
اخاف اجاوب تقولوا حطي لغز >>ماعنده لغز

[عاشقة الطير]

هههههههههههههههه حشى موب بس تقريب انت جبتها
النبي (يونس) عليه السلام
والحيوان الحوت
يعني الحلال على ما اظن اهو نبينا (يونس ) عليه السلام
واختلط بالحرام يعني دخل في حرام اي دخل في بطن الحوت وهوا الحرام ولاا؟؟ لا تفشلني :)

[فيصل...........]

صح صح صح
والحرام لحم لانسان محرم اكله
الحلال الحوت محلل اكلة
طيب مع درب واحد يعني دخل مع فم الحوته وخرج مع فمها بامر الله سبحانه
ومن المعجزات يعني معجزة من الله ليونس علية السلام وللخلق

[سلطان الغرام]

الحين من الي حل اللغز فيصل والا عاشقه الطير ....؟؟؟؟

رسونا على بر <<<عجل على اللغز الثاني ارتاح يوم راح اللغز الصعب هع ...


عطونا اللغز الي بعده ..والا اجيب انا ..؟؟؟؟

[فيصل...........]

لا والله اللي حل اللغز عاشقة
مو انا
المهم هات لغزك

[عاشقة الطير]

طيب زينـ هاكم اللغز !!

ــــــــــــــــــــــــــــ

بنشدك عن رجلٍ به الشر والخير
يظهر ومنها ظهرته مايردي
لي جاه يومٍ به ورود ومصادير
يبعد خويه عن مجال التحدي

[فيصل...........]

جاري التفكير

[سلطان الغرام]

جاري عصر المخ ...

[فيصل...........]

الحل
هو قارب النجاه او

كرسي طيار الطيران الحربي
في حال الخطر او خلل الطائرة

[عاشقة الطير]

ههههههههههههههه يالله الله الله <<ماضنتي بتجيبونها
لا انتم قدها :)

[عاشقة الطير]

فيصل قسم بالله اني اشك عندك احد ههههههههههههههه
مشاء الله وشلون جبتها
الف الف مبرووك يالله عاد حط لنا لغزك <<<شكلك تحب الالغاز

[فيصل...........]

اعطي المكرفون لي عضو اخر
لان ما عندي الا ماذكرت سابفا
طبعا بعد اذا صاحبة الموضوع

[عاشقة الطير]

اكييييييييييييييييد
طيب يالله اللي شايف هالرد
يحط لنا لغز وموب يتركنا يحط اللغز ويحط رجله ولا عاد نشووفه لا
يحط اللغز ويشووف مين اللي بيحله
يالله اللي يشوف الرد يحط اللغز بسرعه :)
واانا بصراحه عندي الغاز بس اكيد ابي من الكل يشاارك

[عاشقة الطير]

فااااا مليووون بالميه دخل اعضاء اقل شي ثلاثه بس ماعندهم
بلييييييييييييز احد يحط لغز ولاا انا حطيته

[سلطان الغرام]

اللغز عندي .....

انا ما ادري لي حق احط اللغز والا لا لكن ابحطه واذا ما اعجبكم نطوه ...


بنشدك عن بنت عليها عبايه
عباتهامن جنسها بضع لفات
واذا كشفت لبوسها للنهايه
تذرف على خدك من العين عبرات ..



عطونا الحل واللغز الي بعده ..

[فيصل...........]

جاري
عصر المخيخ

[سلطان الغرام]

وين الاجابات


والله اني قلت راح يحلونه على طول ..

[صـعب المنـــال]

ههههههههههههههههههههههههههههههه

اجاوب انا سلطان بس قهر خلهم يفكرون او تدري ابجاوب بعد شوي

[فيصل...........]

الحل
هو البصلة علي ما اعتقد

[سلطان الغرام]

صح عليك يافيصل والله انك جبتها ..


عطنا لغزك ..

[فيصل...........]

اسمحلي
اخوي ما عندي
والله والا اتشرف

[سلطان الغرام]

وراك وش الي جاك وين الحماس الاول


انا قلت ما شاء الله هذا عنده قاموس الغاز

لكن على العموم معذور ..

وينكم ياناس وين عاشقه الطير ..

[عاشقة الطير]

انا هنيا وهل اغيب واتركم <<<ورا مايقل الهرج :)
طيب هذا اللغز
ـــــــــــــــــــــــــــــــ
انشدك عن غذرى باسم رجال

لو يجتمع كل البشر ماقدرها

حراسها رجلين ماهم عقال

لا كن لا يمكن تعدى اديرهـــا

[سلطان الغرام]

جاري عصر المخيح..

[شموخ العز]

^^
وانــا كذالـــك :):)

[فيصل...........]

سلطان الغرام
شموخ
عاشقة الطير
انا بحل اللغز بس بشرط
ما تقولون دورك لاني ما اعرف

[عاشقة الطير]

هههههههههههههههههههههههههههه
خلاص موب مشكله فيصل
اانا هدفي هنا على الالغاز بس الاستفاده
فا اخوي فيصل انت جاوب ونشووف

[فيصل...........]

الحل
هو مدري هو والا غلط
المهم بقول اللي عندي
النجمة اللي في السماء المسماة بالجدي

[عاشقة الطير]

فيصل الحين ايقنت عندك قاموووس ههههههههههههههههههه
مشاءالله عليك
طيب نبي لغز مين يحط لنا لغز انا عندي بس اترك الفرصه للاخوان خاف فيه واحد لغز محيره يعطينياه
:)
مشكووووووورين على التفااااعل وبالاخص اخونا فيصل وسلطان الغرام ولا يهونون الباقين

[zo3ol]

طيب نبي لغز مين يحط لنا لغز انا عندي بس اترك الفرصه للاخوان خاف فيه واحد لغز محيره يعطينياه
ما عندنا مانع نحط لغز
أنشدك عن أسود الرجلين ملهوف الحشا
حول جحرة يستدير وليا مشا مثل السحاب اليا نشا
وبنت عمة عند جحرها لها جعير

[عاشقة الطير]

الثعبان :) ولاا ؟؟

[جناان]

والله هاللغز مو غريب علي
اظن الحل
الكفرات
بس مدري كفرات سيكل او سياره >والله الفرق

الإقامة : مــصــر
خلصت الدوره الي في جنوا خخخ

[فيصل...........]

الجراد
او
الميزان


واعتقد ان لغزك ياخوي ناقص الشطر الرابع فانت وضعت الشطر لاخير تحت لاول والثاني
لاخير والربع مفقود ياليت تعيد النظر فيه

[عاشقة الطير]

:) اخوي زعول فيه احتجاج على لغزك إذا ما عليك كلافه تعيد النظر فيه الله لا يهينك :)
مشكوووره على تفاعلكم بس ماشفت الباقي

[فيصل...........]

الحل هو

بالرغم ان اخونا زعول كنت انتظر منه ترتيب للغز
بس مو مشكله اقول
اذا مو من ضمن التي ذكرتها اعلاه
فانه وبكل تاكيد انشالله
حيكون

الرشاش حق المزارع

[عاشقة الطير]

مشكوووور اخوي فيصل
ووننتظر اخونا زعول

[zo3ol]

الجراد
او
الميزان


واعتقد ان لغزك ياخوي ناقص الشطر الرابع فانت وضعت الشطر لاخير تحت لاول والثاني
لاخير والربع مفقود ياليت تعيد النظر فيه


أنشدك عن أسود الرجلين ملهوف الحشا
حول جحرة يستدير
وليا مشا مثل السحاب اليا نشا
وبنت عمة عند جحرها لها جعير
هلاااا فيصل وغلااااا
شكرا علي الملاحظة ...كلامك صحيح أنا شبكت البيتين الثاني والثالث مع بعض
تحياتي لك

[zo3ol]

أسف يا أخوان علي التأخير وأرجو المعذرة أذا تأخرت في الجواب ولكن كل الشكر والتقدير لأخوانا فيصل علي تفاعلة معنا
ألف مبرووووووووووووووووك
فيصل.... حلك هو الصحيح رشاش المزارع

[عاشقة الطير]

مشكورين ..
والله انا ماني شايفه إلا (فيصل _زعول _سلطان الغرام) اللي متفاعلين والعذر إذا نسيت احد بس هذول اكثر شي اللي مبين تفاعلهم مع الموضوع ..
اوك ..
هذا اللغز ..
بنشدك عن ضيف بدار المعــازيب**الضيف يكرهم وهم يكرهونه
وليل قلط يقلـط على غير ترحــيب**ضيف من الزلات مايامنونه
يحتاج له في بعض الاوقات تأديب**وليا بغى المرواح مايتركونه

[zo3ol]

الـــــحــــــل
الضيف هو السجين و المعازيب هو السجن
بعد ورود الأجابة من الأخت عاشقة الطير
الغز مطرووح بالساحة الي عندة لغز ينزلة بعد أذن الأخوان والأخوات
تحياتي لكم

[جناان]

اذا صح
جواب
الاخ زعوول

اليكم
هذا اللغز

اسم من ثلاث حروف يحملك الى اي مكااان

الاول والثالث يصبح عدو الانسان

الثاني والثالث يصبح عظيم الشان

الاول والثاني يصبح غالي الاثمان

اذا عكسته يصبح شيء تقشعر منه الابدان

[عاشقة الطير]

:) جواب الاخ (زعول) صحييييح
مشاءالله عليك
ـــــــــــــــــــ
جاري التفكير في لغز جناان

[فيصل...........]

اذا صح
جواب
الاخ زعوول

اليكم
هذا اللغز

اسم من ثلاث حروف يحملك الى اي مكااان

الاول والثالث يصبح عدو الانسان

الثاني والثالث يصبح عظيم الشان

الاول والثاني يصبح غالي الاثمان

اذا عكسته يصبح شيء تقشعر منه الابدان

ممكن يكون


[درب]بمعنى الدرب اي الطريق اذا عكسناه يصبح ..برد..دب..رب

[جناان]

فصل
يافيصل
يعني الاول ايش والثاني و..و.. الخ

[سلطان الغرام]

مشكووووووورين على التفااااعل وبالاخص اخونا فيصل وسلطان الغرام ولا يهونون الباقين

مشكوره اختي عاشقه الطير ..
والعذر والسموحه على التاخير ..

[فيصل...........]

فصل
يافيصل
يعني الاول ايش والثاني و..و.. الخ


قصدي للتوضيح
بس افهم ان الحل غلط

[جناان]

الحل صح
لكن اكتب الاول يعني ايش والثاني...الخ

[عاشقة الطير]

طيب الزبده مين اللي بيحط اللغز :)

[جناان]

هذاااا الحل
كامل

درب

الاول والثالث يصبح عدو الانسان
دب
اقتباس:
الثاني والثالث يصبح عظيم الشان
رب
اقتباس:
الاول والثاني يصبح غالي الاثمان
در
اقتباس:
اذا عكسته يصبح شيء تقشعر منه الابدان
برد


واللغز عند فيصل

[سلطان الغرام]

وينك يافيصل ...؟؟

[فيصل...........]

طيب
هذا اللغز علية جائزة اللي يحلة يعفى من وضع لغز
والي ما يحله يلزم بوضع لغز


انشك عن بنتين مابينهن فرق
قدم امهن وحده. ووحده وراها
لاغربت وحد تصير اختها شرق
ووجيهن ما يختلف محتواها

[عاشقة الطير]

والله محير جدا جاري البحث عن الاجابه المفقوده (؛
مشكور اخوي

[& جمال الطفوله &]

الشمس والقمر


او

لوحات السياره

[فيصل...........]

الشمس والقمر


او

لوحات السياره

صح ما شالله عليك لوحات السيارة وفزت بالجائزة
واللغز علي اللي ماحل
وينهم؟؟

[& جمال الطفوله &]

طيب بطرح لغز


لي شهر ودي أطرحه

وحله صعب !!

[سلطان الغرام]

ما شاء الله عليك ياجمال الطفوله على الاجابه .
والله اني من امس وانا ادخل واقراء وعجزت اجيب الحل ..

ننتظر منك اللغز ..

[& جمال الطفوله &]

<< الله يخلي خيي اللي قال لي الأجابه :)

اسألك عن بنت عمرها مابين عشره وعاامين حرفها الأول يطابق رابع الأثنين وحرفها الثالث مكتوب وسط شهرين متزوجه زوجين الاول مسافر والثاني تشوفه كل يومين
آخر اسمها آخر العيدين
مااسم البنت ؟؟


<< على فكره ترى الحل مو عندي
لأنه سؤال تعجيزي
حتى أنا ماأعرف حله
ههههههههه

[سلطان الغرام]

حتى أنا ماأعرف حله

ههههههههههههههههههههه

اجل بالطريقه هذي ودي ابيع الاجابه بيع <<<انت جب الحل الحين ..

لكن لي عوده ..

[عاشقة الطير]

افاااا يا جووله انتي تحطين شي ماتعرفينه هههههههههههه اجل ليه تحطينه مدامه تعجيزي ولاا اختبار واحنا ناقصيم اختبارات مو كفايه اللي الله مبتلينا فيه ههههههههههههههههههه
جاااري التفكير ولين جت الاجابه يا الغلا قوليها لا تترددين لانو بصراحه (لغـــزك) مشووق جدا :)

[& جمال الطفوله &]

هههههههه

ايه لأن اللغز جايني عن طريق رساله بالجوال

وارسلت اللغز لذوي الأختصاصات وقلت عطوني الحل

وماعرفوو بعد

قلت يمكن أشووف عندكم هيك عقوول بتفهم :)

[فيصل...........]

لاجابة
مثرين

وهي بلده فارسية تتميز بخصوبت ارضها وجمال طبيعتها
كان يتغزل فيها الشعار ويشبهون محبوباتهم بتلك البلده لما تحتوية من
جمال الطبيعه.

وللامانه الحل ملطوش

[& جمال الطفوله &]

فيصل ؟؟

حل لغزي ؟؟؟



اممممم مشكوور بس بشوف صح والا لا ...

[عاشقة الطير]

مشكوور اخوي فيصل .. والله انك جبتها
طيب جمووله تأكدي ..:)
وهذا اللغز اممممم والله اني مدري كم رقمه :)
المهم هذا اللغز ...
ـــــــــــــــــــــــــــــــــــــــــــ
انشدك عن رجلا كبيرا مقـــامـــــه
يامر وينهى دون رجلين ويدين
احيان الناس تبغى منه السلا مــــه
تمشي في دربه في جميع الميادين
ــــــــــــــــــــــــــــــــــــــــــــــــــ ــــــــ
ياللهـ اخواني همتكم :)

[عاشقة الطير]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وينكم يالجماعه اشوفكم هجتو في مكانكم :)
يالله اللي بيحله له عندي شي اووووووووووه لا يفوته بس هههههههههههه<<تحفييز :)

[فيصل...........]

الحل
ممكن يكون التاريخ اليومي او الهجري

[عاشقة الطير]

العذرررررررررر على القطاااعه ..
ـــــــــــــــــــــوالله انك مشآآء الله عليك تجيبها .. صح عليك ..
؟؟؟؟؟؟؟
ابي احد يحط لغز ...
لغز ياجماااااااااااااااعة الخير انا ماطريت منكم خخخخخخخخخخخ
يالله ابي لغز ابي احل لغز انا جوعانه الغاز :)

[جناان]

اليكم
هذا اللغز
وان شاء الله ما يكون مكرر

أنشدك عن رجل ,,,مايوجد مع الكفارولا شفته مع أهل الدين
تشيله خمس وتحطه عشر,,,وهو واحد تقول أثنين

وهو خمسه على خمسه

[قصيمي 2007]

هذا الله يسلمك

العقـــــــــــــــــــال

اذا خطأ اكيد الحل طلعة الغاط

[جناان]

صح عليك

طلعة الغاط http://www.buraydh.com/forum/images/icons/icon10.gif
:
:
:
قصدي العقال

[عاشقة الطير]

الله يعطيكم العافيه دووم هالتفاعل ..
طيب هذا لغزي لكم...
ــــــــــــــــــــــــــــ
اسمعوا ياللي تحلون الالغاز**لغز ٍعلى شان النشــــامه نعده

ياويش بنت دوم ماتشرب القاز**واللي طلع منها لهلها ترده

في وسط ورع دوم هماز لماز**ورع يكـــــد البنت وهي تكده
ـــــــــــــــــــــــــــ
يالله بانتظااركم..

[عاشقة الطير]

؟؟؟؟؟؟؟؟؟؟؟؟؟؟؟؟؟؟؟
يالله العيديه عندي ؛)

بس الله الله بالجواب

[ولد الشمال]

عسى العيديه زينه بس


راسي صدع من كثر التفكير على العموم افكر بعد


تحياتي

[هادي الطبع]

؟؟؟؟؟؟؟؟؟؟؟؟؟؟؟؟؟؟؟
يالله العيديه عندي ؛)

بس الله الله بالجواب


عيديتكي هي خاروف



جاري التفكير متحمس

[فيصل...........]

؟؟؟؟؟؟؟؟؟؟؟؟؟؟؟؟؟؟؟
يالله العيديه عندي ؛)

بس الله الله بالجواب

يله الله يخليك بسرعه ابي الخروف عشان ابيعه في العيد1200

المهم انشالله يكون الحل صحيح عشان اكسب الخروف
بس ادري حظي شين ماعمره كسب جائزه لو اللي مشارك فيها
انا وحدي بس المره ذي عندي احساس وامل كبير اني بفوز

المهم الحل هو شريحة الجوال

[عاشقة الطير]

هههههههههههههههههههههه .. مشآء الله عليك يا اخوي فيصل .. وانت يا اخوي هادي ورطتنا خروف مرتن وحده قل قطوه اهون
......
على العموم شكرا لك اخوي
وعلى الله العيديه تكفي ربعك كلهم
http://www.literaryconnections.co.uk/resources/lamb.jpg

ههههههههههههههههههه

[zo3ol]

بعد أذن المتواجدون بحط لكم لغز


أبنشد اللي كل لغز يهمة ...اللي يحل اللغز ودايم تمام
ويش الغلام اللي لصدرك دام تضمة....ولا مقصدكتقدير وأحترام
يفزع لكمكان الخطرحل بأمة....وفعل السبب مطلوب يا أبن الكرام

[T5ToO5a]

بعد أذن المتواجدون بحط لكم لغز


أبنشد اللي كل لغز يهمة ...اللي يحل اللغز ودايم تمام
ويش الغلام اللي لصدرك دام تضمة....ولا مقصدكتقدير وأحترام
يفزع لكمكان الخطرحل بأمة....وفعل السبب مطلوب يا أبن الكرام


يمكنـ حزآآم الامآآنـ !!

[zo3ol]

هههههههههههاي
من غششك يا فتوووو

حلك صحيح...عطينا لغزك

[T5ToO5a]

مآ علييكـ من اللي غششنيـ
آآهم شي الجوآآبت صح !!!

و للاسفـ ما عنديششش لغزز !
بسـ ميين فتووو !!

[عاشقة الطير]

مشآء الله عليكم .. دوم هالتفاعل ..
طيب .. انا ابحط لكم لغز ..
ــــــــــــــــــــــــــــــ
ويــــــش شــــــي يرهزاك
يرهز امــــــك من وراك
ان تقدم عقب الـــــــدم
وان تــــــاخر يا بـــــلاك
ــــــــــــــــــــــــــــــ
يالله تراه سهل جدا جدا .. بس شغلو امخاخكم <<شاكه بالكلمه صح ولاا غلط :)
..

[عاشقة الطير]

يالله أناا حطيت اللغز الله يحييكم .. ولا لازم كبووس عشان تشوفون زين :)

[& جمال الطفوله &]

ايه مر علي هاللغز << بشري أمك


الحل الضرس :)

[عاشقة الطير]

ياعيني عليك يا جمووله ..
يالله عاد ياوخيتي تراني طفرة من هالالغاز بس الخير جاي .. بس ابيك تحطين لغز يا اميمتي
ومشكوره على الحل

[& جمال الطفوله &]

طيبــ ,,,


اللغز /

ماهـو الشـيء الذي إذا جـمعته [حصى]إ ذا تركته [مشى] وإذا طبخته [عشاء] ؟؟




يالله مين اللي يقول انا لها :)

[عاشقة الطير]

ابترك فرصة للأعضاء :) .. ولاا الحل عندي
يالله اخواني وأخواتي ..

[& جمال الطفوله &]

8
8


معقووله عندتس :D



تيب

ننتظر اللي يحلها .. ولها كابون بقيمة 300 ريال , شراء من العثيم خخخخخ

[فيصل...........]

لاجابة
مثرين

وهي بلده فارسية تتميز بخصوبت ارضها وجمال طبيعتها
كان يتغزل فيها الشعار ويشبهون محبوباتهم بتلك البلده لما تحتوية من
جمال الطبيعه.

وللامانه الحل ملطوش

جمال الطفوله
الحل صح قصدي تاكد الحل

[& جمال الطفوله &]

جمال الطفوله
الحل صح قصدي تاكد الحل
هلا فيصل ..

بس أنا قلت لكم .. اني نزلته ولا أعرف الحل ..
وأرسلت الحل .. للي ارسلته لي ..
قالت غريبه !!
مااتوقع انه صحيح .. بس :)

[فيصل...........]

هلا فيصل ..

بس أنا قلت لكم .. اني نزلته ولا أعرف الحل ..
وأرسلت الحل .. للي ارسلته لي ..
قالت غريبه !!
مااتوقع انه صحيح .. بس :)

طيب لا قول هو الحل

[عاشقة الطير]

طيب ابي الزبده ... وين حل اللغز حق جموووله اللي حطته لنا ؟؟؟؟؟؟؟؟؟؟؟
مابي الموضوع يتلخبط بين هالردود ..